الموضوع: سير الكاتينه اتقطع

المشاركة الأصلية كتبت بواسطة Sameh_nabel

كنت اشتريت العربيه بتاعتي من شهر تقريبا و غيرت كل السيور بسيور اصليه
فوجئت من يومين بصوت غريب و زي تروس بتتكسر !!

كلمت الميكانيكي قاللي السير اتقطع و هنجرها للورشه نفك كل حاجه و نشوف فيه ايه

لما فك لقينا الاتي
السير طالع مفتول كده مش مقطوع يعني السمك بتاعه مقطوع نصين كده !!
البكره اللي تحت اللي متوصله بعمود الكرنك فيها صداده كده صاج الصاجه الصغيره دي متنيه لجوه كده
حساس الكرنك مكسور !

طبعا كل ده اتصلح ودينا الوش لمخرطه عمل صبابات جديده غيرت السير بسير ياباني مع ان الاول اصلي بتاع الشركه

انا عاوز حد يفيدني يقوللي ايه ممكن بكون السبب علشان الموضوع ميتكررش تاني كده

ناس بتقوللي العيب من السير مع انه اصلي و مكملش شهر يعني 4 الف كيلو
وناس بتقوللي ممكن الكمبروسيور فيه مشكله تقيل او حاجه فبيعمل حمل علي سير الكاتينه و يفتله كده
ناس قالتلي الحرق الجامد لاني بصراحه بحرق علي الغيارات شويه بس مش لدرجه ان سير الشركه ميكملش شهر يعني
الزيت بغيره قبل ميعاده بالف كيلو و معاه فلتر جديد

انا مش عارف ايه السبب هل ممكن تفيدوني علشان الموضوع ميتكررش تاني

غالبا بلية شداد الكاتينة هى السبب وفى عربيات تانية لو طلمبة الماء على سير الكاتينة بتقطع السير بتاع الكاتينة برضه

السلام عليكم ورحمة الله وبركاته كلامك مظبوط لان الكارثه فى قطع الغيار حتى من التوكيل كله زى الزفت ولو السيور دى اتغيرت بمعرفت التوكيل المفروض هو المسئول يصلحهالك بدون مقابل لكن انتى غيرت بمعرفتك والميكانيكى مش واخد باله من الاصلى والمضروب حقيقى الغش فى بلدنا زى الميه والهوا للاسف نقول حسبى الله ونعم الوكيل فى تاجريبيع قطع غيارمقلده اومضروبه وربنا يعوضك خير

ربنا يعوض عليك بالاحسن

سير الكاتينه لما يتغير .. بتغير كل حاجه خاصه بيه موش السير بس ( يعنى البلى و ما شابه )

يمكن يكون ده السبب

بليه الشداد جديده اتغيرت مع تغيره السيور اول ما اشتريت العربيه

هل لو زيت مضروب يعمل كده مثلا ؟؟

انا كل خوفي الموضوع يتكرر بس فعاوز اخد احتياطاتي

كمعلومه عامه

اى ميه توصل لسير الكاتينه .. ستجد تعليمات المصنع .. تطلب تغييره فورا حتى لو كان جديد و اصلى

السير برضه بيتأكل الجزء المطاط بسبب لمسه للشحوم او الزيوت

المشاركة الأصلية كتبت بواسطة tasaka

كمعلومه عامه

اى ميه توصل لسير الكاتينه .. ستجد تعليمات المصنع .. تطلب تغييره فورا حتى لو كان جديد و اصلى

السير برضه بيتأكل الجزء المطاط بسبب لمسه للشحوم او الزيوت

السلام عليكم ورحمة الله وبركاته ازاى الكلام ده اى سير موجود بلسياره لازم تطوله مياه من اى مكان الطريق الامطار فى اوربا الامطار والثلوج مرعبه يبقى ازاى واحنا الامطار فى مصر قليله وسير الكاتينه لازم يوصله مياه من حولين الوش البلاستيك يبقى كل شويه اغير سير علشان المياه غرقته

السير معملش 4 الاف كيلو علي بعض

اخر حاجه عملتها في العربيه قبل الموضوع ده اني غيرت زيت. بقول ممكن يكون زيت وحش تقل عمود الكامه مثلا !!!

ياريت لو حضرتك رفعت صور للسير المقطوع

الزيت ميعملش كدة فى السير .... على وصف حضرتك ... السير ده مش بيتحرك مرتاح زى بعضه .... فيه منطقة عليها اجهاد اكتر من التانية .. و ده ممكن يكون سببه بلية الشداد لو مش راكبة صح .... و كمان الطنابير الى بيتحرك عليها السير.. و دى صعبة شوية

متابعين معاك