تسقيط موتور 2400 ل لانسر بومه

**svneleven** · 06-04-2016 10:27 AM

شباب انا سقطت سيتم 2400 ل عربيتي من حوالي 6 شهور. انتظرت لحد ما الدنيا تستقر عشان اعنل تقرير.
المهم انا اشتريت موتور 2400 CC كود 4G69 بيخرج 162 حصان و 220 نيوتن.م.
كان معايا عربية سوبر اكشن 2009 فابريكة برا و جوا طبعا استحرمت العب فيها. اشتريت لانسر 2006 مانيوال رشة برا و بدأت الحكاية.
اتفقت مع تاجر سمعته كويسه و كل الناس بتشكر فيه. موتور بالكونترول و طرمبة بنزين ب ضفيرة الموتور فقط مش ضفيرة عربية كاملة و 4 اجناب عفشة اللي هي الطنبورة بالفرامل و العدادات ب12000 جنيه.
التركيب عنده لان عنده ورشة ميكانيكا و يتكلف 1500 جنيه أو اسيبله الموتور القديم و هو نصحني اني اخد الموتور القديم لو عندي مكان و احاول اتسلي فيه حته حته هيجيب اكتر من 1500 جنيه طبعا. و قد كان.
المساعدين و السوست قالي هي هي بتاعة ال 1600 أنا ما اقتنعتش و اشتريت منه المساعدين و السويت اللي علي النص اللي اخدت منه الموتور.
بعد 10 ايام كان خلص. روحت استلمت العربية. ما شاء الله و لا كلمه. ما فيش سلك تايه و لا حاجه ماشية لوحدها.
جربت العربية زي الفل. شوية لقيت طرمبة الباور بتزن روحت غيرتها علي حسابه.
كمان كام يوم Check engine روحتله طلع حساس ظغط زيت الباور اللي في الطرمبة الجديدة بايظ. بردو غيرو علي حسابه.
نصحني اغير شكمان 2 بوصة. ووصفلي واحد معرفة في جسر السويس المهم غيرت شكمان كامل ب علبة جاسما استيراد ب 800 جنيه الليله كلها.
بس كده ما فيش حاجه تاني. لو حد عنده سؤال يتفضل. تحت امركو.

**ahmed_eng2001** · 06-04-2016 02:28 PM

الله ينور عليك ز شكرا على النقل ...

ده الموتور المايفك ؟
اخبار سحب العربية ايه ؟
غيرت الطنابير الخلفية ؟
هل لازم تركب شدادات اعلى الحوض . و لا مش مهم ؟
كفاية كدة علشان متزهقش من كترة الاسئلة :)

**svneleven** · 10-04-2016 07:31 AM

المشاركة الأصلية كتبت بواسطة ahmed_eng2001

الله ينور عليك ز شكرا على النقل ...

ده الموتور المايفك ؟
اخبار سحب العربية ايه ؟
غيرت الطنابير الخلفية ؟
هل لازم تركب شدادات اعلى الحوض . و لا مش مهم ؟
كفاية كدة علشان متزهقش من كترة الاسئلة :)

الموتور مايفك واحد كامه.
السحب طبعا حكاية ما في عربية بتمشي جنبك مع العلم اني ركبت فتيس ستبترونيك مش مانيوال. مؤكد ال مانيوال هيبقي احسن طبعا.
انا مش مركب شدادات بقالي حوالي 6 شهور بس لقيت شداد سعره كويس اشتريته و حسيت بفرق هايل في الثبات.
الطنابير الخلفية و الامامية اتغيرت طبعا و ممكن تختار بين 4 او 5 مسمار. انا اخترت 4 مسمار عشان الاقي تشكيلة اكبر من الجنوط.

**ramadanshehatt** · 10-04-2016 01:28 PM

مبروك يا باشا التعديل

عملت التراخيص والتكلفة كام ؟
سعر الموتور شامل الفتيس ولا الموتور بس ؟
استهلاك البنزين ؟
كشفت على المكنة ازاى وهى على الارض قبل الشراء ؟
مدى توافر قطع غيار المكنة دى ؟ واسعار الحاجات المسنهلكة ؟ كاتينة بلية سيور ؟

هل الموضوع يستاهل ان الواحد يغير ولا مش فارقة كتير عن 1600 ؟

معلش انا سألت كتير بس بصراحة مصدقت لقيت تجربة وتكون قريبة .. اخيرا عنوان التاجر ؟ وهل سألت فى مكان تانى قبل ما تشترى ؟ ولا انت واثق فيه للدرجة دى ؟

وشككرا ليك وربنا يكفيك شرها وعايزين شوية صور

**hugan** · 10-04-2016 03:03 PM

فين مكان التاجر والورشه
مواتير ٢٠٠٠ سي سي اوتو تعمل كام

**عبدالقادر** · 11-04-2016 02:47 PM

نزل صور افضل

**ahmedgabra** · 29-04-2016 06:40 PM

ممكن تساعدنا وترسل لي موبايلك في رسالته خاصه ضروري لانى عايز حد أمين يدلنا وانا من الصعيد

**manfromegy** · 30-04-2016 09:12 PM

زوزا دا سمعته إنه محترم جدا

**A7medelfe2y** · 30-04-2016 10:06 PM

دا له جروب كامل علي الفيس بينزل عليه كل حاجه
ياريت تحسبلنا التسارع بالظبط
والسرعه القصوي للمحرك الجديد

الموضوع: تسقيط موتور 2400 ل لانسر بومه

LinkBack

أدوات الموضوع

عرض

-

المواضيع المتشابهه

السلام عليكم قد تم تسقيط موتور لانسر بومه للbyd

تسقيط موتور لانسر كريستالة 1.3 cc

تسقيط موتور لانسر

تسقيط موتور لعربية لانسر 94

عايز اسأت موتور لانسر بومه فى لانسر بطه ينفع ???????

الكلمات الدلالية لهذا الموضوع

المفضلات

المفضلات

ضوابط المشاركة