هوندا سيتى 2005 للبيع عاملة خابطة

**ejasoft** · 27-11-2008 11:35 PM

السلام عليكم ورحمة الله

تحية طيبة لكل الاعضاء
حبيبت ان اسألكم عن سعر الهوندا سيتى

العربية اللى انا شوفتها
عاملة حادثة خفيفة

الباب ورا السواق رايح وداخل لجوا باقى العربية تمام
معادا الواجهة (الشبكة والرداتير والسربنتينه ) رايحة خالص
والقايم اللى فوق الباب فى حلق السقف فوق معوج وداخل لوا

ممكن تقترحوا نقول فيها كام
يعنى انا سمعت من البياع 43 وطبعا ده سعر العرض

ممكن اتكلم فى كام
كام اللى عنده هوندا سيتى وعارف اسعار التالى يفيدنا
الفوانيس الاتنين قدام
الاكصدام قدام
الشبكة والكبوت
الباب بفرشه

وطبعا اريد سعر الاستعمال
اللى موجود مثلا فى بور سعيد او فى اى مكان

ورأيكم بالطبع فى الموضوع ادخل فيه ولا لا

حسب كلام واحد فاهم قالى حتصرف فى حدود 15
يبقى لو 40 مع 15 يبقى 55 احسن من السبعينات اللى بسمعها

العربية حالتها من جوا زيروا
انا شايف مفيش خدش فيها من جوا

والشنطة ورا والصدر مفهومش اى شغل

انتظر الرد سريعا
تحياتى لكم فى انتظاركم

**mich_e_l2000** · 28-11-2008 12:26 AM

اولا هى اوتوماتيك ولا مانيوال؟؟؟
لو اوتوماتيك تعملها فى حدود 70-75 حسب الحالة والكيلوميترى
ثانيا مين اللى قالك انها تتكلف 15 الف ...دا سعر التوكيل ولا ناس برة؟؟؟
لو سعر التوكيل والعربية اوتوماتيك يبقى توكل على الله
لكن لو تصليح برة .....لا انصح

**modybal** · 29-11-2008 11:36 AM

انا كنت عايز اعرف ان كانت مانيول ولا اوتماتيك

**ejasoft** · 29-11-2008 12:48 PM

شكرا على ردكم الكريم
العربية اتوامتيك

**ejasoft** · 30-11-2008 02:06 AM

فى انتظار الاخوة الافاضل
لان الموضوع محتاج الرد السريع قبل ضياع الفرصة ان كانت فرصة فعلا

**حماده المصري** · 30-11-2008 03:23 AM

رايي تصلح برا

وترش في التوكيل

وشكرا على كده

قطع الغيار تركب برا

وتجيب الصاج جديد ويترش في التوكيل

وكده التوكيل ملوش حجه ميرشش (قال يعني مش بيرشوا حاجات متسمكره)

وادرس الموضوع قبل ما تدوس فيه

عشان لو سليمه ممكن تستعملها مش تبيعها

**kimoboy** · 30-11-2008 11:22 PM

Is that the one in Harafyeen

**ejasoft** · 01-12-2008 08:24 PM

شكرا جزيلا على الرد لاكن لى بعض التساؤلات
خلاص انا حتوكل على الله فيها وربنا يكرمنا فيها

انا حاخدها ليا اكيد لانى مش تاجر ومش لعبتى

انا اصلا من زمان حابب الهوندا

بالنسبة للقطع المطلوبة اجيبها منين ارخص سعر
بور سعيد ولا مصر

انا عارف انها منتشرة جدا فى بور سعيد الهوندا لاكن اعتقد المنتشر هناك الهوندا سيفك واكرود لاكن سيتى معرفش اخبارها ايه
انا من الاسكندرية اصلا وكنت بروح بورسعيد علشان عربيبتى الشاريد

لا اريد ان اطيل عليكم

بالنسبة

قطع الغيار تركب برا

وتجيب الصاج جديد ويترش في التوكيل

وكده التوكيل ملوش حجه ميرشش (قال يعني مش بيرشوا حاجات متسمكره)

مفهمتش الموضوع
هوا لازم اركب الحاجة عندهم علشان نرش عندهم وهل الرش عندهم يختلف عن الرش فى الورش برا

طيب بالنسبة لحل الماتور وتركيبه هوا مش داير هل ينفع احنا نجيب مكانيكى يحل ويركب لاكن التدوير عندهم فى التوكيل حرصا على ان المكانيكية مش فاهمين الكمبيوتر والرشاشات والكلام ده وخصوصا كمان انها اتوامتيك

دلوقتى انكسر كمان الزجاج سبحان الله انكسر دلوقتى ومنكسرش فى الحادثة هههههههههه

وكمان عايز اعارف ان كان سحب العربية ايه نظامه بالمقارنة مع الانسر

يعنى الخلاصة عاوز التالى
اماكن القطع الارخص استعمال طبعا
افضل طريقة للرش - انا عندى السمكرى واتفقت معاه اقصد التوكيل ولا نرش برا
كمان الزجاج الاصلى ابو سخانات نجيبه بكام ومنين
الصاج والباب والاكصدامات تتجاب منين والافضل استعمال ولا جديد

ولكم خالص شكرى وتقديرى لكم واسف على الايطال

تحياتى لكم

**ejasoft** · 01-12-2008 08:25 PM

على فكرة مش فى الرحفين دى اصلا فى اسكندرية فى المنشية

:k18:

**amrnader** · 01-12-2008 11:44 PM

انا رأى فكك من الحوار كله، شوف واحدة حالتها نضيفة و ادفع حبة زيادة او شوف اى ماركة تانية، معتقدش العربية هترجع زى الاصل و هتبقى موسوس من ناحيتها،

طبعا فى النهاية القرار قرارك، بس ده رأيى.