الموضوع: التبخير فى موتور هيونداى أكسيل

السلام عليكم ورحمة الله وبركاته السادة الأفاضل من ذوى الخبرة انا معى هيونداى أكسيل 97 مواصفات خليجى اشتريت العربية من حوالى شهر العربيه موتورها كويس وكان الشكمان بيجيب رزاز ميه من الشكمان العربيه سخنت منى لمرحلة الغليان حوالى ثلاث مرات وده كان بسبب كتاوت مروحة التبريد لكن الحمد لله جت سليمة وماجبتش جوان لكن العربية بعدها اتلخبط شويه وابتدأ يطلع منها بخره بسيطة وقطعت بوجهات ولقيت واحد منهم عليه زيت عاوز اعرف العربية كدة دخلت فى تفويت وإﻻ ايه مع العلم أن الزيت فيها من حوالى 1000 كيلو والزيت شل اصفر 5000 ك وايه رأيكم وإزاى احافظ على الموتور علشان الوضع مايزدادش سوء وجزاكم الله كل خير