الموضوع: فضيحة بى ام دبليو الفئه الخامسه امام الستروين c6

http://www.youtube.com/watch?v=mgnnoAhni-M
انا عارف ان الكلام ده قديم شويه ولكن حبيت اجيبه علشان الناس اللى ما اتفرجتش عليه فى جير وان
على فكره انا بحب البى ان دبليو الفئه الخامسه قوى ودى تقريبا سيارة احلامى وما ركبتيهاش غير مره واحده من سنة تقريبا وانبهرت بيها انبهار غير طبيعى لما شفت ادائها على الطريق ولكن ما لاحظتش موضوع العفشه لان ما فيش مطبات قابلتنا ساعتها فيا ريت حد يكون جربها اهل هى فعلا ناشفه قوى على المطبات كدا

نفس موضوع الكوتش الغبي ده موجود في الفئة الخامسة
وفي نفس الوقت ستروين مشهورة جدا في جميع فئاتها من زمان بالراحة
مش عارف ليه انت حاطط بي ام دبليو في دماغك
وبعدين ده توب جير مش جير وان

المشاركة الأصلية كتبت بواسطة thunder_eagle

نفس موضوع الكوتش الغبي ده موجود في الفئة الخامسة
وفي نفس الوقت ستروين مشهورة جدا في جميع فئاتها من زمان بالراحة
مش عارف ليه انت حاطط بي ام دبليو في دماغك
وبعدين ده توب جير مش جير وان

على فكره اللى لاحظته فى الستروين c4 انها مش مريحه قوى ولا حاجه يعنى عفشتها متوسطه ولا خشنه ولا مريحه
وبعدين ان عارف ان ده توب جير بس اتسرعت وما مركزتش وانا بكتب

وبعدين ايه المشكله لما احط البى ام فى دماغى

المشاركة الأصلية كتبت بواسطة mandooo

على فكره اللى لاحظته فى الستروين c4 انها مش مريحه قوى ولا حاجه يعنى عفشتها متوسطه ولا خشنه ولا مريحه
وبعدين ان عارف ان ده توب جير بس اتسرعت وما مركزتش وانا بكتب

وبعدين ايه المشكله لما احط البى ام فى دماغى

مفهاش حاجة بس كل الموضوع انت بتحاول تعيب في الحاجة الكويسة علي قد متقدر عشان ربنا يصبرك علي الحاجة الي معاك

المشاركة الأصلية كتبت بواسطة thunder_eagle

مفهاش حاجة بس كل الموضوع انت بتحاول تعيب في الحاجة الكويسة علي قد متقدر عشان ربنا يصبرك علي الحاجة الي معاك

هو ايه اللى تصبرنى على اللى معايا هو انا راكب عجله ولا موتسيكل
وبعدين انا من حقى احط اى حاجه فى دماغى ومن حقى اعلق على اى حاجه وانت مش من حقك تقولى احط ايه فى دماغى او ما احطش

المشاركة الأصلية كتبت بواسطة mandooo

هو ايه اللى تصبرنى على اللى معايا هو انا راكب عجله ولا موتسيكل
وبعدين انا من حقى احط اى حاجه فى دماغى ومن حقى اعلق على اى حاجه وانت مش من حقك تقولى احط ايه فى دماغى او ما احطش

لا انت معاك عربية محترمة جدا بس طريقة كلامك علي البي ام دبليو توحي ان عربيتك فيها مشكلة
يا اما انت بتحقد علي الماركة كلها

المشاركة الأصلية كتبت بواسطة pro_samir

ستروين محترمة عادى محدش قال حاجة
والدى كان بيحكيلى انة فى اواخر السبعينات كان فى ليبيا وكان بيبقى طاير بمرسيدس ويلاقى الليبيين معديين منة كأنة مش ماشى اصلا لانها كانت بتبقى على نفس قرب الهواء دى مجرد ما تجرى تلاقى العربية هبطت على الارض وبيبقى ثباتها فظيع

اجمد حاجة في الستروين الراحة وفعلا كان فيه عربية منزلنها من السبعينات اول متدورها تعلي بضغط الزيت وكانت مريحة جدا جدا

الرياده للبى ام و دا مش مقياس للسيارات