أولا وقبل أي حاجة.. لازم ترجع لكتالوج العربية لمعرفة مواصفات الزيوت المناسبة لموديل عربيتك
ثانيا.. في حالة ذكر أكتر من نوع من الزيوت.. لازم حضرتك تحدد عربيتك نفسها ينطبق عليها أنهي نوع من المذكورين في الكتالوج.
ثالثا.. لازم تعرف من الكتالوج مواعيد تغيير الزيت لإن ده مهم جدا في تحديد عمر الفتيس وأداؤه .
على حسب علمي... الميتسوبيشي بتستخدم الزيوت التالية للفتيس الأوتوماتيك:
1- الفتيس الأوتوماتيك العادي: بمواصفة ATF SP-III (أو ATF SP-3).
الزيت ده موجود بنفس المواصفات دي عند هيونداي وكيا..
لإنهم بيستخدموا تكنولوجيا ميتسوبيشي في أغلب الأجزاء الميكانيكية.
2- الفتيس الـCVT : بمواصفة CVT Fluid J1
أعتقد الزيوت دي متوفرة في السوق.. وممكن حد من الإخوة الزملاء يفيدنا بالأسعار ولاأماكن.
...
المفضلات