اسعار هوندا سيفيك 2016

**maio_do** · 16-04-2016 04:33 AM

المشاركة الأصلية كتبت بواسطة banzai

يا خراشى , الواحد ممكن يروح يجيب 5 عيش فينو بعد كده ابو ربع جنيه ده يلاقيهم ب 5 جنيه ههه
على العموم الاسعار كده فكسانه خالص
المفروض الفطيم ينزل التيربو اللى نزلت السوق الامريكى و هيا ب 22 الف دولار يعنى لو افترضنا على اساس الدولار ب 10 جنيه بعد الجمارك هتبقى واقفه ب 350 الف جنيه اهو على الاقل هتتباع و هيكون ليها زبون 174 حصان و 220 ن م عزم برده مش شويه و كمان نازله بتكنولوجيا جديده حقن مباشر و تيربو و فتيس سى فى تى معدل بسوفت وير جديد و صاج من معدن اقوى و اخف اكيد هتتباع , بدل ما تنزل بالمحرك ال r16 على 280 الف معتقدش انه ممكن يبيع حتتين على بعض
و بعدين استحالة افتكاسة ال r16 تنزل فى الخليج , يعنى اعتقد الوكيل هو اللى بيحدد ايه المطلوب
يا ريت الرجاله بتوع الفطيم يستذكو شويه بدل ثقافة لبس الزبون اللى معدتش بتوكل عيش بالذات فى العربيات اللى نازله جديد بتقنية الحقن المباشر و التيربو
ادفع 270 الف فى هوندا 126 حصان و 150 ن م عزم ولا 260 الف فى مثلا فورد فوكاس 150 حصان و 240 ن م عزم حقن مباشر و تيربو
اعقلوها يرحمكم الله

ممكن توضح اية العزم والتيربو هيمشى مع 92 بتاعنا ولا هتجيب مكنة وشايف ان سعر التيربو هينزل يبقى بكام 350 حاسبها صح ولا

**TAMERMEGAHED** · 16-04-2016 10:52 AM

والله فعلا هتبقى عربيه حكايه لما تنزل

**banzai** · 16-04-2016 05:20 PM

المشاركة الأصلية كتبت بواسطة maio_do

ممكن توضح اية العزم والتيربو هيمشى مع 92 بتاعنا ولا هتجيب مكنة وشايف ان سعر التيربو هينزل يبقى بكام 350 حاسبها صح ولا

العزم هو المسؤل عن الطلعه و التسارع من 0-100 و لو معاك وزن تقيل فى العربيه سواء افراد او اشياء
الحصان كل ما كتر مسؤل عن التوب سبيد و زيادتها
كتالوج العربيه بيقول انها تمشى اوكتان 87

حتى لو aki فلو اتحول ل ron المفروض انه يمشى 90-92 زى الفل اهم حاجه تكون واثق فى بنزينه محترمه
العربيه ب 22 الف دولار حول بنفسك و زود ال 60% و شوف يطلعو كام
تحياتى

**melouk1** · 17-04-2016 09:35 AM

المشاركة الأصلية كتبت بواسطة banzai

تسلم حبيبى
لو معايا 250 الف اجيب فورد فوكاس اكيد , اهم حاجه عندى المحرك و كمان فورد غيرت تصميم البساتم لان المكنه دى كانت بتعمل مشاكل من كام سنه لكن دلوقتى لا غبار عليها بس الموضوع ده بيفرق لان العربيه مش هتكون النسخه الهاى لاين اللى معديه ال 300 الف على حسب الاسعار اللى على كونتاكت بس عن نفسى اهم حاجه المحرك فى واحد تانى الكماليات اهم من المحرك و كل واحد و دماغه
لو هجيب مستعمل فهتبقى حاجه من اتنين يا اما سيفيك 2010 و اسقطلها المكنه ال r18 او r20 لو لقيتها
يا اما لانسر البومه كامله موديل 2010 و اسقطلها المكنه ال 2 لتر المايفك 150 حصان و 200 نيوتن عزم
و كودها 4b11 و موجوده عند محمد زوزا فى الحرفيين على حسب اللى قريته على الفيس كزا مره فى صفحات مش فاكرها الصراحه و عنده كمان ال 2.4 لتر 4b12
طبعا البومه اقلهم تكلفه سواء فى تمن العربيه او فى التسقيط
معلش اصل المحركات ال 1.6 دى كحيانه اوى و انا اموت فى العزم ههه
تحياتى

اشكرك يا باشا بشدة ،
طيب فوكس جديدة ولا ٣٢٠ موديل ٢٠١١ الاتنين ب ٢٥٠ الف