محتاج ملاحظاتكم على واجهة المنزل 3DMax

**ESO101** · 07-04-2016 11:47 AM

السلام عليكم ورحمة الله وبركاته
محتاج مشورتكم في واجهة المنزل .. هي لسه ماكتملتش والألوان مش مظبوطة
بس بخصوص القبة أنا شايف إن حجمها غير مناسب لأنها تبدو كقبة جامع..
فما رأيكم في الشكل بشكل عام والقبة بشكل خاص .. كيف يمكن أن تبدو مناسبة
وماهي الألوان المقترحة .. لأن الأبيض لايحتمل التقلبات المناخية
الغرض من القبة وضع فيها السخانات المركزية والتكييف وخزان المياه عشان الشكل العام

**ESO101** · 07-04-2016 12:02 PM

هنا الصور

عارف فيه ملاحظات كتير بس ساعدوني فيها لإني عايز أنهي هذه المرحلة في أسرع وقت

**7oda** · 07-04-2016 01:26 PM

انا مش مهندس معمارى
شخصيا مبحبش الاستيل ده , من اول النظرة لقيته مجهد للعين و مش سلس

على المستوى العملى تنفيذة هيبقى صعب و مكلف
و فى اعتقادى مش مناسب للبيئة الى هيتبنى فيها

**ESO101** · 07-04-2016 07:49 PM

المشاركة الأصلية كتبت بواسطة 7oda

انا مش مهندس معمارى
شخصيا مبحبش الاستيل ده , من اول النظرة لقيته مجهد للعين و مش سلس

على المستوى العملى تنفيذة هيبقى صعب و مكلف
و فى اعتقادى مش مناسب للبيئة الى هيتبنى فيها

في البداية كانت عجباني الواجهة دي

ولكن زرت المشروع بعد فترة لقيت إنها موضة وقدمت

فإيجابيات المودرن إنه بسيط ومش مكلف
لكن سلبياته إنه بيقدم وبتنتهي موضته بسرعة

سلبيات الكلاسيك إنه مكلف ومرهق
إيجابياته إنه مش بيقدم و ممكن تحديثه بتغيير الألوان

الحاجة اللي مش مريحة في الواجهة الحالية تتلخص في أمرين .. وارجو تصحيحي لو خطأ
الأول إن الألوان مش ماشية مع بعض .. لون البيت والشبابيك والقبة كل لون لوحده

جايز شكل القبة محتاج تغيير جذري لإن شكلها شاذ ومش مريحة للعين
هطلب من المهندس يغير لونها ويصغرها وهنزل الصورة بعد التعديل
يمكن يتغير إنطباعك لإن عندي نفس الإنطباع
بس أنا عارف إن القبة والألوان ممكن يكن السبب فيه
لإنها شاذة عن البناء بحجمها ولونها

بس ليه مش مناسب للبيئة اللي هيتبني فيها ؟

**7oda** · 07-04-2016 09:24 PM

انا مش عارف انت هتبنى البيت فين و كمان فى الرسم مش باين الاتجهات الطبيعية

بس انت عندك واجهات زجاج كبيرة الواجهات ديه تنفع فى البلاد و الاماكن الى مفهاش شمس قوية زى اوروبا ولكن فى الشرق الاوسط انت مش محتاج الواجهات الزجاج الكبيرة

الواجهة الخارجية فيها تعرجات كتيرة فى رأيي الكلام ده مينفعش فى بيئة متربه

و زي مقولتلك فى الاول انا مش مهندس معمارى يمكن يكون رأيي غلط

**ESO101** · 07-04-2016 10:32 PM

المشاركة الأصلية كتبت بواسطة 7oda

انا مش عارف انت هتبنى البيت فين و كمان فى الرسم مش باين الاتجهات الطبيعية

بس انت عندك واجهات زجاج كبيرة الواجهات ديه تنفع فى البلاد و الاماكن الى مفهاش شمس قوية زى اوروبا ولكن فى الشرق الاوسط انت مش محتاج الواجهات الزجاج الكبيرة

الواجهة الخارجية فيها تعرجات كتيرة فى رأيي الكلام ده مينفعش فى بيئة متربه

و زي مقولتلك فى الاول انا مش مهندس معمارى يمكن يكون رأيي غلط

الرسم مش مكتمل لسه المهندس شغال عليه لإني طلبت منه تعديلات وقالي هات كل اللي عندك

هبني في الخبر .. وبالفعل المنطقة جوها في بعض الفصول بيبقى عواصف رملية
وعشان كدا اللون الأبيض مش مناسب .. لشدة تأثره بالمناخ.. دي حلها لون مناسب للبيئة

ولكن مسألة الشمس مفيهاش مشكلة كبيرة ..
أنا حاليًا بيتي المساحات الزجاجية فيه كبيرة
والزجاج بيحجب جزء من الشمس والجزء اللي بيدخل مناسب لحد كبير
فنوع الزجاج ونوع العزل ونوع التكييف وكمان نوع الستائر .. كله بيلعب دور
مع العلم إن فيه تأسيس لـ ( Roller Shutter ) على كل الشبابيك
مش عارف دا كفاية ولا لاء أنا كلمت المهندس في النقطة دي
وحاولنا بقدر الإمكان تهيئ البناء ليكون مناسب للأجواء دي
طبعًا لو فيه حاجة إضافية تفيدني بيها هكون لك من الشاكرين .. لإن بعد كدا هيبقى التغيير مش سهل

نقطة مهمة عايز أقولها إن البناء مش فله وحدة 10 فلل متجاورة .. فلو فيه غلطة مش هتقتصر على دي بس هتتنسخ في كل الفلل
فعشان كدا أنا محتاج الملاحظات دي .. لإني هناقشها مع المهندس

**ESO101** · 09-04-2016 01:47 PM

واجهات grc حد جربها ؟

**إنسانة** · 10-04-2016 09:02 AM

الرسمه جميلة

خلي القبة مضيئة بلاش الجزء المعدني مشوه المنظر

لو ابيض عادي وبالليل تكون منورة هطلع جميلة

بالتوفيق

hh · 10-04-2016 10:17 AM

بصراحة انا شايفة شكل القبة شاذ جدا عن باقي المبنى و مخلي الشكل العام وحش جدا. ليه متبقاش شكلها مثلث من فوق عشان تتماشى مع شكل الواجهة؟ و تبقى نفس اللون الازرق ده ظريف