عرض للطباعة
السلام عليكم ورحمة الله وبركاته
محتاج مشورتكم في واجهة المنزل .. هي لسه ماكتملتش والألوان مش مظبوطة
بس بخصوص القبة أنا شايف إن حجمها غير مناسب لأنها تبدو كقبة جامع..
فما رأيكم في الشكل بشكل عام والقبة بشكل خاص .. كيف يمكن أن تبدو مناسبة
وماهي الألوان المقترحة .. لأن الأبيض لايحتمل التقلبات المناخية
الغرض من القبة وضع فيها السخانات المركزية والتكييف وخزان المياه عشان الشكل العام
هنا الصور
http://a.top4top.net/p_975edu1.jpg
http://b.top4top.net/p_97ec1r2.jpg
http://c.top4top.net/p_97whlj3.jpg
http://d.top4top.net/p_9778nx4.jpg
http://e.top4top.net/p_977o9t5.jpg
عارف فيه ملاحظات كتير بس ساعدوني فيها لإني عايز أنهي هذه المرحلة في أسرع وقت
انا مش مهندس معمارى
شخصيا مبحبش الاستيل ده , من اول النظرة لقيته مجهد للعين و مش سلس
على المستوى العملى تنفيذة هيبقى صعب و مكلف
و فى اعتقادى مش مناسب للبيئة الى هيتبنى فيها
اقتباس:
المشاركة الأصلية كتبت بواسطة 7oda
في البداية كانت عجباني الواجهة دي
http://arab-arch.com/uploads/posts/1387383354_1.jpg
ولكن زرت المشروع بعد فترة لقيت إنها موضة وقدمت
فإيجابيات المودرن إنه بسيط ومش مكلف
لكن سلبياته إنه بيقدم وبتنتهي موضته بسرعة
سلبيات الكلاسيك إنه مكلف ومرهق
إيجابياته إنه مش بيقدم و ممكن تحديثه بتغيير الألوان
الحاجة اللي مش مريحة في الواجهة الحالية تتلخص في أمرين .. وارجو تصحيحي لو خطأ
الأول إن الألوان مش ماشية مع بعض .. لون البيت والشبابيك والقبة كل لون لوحده
جايز شكل القبة محتاج تغيير جذري لإن شكلها شاذ ومش مريحة للعين
هطلب من المهندس يغير لونها ويصغرها وهنزل الصورة بعد التعديل
يمكن يتغير إنطباعك لإن عندي نفس الإنطباع
بس أنا عارف إن القبة والألوان ممكن يكن السبب فيه
لإنها شاذة عن البناء بحجمها ولونها
بس ليه مش مناسب للبيئة اللي هيتبني فيها ؟
انا مش عارف انت هتبنى البيت فين و كمان فى الرسم مش باين الاتجهات الطبيعية
بس انت عندك واجهات زجاج كبيرة الواجهات ديه تنفع فى البلاد و الاماكن الى مفهاش شمس قوية زى اوروبا ولكن فى الشرق الاوسط انت مش محتاج الواجهات الزجاج الكبيرة
الواجهة الخارجية فيها تعرجات كتيرة فى رأيي الكلام ده مينفعش فى بيئة متربه
و زي مقولتلك فى الاول انا مش مهندس معمارى يمكن يكون رأيي غلط
اقتباس:
المشاركة الأصلية كتبت بواسطة 7oda
الرسم مش مكتمل لسه المهندس شغال عليه لإني طلبت منه تعديلات وقالي هات كل اللي عندك
هبني في الخبر .. وبالفعل المنطقة جوها في بعض الفصول بيبقى عواصف رملية
وعشان كدا اللون الأبيض مش مناسب .. لشدة تأثره بالمناخ.. دي حلها لون مناسب للبيئة
ولكن مسألة الشمس مفيهاش مشكلة كبيرة ..
أنا حاليًا بيتي المساحات الزجاجية فيه كبيرة
والزجاج بيحجب جزء من الشمس والجزء اللي بيدخل مناسب لحد كبير
فنوع الزجاج ونوع العزل ونوع التكييف وكمان نوع الستائر .. كله بيلعب دور
مع العلم إن فيه تأسيس لـ ( Roller Shutter ) على كل الشبابيك
مش عارف دا كفاية ولا لاء أنا كلمت المهندس في النقطة دي
وحاولنا بقدر الإمكان تهيئ البناء ليكون مناسب للأجواء دي
طبعًا لو فيه حاجة إضافية تفيدني بيها هكون لك من الشاكرين .. لإن بعد كدا هيبقى التغيير مش سهل
نقطة مهمة عايز أقولها إن البناء مش فله وحدة 10 فلل متجاورة .. فلو فيه غلطة مش هتقتصر على دي بس هتتنسخ في كل الفلل
فعشان كدا أنا محتاج الملاحظات دي .. لإني هناقشها مع المهندس
واجهات grc حد جربها ؟
الرسمه جميلة
خلي القبة مضيئة بلاش الجزء المعدني مشوه المنظر
لو ابيض عادي وبالليل تكون منورة هطلع جميلة
بالتوفيق
بصراحة انا شايفة شكل القبة شاذ جدا عن باقي المبنى و مخلي الشكل العام وحش جدا. ليه متبقاش شكلها مثلث من فوق عشان تتماشى مع شكل الواجهة؟ و تبقى نفس اللون الازرق ده ظريف
شيل اللي فوق كله وحط القبة فقط وخليها زجاج نفس لون الزجاج الي تحت
القبه بصراحه متنفعش مع منزل. الافضل تتعمل شخشيخه عباره عن كمره وعمود على شكل مستطيل وممكن من فوق يتعمل قرميد مايل فى الاتجاهين والأفضل كان التصميم يتعمل فى اى مكتب بالمكاتب الموجوده بمصر وبالتوفيق
اقتباس:
المشاركة الأصلية كتبت بواسطة إنسانة
وضحي قصدك أكتر
يعني إيه القبة تكون مضيئة
وإيه علاقة اللون الأبيض بإنها تكون مضيئة ..
دا شغل إنارة أفتكر هيمشي مع كل الألوان لو فهمتك صح
ياريت تكتبيلي كل ملاحظاتك غير القبة
اقتباس:
المشاركة الأصلية كتبت بواسطة hh
شكلها وحش كدا يمكن عشان لونها أو حجمها بس هجرب المثلث
ولوني مش متخيل منظره ..
اقتباس:
المشاركة الأصلية كتبت بواسطة hema_lancer
الزجاج عايز عناية خاصة وكمان مش هيكون بالحجم الكافي لخزان ومكيفات وخزانات مركزية
الحجم الكبير في الزجاج هيكون سلبياته كتير
لكن ممكن اخليه يعمل قبة من غير اللي تحت واشوف المنظر بعدها
اقتباس:
المشاركة الأصلية كتبت بواسطة amr011111
والله ياباشمهندس عمرو أنا مرتحتش لأسعار المكاتب في مصر
خصوصًا إنها مخططات بس مفيش إشراف
يعني رسومات الكهرباء والصحية والتكييف بـ 2000 دولار
رسومات المعماري و الإنشائي 2000 دولار
الواجهات 3d للواجهة الأمامية ومنظور جانبي 3000 دولار
لقيت نفسي هتكلف فيها حوالي 30 ألف جنيه
وهدفع للمكتب اللي هاخد على رسوماته الرخصة هنا 48 ألف ريال
يبقى بلاش مصاريف مرتفعة كدا وأخليني مع المكتب هنا وخلاص
رغم إنهم زي ماحكيتلك قبل كدا مش مرنين في التعامل
والمهندس المعماري اللي شغال على الواجهة معندوش أي وجهة نظر ..
اللي عايزه العميل بس يعمله ولو تعديلات كتير بياخدوا زيادة على كل تعديل
اقتباس:
المشاركة الأصلية كتبت بواسطة eso101
بالمناسبة إيه فكرة إن المكاتب في مصر تفصل اسعار المخططات كدا ؟
يعني يديك سعر لكل مخطط ويحسبها باللوحة
واسعار اجمالي المخططات ويبقى فيه تباين رهيب
يعني أنا هدفع 20 ألف على مخططات الصحية والتكييف والكهرباء
وزيهم إنشائي ومعماري
لما تفصلها تلاقيها هتطلع 70 ألف
لكن لو هاخد بكج كامل هدفع 30 ألف
مش فاهم ليه التفصيل دا .. وإيه الأسعار دي لو مفيش اشراف
هل فكرت انك تشوف مهندس freelance
يعملك التصميم و تخلى المكتب الى عندك يظبت الشغل على الوضع عندك
https://www.upwork.com/o/jobs/browse...ctural-design/
الاسعار ديه مبالغ فيها جدا. المكاتب اللى بتاخد بالاسعار العاليه جدا ديه هى مكاتب معروفه بعينها. انما الصح ان اللوحات تتعمل مع مهندسين ومش هيعدى موضوع المخططات كلها عشر المبلغ ده. ونفس الجوده ويمكن احسن. بس طالما المخططات اوشكت عالانتهاء فكمل مع السعوديه وحاول تعدل القبه ﻻى شكل تانى وبالتوفيقاقتباس:
المشاركة الأصلية كتبت بواسطة eso101
1- مثلث المدخل فيه زيادة من الخلف شيلها مشوهه المنظراقتباس:
المشاركة الأصلية كتبت بواسطة ESO101
2-القبة حلوة لو كانت دور واحد والجزء المعدني طالما الاضاءة هتمشي على كل الالوان خليه حجر روح شوف القبة اللي على فندق كراون بلازا الخبر وهتفهم قصدي يعني ايه مضيئة
3- المثلثين اللي جنب المثلث الكبير في الدور الثالث شيل القواعد اللي تحت مش حلوة
4- باب المدخل والشباك اللي فوق تحسهم جوه حيطة مقوسة شيلهم وخليهم مباشرة امام العتبة
5- السلم منظره مش حلو اكتفي بالعتبة بس
6- خلي الايطار اللي حوالين الشباك اللي في الارضي والبلكونة اعرض من كدا
7- الرسمة فوق المثلث الكبير في الدور الثالث مش حلوة الرسمة اللي في المثلث فوق المدخل احلى خليها زيها
8-شوفت العمود اللي في طرف المبنى الشمال اعمل زيه في النص بين المدخل والجزء التاني من البيت يكون تحت البلكونة بتاعة الدور التالت بالظبظ
9- منظر القرميد دائما مش محبب الحجر افخم استبدل كل القرميد بحجر ونفسه على القبة
اعمله قريب من دا http://www.eg.all.biz/img/eg/catalog/89810.jpeg
10- اعمل لونين لون للايطارات حولين الشبابيك "الاعمدة" والاعمدة الكبيرة وخليه اغمق من لون البيت ولون للبيت ويفضل يكون حجر بيج مثلا
11- الازاز خليه شفاف او منغير لون انعكاس بس
12- الباب لونه مش مناسب لباب المدخل والعتبة كمان
13- اهتم بالاحواض النباتية
14- كل ماسبق مليش اي دعوة لو طلع مش حلو او "عك" في الاخر دا مجرد اقتراح عشان طلبت اكتب ملاحظاتي
بالتوفيق
اقتباس:
المشاركة الأصلية كتبت بواسطة إنسانة
بعت كل ملاحظاتك للمهندس
وإن شاء الله تخلص على بكرة
شكرًا على مجهودك في الرد
وحاجة كمان
أنا لما قلتلك في موضوعك إن اللي بتعمليه ( عك )
دا من استيائي من اللي بيحصلك واللي بتحطي نفسك فيه مش استياء منك ..
متأسف جدًا .. هحاول إنتقاء كلماتي أكتر
اقتباس:
المشاركة الأصلية كتبت بواسطة 7oda
المعماري عملهولي مهندس فري لانسر
عيوب الطريقة دي إن المخططات مابتكونش كاملة
لازم أدور على كل مهندس وأشرحله من أول وجديد
لكن هشوف الموقع .. محتاج حد يراجعلي على مخططات المكتب
شكرًا جدًا
اقتباس:
المشاركة الأصلية كتبت بواسطة amr011111
أنا قلت يمكن عشان كان عندي المعماري رفعلي الأسعار عشان أخد العرض الكامل
عمومًا
أديني مع المكتب هنا لحد ماشوف أخرتها ..
شكرًا لسيادتك
شكرًا يا إنسانة .. وصلتني الصور دلوقتي هختصر رأيي في كلمة
( مذهلة )
هنا الصور بعد كافة الملاحظات ..إيه رأيكم في القبة بعد التعديل ؟ وبشكل عام ؟
http://e.top4top.net/p_108ua2s1.jpg
http://a.top4top.net/p_108ybi92.jpg
هل فيه أي ملاحظات بخصوص القبة أو غيرها ؟
العفو
جميله جدا
بس لاحظ ان انت هتبني في الخبر مش اوروبا فليه المهندس عمل الصوره بخلفية كدا
دي صورة خادعة لان ممكن يكون جزء كبير من شكلها بسبب الطبيعية المحيطة
خليه يديك صورة مفهاش تباتات حتى على البيت عشان يكون الحكم افضل
السياج على الشباك الارضي كانه سجن متعملش زيه لو مصر تحط حديد خليه زي حديد البلكونة
واساله هل الشكل ممكن يطلع كدا في الحقيقة فعلا ؟
بالتوفيق
اقتباس:
المشاركة الأصلية كتبت بواسطة إنسانة
الحديد عشان مفيش سور ..
طلبت صورة مجردة من أي زينة
وتعديل شكل الحديد..
و معرفة المواد اللي ممكن تُظهر الشكل كما في الصور
و كذلك طلبت ألوان مختلفة عن الحالية
عندي سؤال فضولي ..
عايز أعرف إيه رأيك في البيت بعيدًا عن كون الصورة جميلة ..
هل النوع دا من التصاميم مفضلة بالنسبالك ؟ :sweatdrop:
تغيير الحديد .. والألوان ..
وبخصوص الألوان أيهما أفضل ؟
عمومًا
بخصوص شكل الحديد والشكل العام
دي مش مشكلة لإنه وقت التشطيب كل المواد هيكون فيها نسبة إختلاف
يعني الصورة بالتأكيد بيلعب فيها ذوق المهندس
إختيار شكل الأنوار وأماكنها .. شكل الكرانيش .. شكل العربيات
كلها تخيلية
المهم آخر صورة مفهاش أي زينة تقريبًا وشايفها مقبولة بنسبة كبيرة
http://e.top4top.net/p_109wrcq1.jpg
http://b.top4top.net/p_109mdcj3.jpg
http://e.top4top.net/p_109flx81.jpg
http://c.top4top.net/p_109cmi54.jpg
ولكن من الناحية الإنشائية لا أعلم إن كانت القبة يمكن تنفيذها بهذا الشكل
إن شاء الله بعد إنتهاء المعماري سترسل للإنشائي ليقرر
ولو حد عنده فكرة لا يبخل علي بها
النوع دا من التصاميم ! محسسني انه معروفاقتباس:
المشاركة الأصلية كتبت بواسطة eso101
انا اول مرة اشوف قبة فوق بيت
ورايي زي ماقتلك انا شايفه انه شكله جميل مش هجاملك لو وحش كنت هقولك وحش
وسال مهم تاخد اراء اقاربك وصحابك والناس اللي ليها خبرة
مش محتاجة اقولك ان ردودي فاي موضوع مرتبطة بالموضوع مش بالعضو صح فيه ناس مابدخلش مواضيعهم بس وقت مابدخل بدخل للرد على الموضوع < فردودي تتاخد زي مابكتبها لا تعني اي شيء اخر
على فكره اللون الازرق حلو بس مفتكرش فيه حجر لونه ازرق
اقتباس:
المشاركة الأصلية كتبت بواسطة إنسانة
مش بس القبة الميول في الحيطة كمان مش منتشر ..
ومش منتشر عندنا بس معروف في اسيا ...
الصين وروسيا و كمان قرى أوروبا
وعارف بالتأكيد .. ماتخديش الكلام بحساسية
بخصوص لون الحجر كل الألوان ممكنة ..