تحذير من بنزينة موبيل ش النزهة أمام الرقابة ألأدارية

**ashraf1212** · 12-04-2016 01:37 AM

تحذير من بنزينة موبيل ش النزهة أمام الرقابة ألأدارية

روحت أعمل تشيك على هواء العربية وواقف مع العامل النصاب
وأتارى زميلة الناحية التانية بيخرم فى الكاوتش 3 تخرام ورا بعض واضح ان معاة حاجة جاهزة بيخرم بيها بسرعة .
العامل قالى الكاوتش عايز كشف والصراحة مستريحتلهوش وقلتلو لأ مش عايز أكشف
قالى لأ دة أنا حكشف بسرعة بزجاجة مية وقالى فى 3 تخرام ومعاة قطع كاوتش رفيعة بالطول عايز يلزقهالى
رفضت وقالى كدة الكاوتش حينام منك.
تانى يوم نامت فعلا وكشفت عليها قالى أنت روحت بنزينة قولتلة أة قالى خرمولك الكاوتش وعملوها مع ناس كتير قلت حسبى الله ونعم الوكيل وقلت أحذركم.

واللى أفتكرتة أن العامل النصاب قالى هات الكاوتش يمين شوية علشان يبقى سهل لزميلة النصاب أنة يخرمة بسهولة.

**hugan** · 12-04-2016 02:26 AM

شكرا للتحذير
كل البنزينات كده
ماحدش يصلح كاوتش في اي بنزينه
ولا اي حد يشاور لك في الشارع

**ahmed.zahra** · 12-04-2016 03:06 PM

المشاركة الأصلية كتبت بواسطة ashraf1212

فعلا بنزينات كتير بيعملو كدة والنصب والسرقة أنتشرو جامد ربنا يرحمنا أنا قولت أحذر المنتدى لأنها حاجة تحزن يتعمل كدة فى كاوتش جديد بريدجستون بالطريقة دى واللامبالة دى وناوى بأذن الله أظبط ألأتنين نصابين دول قريب.

معلش. الحمد لله على كل حال و ربنا يعوض عليك. بس انا لو مكانك اشوف اي حد من اصحابي الكاوتش عنده تعبان و اخليه يروح يكشف ع الكاوتش عندهم زيك و انت ماتبقاش واقف معاه و لا كأنك تعرفه. تكون واقف بتراقب الموقف من بعيد شوية و اول ما يبدأو يخرموله الكاوتش تروح جاري ماسكه من قفاه و تظبطوهم انت وصاحبك او تكونوا شلة او فيكو حد ضابط..

**ashraf1212** · 12-04-2016 06:14 PM

المشاركة الأصلية كتبت بواسطة ahmed.zahra

معلش. الحمد لله على كل حال و ربنا يعوض عليك. بس انا لو مكانك اشوف اي حد من اصحابي الكاوتش عنده تعبان و اخليه يروح يكشف ع الكاوتش عندهم زيك و انت ماتبقاش واقف معاه و لا كأنك تعرفه. تكون واقف بتراقب الموقف من بعيد شوية و اول ما يبدأو يخرموله الكاوتش تروح جاري ماسكه من قفاه و تظبطوهم انت وصاحبك او تكونوا شلة او فيكو حد ضابط..

سبحان الله دة اللى فكرت فية بس قولت أصورة علشان أخلية يندم على اليوم اللى أتولد فية.