الموضوع: تغيير زيت الفتيس للانسر بومه

خلى بالك

انت كده خلطت زيت اتوماتيك عادى .. على زيت اوتوماتيك cvt .. و ده غلط حتى لو للتنظيف

لانك بعد كده حسب ما فهمت من كلامك .. عايز تفضى الزيت و بعدين تضيف زيت cvt .. لكن اصلا الزيت اللى سيتبقى فى العربيه حيكون برضه خليط من اتوماتيك عادى و cvt .. و ده برضه غلط

لازم يكون الزيت بالكامل cvt

ممكن أوضح حاجه بالنسبة لزيت الفتيس للانسر البومة الفتيس ال 1600 ده بيكون فتيس CVT زي انتم عارفين الزيوت المناسبة ليه و ده من التوكيل و الناس اللي كانو شغالين فالتوكيل الزيت لازم يكون (ATF 3 H) أو (3 Dixron ) بالترتيب الأصلي من دايموند موتورز أو الهدي و موجود عند تجار بره زي محمد جابر و السعر ب 250 فالتوكيل و عند التجار بره بيعدي ال 300 ثم موبيل ATF 320 في بنزينات موبيل و ليس ATF 220 لأنه غير مناسب للفتيس

الزيت بيتغير علي 40 ألف كيلو أي كان أصلي أو موبيل

التغيير عن طريف أنزال الزيت من الطبة و ليس الشفط

الفتيس بياخد 5 لتر و ده حجم العبوة الأصلية (و لو استعملت جهاز الشفط في البنزينه اخره 4 لتر و اخر لتر مبقدرش توصله غير من الطبة و غالبا هو اللي بيبقي مجمع الرواسب)

أرجو أني أكون وضحت للناس و ربنا يسترها معانا جميعا

المشاركة الأصلية كتبت بواسطة jagu

ممكن أوضح حاجه بالنسبة لزيت الفتيس للانسر البومة الفتيس ال 1600 ده بيكون فتيس CVT زي انتم عارفين الزيوت المناسبة ليه و ده من التوكيل و الناس اللي كانو شغالين فالتوكيل الزيت لازم يكون (ATF 3 H) أو (3 Dixron ) بالترتيب الأصلي من دايموند موتورز أو الهدي و موجود عند تجار بره زي محمد جابر و السعر ب 250 فالتوكيل و عند التجار بره بيعدي ال 300 ثم موبيل ATF 320 في بنزينات موبيل و ليس ATF 220 لأنه غير مناسب للفتيس

على حد علمى .. لو العربيه CVT .. لازم يكون مكتوب على العلبه CVT

ATF 3 H ده Dexron 3H .. يعنى للاوتوماتيك العادى .. اعتقد انه للباصات او شيئ من هذا القبيل .. و ده اعلى حاجه فى الديكسرون 3

ATF 320 ده Dexron 3g .. يعنى للاوتوماتيك العادى

ATF 220 ده Dexron 2 .. يعنى للاوتوماتيك العادى للموديلات القديمه نسبيا

الخلاصه .. لو العربيه CVT .. لازم يكون مكتوب على العلبه CVT

المشاركة الأصلية كتبت بواسطة borio1704

على حسب علمي... الميتسوبيشي بتستخدم الزيوت التالية للفتيس الأوتوماتيك:

1- الفتيس الأوتوماتيك العادي: بمواصفة ATF SP-III (أو ATF SP-3).



الزيت ده موجود بنفس المواصفات دي عند هيونداي وكيا..


لإنهم بيستخدموا تكنولوجيا ميتسوبيشي في أغلب الأجزاء الميكانيكية.



أعتقد الزيوت دي متوفرة في السوق.. وممكن حد من الإخوة الزملاء يفيدنا بالأسعار ولاأماكن.

...

- هل فيه فرق بين الاسم Dia Queen SP iii ATF ..
و الاسم Mitsubishi Genuine SPIII ِATF Automatic Transmission Fluid
ام انه فقط فرق اسم شركه ؟ ام ماذا ؟

- هل كيا و هونداى بيستعملوا نفس العبوه فى الصوره بعلامه الميتسوبيشى ؟

- بالصدفه امبارح باقيس زيت الفتيس .. لقيت مكتوب عليه المقاس
Mitsubishi Genuine SPIII ِATF Automatic
Transmission Fluid
يعنى موش ديكسرون 3 زى الكتالوج محدد .. و انا عارف ان ال SP مواصفته احسن من ديكسرون 3

تحياتى

المشاركة الأصلية كتبت بواسطة borio1704

لأ .. مفيش فرق بين Dia Queen SP iii ATF و Mitsubishi SPIII ِATF Automatic Transmission Fluid

كلمة DiaQueen دي اسم تجاري خاص بمتسوبيشي علشان يفرقوه (تجاريا) عن زيوت ATF SPIII من الشركات التانية.

أصلا أصلا .. مواصفة ميتسوبيشي لزيت الفتيس كان اسمها التجاري Diamond ATF SP III.. وهما بيحبوا يستخدموا كلمة Diamond لارتباطها بمعنى كلمة متسوبيشي (متسوبيشي = Three-Diamonds)


كيا وهيونداي بيستخدموا نفس مواصفة الزيت (ويجوز نفس الزيت) وبيبقى معبأ في عبوات هيونداي/كيا



بالنسبة للوضع عند حضرتك.. فكون إن العربية مكوناتها الميكانيكية من ميتسوبيشي.. فمتوقع إن مواصفات كل السوائل فيها تبقى حسب مواصفات متسوبيشي.

المشكلة إن شركات السيارات الصينية ما زالت خبرتها قليلة .. علشان كده لسه ما شفناش كتالوج خالي من الأخطاء.. ولكن أتوقع إنهم يتجاوزا الأخطاء دي في عربياتهم الجديدة.. وخصوصا الشركات اللي عاملة شراكات مع شركات عالمية.
...

شكرا .. و انا عارف انى تاعبك معايا

ده رابط فى ebay فيه نفس الاسم بالظبط لكن العلبه سوداء ( هى علبه Quart يعنى لتر تقريبا ) .. انا خايف يكون فيه تحديث للزيت و تغيير بعض المواصفات
Genuine Mitsubishi SPIII SP3

Genuine Mitsubishi Spiii SP3 Kia Transmission Fluid ATF 5 Quarts | eBay

انا حاولت الاقى الداتا شيت بتاع SPiii موش لاقى سواء كيا او هونداى او ميتسوبيشى .. اتمنى لو لقيت رابط تضعه لى

ان شاء الله عندى 3 ردود حاحاول اكتبهم النهارده فى بعض المواضيع

شكرا جزيلا و تحياتى و اعزازى