الموضوع: فار اكل سلك ال abs

السلام عليكم يا شباب الخير
من اسبوع كده لمبة ال abs نورت
روحت التوكيل لقوا فار اكل السلك بتاع السينسور
الحمد لله طلعوا محترمين و الفني وافق يلحم السلك من غير ما يغير السينسور .. و طبعا الكلام ده ممنوع في التوكيل زي ما انتم عارفين

حد بقى عنده حل لموضوع الفيران ده ؟؟ لان اللي بيحصل ان لو فار متعود على عربية معينه مش بيسبها و بيعيش فيها

حصلت معايا في مصر و عملنا كل حاجة مع الفار مفيش فايدة ( كنت بركن كل يوم في مكان . غسلت الموتور بالجاز ... حطيتله فينيك ) و برضه يدخل يبات فيها و يجيب اكل و زباله من الشارع

ايه الحل يا رجاله