فضيحة بى ام دبليو الفئه الخامسه امام الستروين c6

**Hesham256** · 05-12-2008 02:46 PM

البي أم بصفة عامة أحسن من السيتروين و شوف برضه قارن بعربيات أقل من السيتروين و هتغلبها زي ما أتعمل مع البي أم يتعمل مع السيتروين.

**Hesham256** · 05-12-2008 03:12 PM

المشاركة الأصلية كتبت بواسطة mandooo

http://www.youtube.com/watch?v=mgnnoAhni-M
انا عارف ان الكلام ده قديم شويه ولكن حبيت اجيبه علشان الناس اللى ما اتفرجتش عليه فى جير وان
على فكره انا بحب البى ان دبليو الفئه الخامسه قوى ودى تقريبا سيارة احلامى وما ركبتيهاش غير مره واحده من سنة تقريبا وانبهرت بيها انبهار غير طبيعى لما شفت ادائها على الطريق ولكن ما لاحظتش موضوع العفشه لان ما فيش مطبات قابلتنا ساعتها فيا ريت حد يكون جربها اهل هى فعلا ناشفه قوى على المطبات كدا

أهو بص بقه عايز تقولي أن أوبل أحسن من بورش كده؟.
http://www.youtube.com/watch?v=tBW7g0vMdZg

**tatu22** · 10-12-2008 10:57 PM

انا مدايييييييييييق وزعلان ازاى تقول فضيحة فى البى ام وبعدين انتا بتقارن البى ام بستروين
عشان ستروين نزلت موديل اريح شوية وبعدين كمان انتا مش بتقيس العربية على اساس الراحة وبس شوف السرعه وشوف بتاخد التركات ازاى وشوف الثباااااااااااات وشوف الاوبشنز
قاااااااااال فضيحه قال!

**otefa** · 14-12-2008 10:51 AM

ايه ده ياجدعان انتو عملينها قصة من الاخر بدون زعل الbmw عربية over rated and priced

**abo samra** · 15-12-2008 01:23 AM

المشاركة الأصلية كتبت بواسطة tatu22

انا مدايييييييييييق وزعلان ازاى تقول فضيحة فى البى ام وبعدين انتا بتقارن البى ام بستروين
عشان ستروين نزلت موديل اريح شوية وبعدين كمان انتا مش بتقيس العربية على اساس الراحة وبس شوف السرعه وشوف بتاخد التركات ازاى وشوف الثباااااااااااات وشوف الاوبشنز
قاااااااااال فضيحه قال!

هو انت ما شفتش بنفسك الفضيحه فى الاخر والناس مش عارفه تتفرج على سباق الخيول من الكاميرا المثبته فوق البى ام بعكس الستروين
وعلى فكره انا بحب البى ام دبليوالفئه الخامسه اكتر ما اى حد يتخيل وما قارنتش بين العربيتين نهائى وقولت مره ان الراجل اشتكى فى نصف الفيديو ان الستروين مش ثابته

**dibo5684** · 09-02-2009 08:09 AM

ممنوع الكتابة بالفرانكو أراب
تنبيه بمخالفة القاعدة 6 ب
الرجاء مراجعة قوانين المنتدى
________________
مشرف القسم

**yasserit** · 15-02-2009 03:35 PM

يا جماعة الفئة الخامسة دي فيها 96 إبتكار و اخده جوايز كتير جداً فا مينفعش أي حد يتكلم عليها أبداً و بعدين دي ما تتقارنش غير بالمرسيدس أو الجاجوار و الحاجات دي بس غير كده مينفعش و بعدين أي حد عايز يعرف أي حاجه عن العربية دي يسألني لأن مينفعش حد يتكلم عليها إلا لو جربها لأن الشكل الخارجي الجميل بتاعها حاجه و الأداء حاجه تانيه كمان

**حماده المصري** · 15-02-2009 08:38 PM

يا صبااااح الفل

الموضوع ده من الاول كله تهييس في تهييس

ولا يستاهل كل الي بيحصل ده بصراحه

لا وكمااان الكاميرا فوق العربيه

يعني بتقيسوا مدى راحه الركاب مقارنه بمدى اهتزاز البادي
والله ده تهييس رسمي

مش معنى ان العربيه البادي بيتهز ان الركاب مش مستريحين وعامه مهما كان دوع الاهتزاز الي في البي ام ف البي ام عفشتها ناعمه وناشفه في نفس الوقت يعني العربيه الاهتزاز الي فيها محدود وتحس بتقلها ده من كتر ما البي ام تقيله بتحس انها فعلا مجرد بادي ماشي باهتزاز بسيط جدا و 4 كوتشات هما الي بيتحركوا
وفي البي ام لا تكاد تسمع الا صوت المساعد فقط في العفشه وصوت حتى اصطدامه في النقر والمطبات صوت ضعيف جدا وممتاز حتى في النقر الضخمه والي اي عربيه عادي بترزع فيها جدا جدا
والمقصوره معزوله تماما عن الطريق وعن العفشه

والله انا شايف ان الموضوع ده مفيهوش اي نوع من الفضيحه تماما
وتوب جير بصراحه مع انه برنامج حلو جدا في تقييم التيست درايف
بس انا شايف انهم بيهسهسوا في الحلقه دي فعلا وعلى الفاضي

**حماده المصري** · 15-02-2009 08:41 PM

وعلى فكره لما السيتروين كانت ماشيه جابوا للمذيع لقطه وهو جوا العربيه ومكانتش بتتهز من الداخل

بس ال بي ام مجابش لقطه من الداخل ليها وهي بتمشي
ولو كان جابووا لقطه فيها وهي بتمشي من الداخل مكنش هيكون في اهتزاز

بس فعلا ده شكله دعايه و هسس ×هسس