اقتباس:
المشاركة الأصلية كتبت بواسطة borio1704
أنا أعدت قراءة مداخلاتك ... وبصراحة الأول ما كنتش مستوعب قوي..
دلوقتي وبعد ما دورت خلال الكام يوم اللي فاتوا في موضوع زيوت الفتيس الأوتوماتيك.. لقيت إن كلامك مضبوط جدا..
فعلا دلوقتي بدأت معظم شركات السيارات تنزل جيل جديد من زيوت الفتيس الأوتوماتيك.. والجيل الجديد ده ما هواش متوافق مع زيوت الفتيس الأوتوماتيك القديمة
وأغلب الزيوت من الجيل الجديد ده بتقعد فترة طويلة جدا في الفتيس... وأغلب الفتايس اللي بتستخدمه مالهاش عصاية مقاس.
...
اعتقد الفتره الطويله دى لبقاء الزيت فى الفتيس هى :
1- بسبب ان الزيوت الحديثه لها مستوى خدمه اعلى فى الخصائص الاساسيه ( Clutch Friction Stability و Clutch Durability و Oxidation و Foam/Aeration و Shear Stabilitylity ) .. مما يؤدى الى اطاله عمر الفتيس و الزيت ايضا
.. مثال الديكسرون 6 التحسن لجميع الخصائص يتراوح بين 100% الى 200% كما هو موضح فى الرابط
http://www.revbase.com/BBBMotor/Tsb/...dPdf?id=168779
2- سبب ظهور الديكسرون 6 كان بسبب تصميم الفتيسات الجديده ال 6 سرعات ( لجعل الفتيس متناسق مع منحنى العزم الامثل قدر الامكان ) .. و قد يكون تصميم هذه النوعيه الجديده من الفتيسات قد شمل تغييرات اساسيه للافضل فى الخامات المستعمله ايضا
3- بغض النظر عن ان التصميم الحديث يطيل عمر الفتيس و الزيت .. يمكن الحصول على هذه الفترات الطويله للفتيسات ذات التصميم القديم العادى باستعمال زيت فتيس ذو جوده عاليه ( بمعنى مستوى خدمه عالى ) .. و المثال هو زيت فتيس امسويل سيجنتشر بيخدم لفترات طويله جدا
اقتباس:
على سبيل المثال...
ميتسوبيشي (وهيونداي وكيا) عندهم زيت sp-3 وده يحل محل sp-2 و sp-1... لكن sp-4 الجديد ما ينفعش تحطه في فتيس بيستخدم sp-3
في تويوتا بردو نفس الكلام... T-4 يحل محل t-3 و t-2 و t-1 ... إنما زيت ws بتاعهم ما ينفعش تحطه في فتيس بيستخدم t-4
يبقى كده بردو ديكسرون 6 ما يستخدمش في الفتيس اللي بيستخدم ديكسرون 3 (بأنواعه).
- بالنسبه لديكسرون 6 فى امريكا .. شركه GM تشترط استعماله لعدم سقوط الضمان و تؤكد التوافق العكسى للفتيسات المصممه من GM مع ديكسرون 3 .. بمعنى التصميم الحقيقى للفتيس .. و ليست السيارات الصينيه مثلا التى تحمل علامه GM
- اعتقد انه يمكن ل GM ان تراجع الفتيسات التى من تصميمها و تضعها فى الحسبان عندما صنعت الديكسرون 6 .. لكن غير مضمون وجود التوافق مع الفتيسات الاسيويه مثلا لوجود اختلافات ( و الا لماذا وضعت الشركات الاسيويه مواصفات خاصه بها )
- اعتقد انه كان يجب على الشركات الكوريه او اليابانيه ان تضع التوافق العكسى فى الحسبان ايضا .. الا اذا كانت التحديثات فى الفتيسات الجديده عندها بها فروق جوهريه
اقتباس:
واللي أكدلي الموضوع ده إلى حد ما إن آمسويل مثلا عندها زيوت بمواصفتين رئيسيتين... واحدة للجيل القديم من زيوت الفتيس... والتانية للجيل الجديد... ونقدر نتأكد من كده لما نراجع قائمة أسماء الزيوت المتوافقة معاها.
- هنا سيدخل مفهوم الزيوت المالتى .. امسويل كان عندها سابقا زيت واحد اسمه Universal ATF
- و لكن بعد ظهور الديكسرون 6 ( و الزيوت المشابهه له من الشركات الاخرى ) .. لم تستطع امسويل جمع الكل فى زيت واحد .. و لذلك بدأ ظهور النوعين الجديدين الموجودين حاليا
- ساوضح بمثال ..
.. انا استعمل الان زيت فتيس امسويل ( الموافق مع ديكسرون 3 ) .. ده لزوجته 7.5
.. بينما لزوجه الديكسرون 3 موبيل 320 المعتاده هى 8
.. و لزوجه ال SP 3 المعتاده هى 7 ( ده زيت فتيس ميتسوبيشى المطلوب لعربيتى )
- بمعنى انه نظير التنازل عن اللزوجه المطلوبه عندى .. سيقابلها زيت امسويل خاماته اجود و اضافاته اجود
- ساضع مثال تخيلى ( ارقام غير حقيقيه ) .. لنفرض الاتى
.. ديكسرون 3 لزوجته المسموحه هى من 7 الى 8.5 مثلا
.. ديكسرون SP 3 لزوجته المسموحه هى من 6.5 الى 7.5 مثلا
.. ديكسرون 6 لزوجته المسموحه هى من 5 الى 6.5 مثلا
هنا لو عمل زيت لزوجته 7.5 .. يستطيع ان يكتب عليه متوافق مع كل من ديكسرون 3 و SP 3 .. بالرغم انه لم يحقق اللزوجه المعتاده مثلا ل SP3 و هى مثلا فى حدود 7 او اقل قليلا
الزيوت المتوافقه مع ديكسرون 6 لزوجتها بتكون 6 ( على ما اتذكر ؟؟ ) .. و بالتالى حاليا لن يستطيع اى صانع ان يجمع الكل فى زيت واحد .. و لابد من عمل نوعين من الزيت ( لزوجه عاليه و لزوجه منخفضه )
اقتباس:
واضح إن الفروق في المواصفات ما بينهم كبيرة.
..
الموقع ده هو نشره GM بخصوص الفروقات الفنيه بالتفصيل لجميع خصائص الزيت بين ديكسرون 3 و ديكسرون 6
و للاسف كان فيه منحنيات بيانيه رائعه و لكن الان موش موجوده
رابط
http://www.gmls4.com/index.php?topic=604.0
- واضح التحسن فى خصائص كثيره ( كمثال الاكسده ) .. انا باعتبرها مستوى خدمه افضل للزيت .. يعنى معنديش اعتراض عليها .. بل بالعكس تحسن مطلوب لايمنعنى من استعمال ديكسرون 6 لو باقى الفروقات مقبوله
- الواضح جدا فرق اللزوجه الكبير بين النوعين .. الخوف من الاويلسيلات و الضغوط ( محتاج بحث )
لزوجه الديكسرون 6 ثابته تقريبا فى جميع درجات التشغيل .. على عكس الديكسرون 3 لزوجته بتخف مع ارتفاع درجه الحراره و بتوصل تقريبا لنفس اللزوجه الخفيفه للديكسرون 6 عند حراره التشغيل .. و ده خوفنى من تأثيرديكسرون 6 على التسريب من الاويلسيلات فى بدايه التشغيل ( محتاج بحث )
- لكن الاهم هو Friction Modifier و طبعا حيكون فيه فرق .. بس اعتقد سيكون للافضل .. لكن هل هذا الافضل هو الانسب ؟؟ ( محتاج بحث )
- الشيئ الاساسى اللى خلانى توقفت نهائيا عن اتخاذ قرار بخصوص الديكسرون 6 حتى جواب وافى فى الموضوع هو :
1- Shear Stability .. التحسن فيه 200% يعنى 3 اضعاف الديكسرون 3 .. و دى طبعا حاجه كويسه
2- و للحصول على هذا التحسن يجب تغيير زيت الاساس بنوع مناسب .. فبكده حيكون فيه اختلاف فى زيت الاساس بين ديكسرون 3 و 6
3- لزوجه الديكسرون 6 ثابته تقريبا فى جميع درجات التشغيل .. على عكس الديكسرون 3 لزوجته بتخف مع ارتفاع درجه الحراره و بتوصل تقريبا لنفس اللزوجه الخفيفه للديكسرون 6 عند حراره التشغيل .. و ده خوفنى من تأثيرديكسرون 6 على التسريب من الاويلسيلات فى بدايه التشغيل ( محتاج بحث )
تحياتى و اعزازى و تقديرى