لو عندك موبيل قديم مترميهوش --شغله كاميرا فيديو فالعربيه
بقالى فتره بدور على كاميرا بتركب وتسجل الطريق قدام العربيه
عندى فضول اصور الطريق بكل المخاطر الليبنعدى بيها- وممكن لو حصل حادثه اقدر اثبت خطء مين
الفكره جاتلى من اليوتيوب- كنت بتفرج على فيديوهات حوادث الطرق
اغلبهم متصور فروسيا
وعرفت ان فى روسيا اغلب العربيات فيها كاميرات - بيستخدموها فى التعويضات وشركات التامين
المهم لقتها علة سوق دوت كم بتتباع ب300 وتوصل ل1600 جنيه
قلت اعمل سيرش يمكن يكون فى ابليكيشن بتعمل نفس الكلام دا
وفعلا لقيتها
Drive Cam Recorder
البرنامج دا بيقدر يسجل فيديوهات مستمره ولما الميمورى تخلص يرجع يمسح ويسجل عليها
بتقدر تحدد حجم الملفات كام دقيقه تصوير وتحدد جوده التسجيل
تقدر تبين سرعه العربيه ومكانها عن طريق ال GPS
بتقدر تسجل بصوت وممكن تلغيه
الفرق بين الموبايل وكاميرات العربيه ان كاميرا العربيه فيها G sensor - لما بتكون العربيه مطفيه - الكاميرا بتطفى- اول مالعربيه تتهز او تتخبط- السينسور بيحس بدا ويشغل الكاميرا ويسجل علطول لمده 30 ثانيه - فممكن يساعدك تعرف مين اللى خبط العربيه
فقررت اجيب موبايل قديم عندى مركون- هجبله كارت ميمورى 16 جيجا ووصله شاحن ولاعه
وحامل واجرب اسجل المهم الموبايل ميتسرقش :praying:
ايه رائكم؟
مفيش مشكله خالص - الفنان الاستاذ محمد صبحى
برنامج "مفيش مشكله خالص - الفنان الاستاذ محمد صبحى"
حلقه الجمعه اللى فاتت 27 مايو 2016 كانت بتتكلم عن الزحمه والسلوك المتبع فى مصر فالسواقه
حلقه هادفه- بتوصل رساله مهمه جدا
مش هحرق الحلقه - انصحكم تتفرجوا عليها
انا مصور اكثر من 5 حوادث بسيطه فى خلال 3 اسابيع - كلها حسائر فالصاج.الحمد لله. بس اللى لاحظته انهم كلهم غلط الطرفين- وطبعا مفيش حد بيعترف بغلطه- احنا اتربينا على كدا
يا اعضاء المنتدى الكرام والمترددين على المنتدى_ اسلوب سواقتنا محتاج يتحسن
ابتدى بنفسك
انا وانت مش هنعرف نصلح الكون لكن نعرف نبتدى بنفسنا- كل حاجه حولينا بايظه - لكن ممكن تتغير للاحسن لما احنا نصلح من سواقتنا
اكثر من 16000 مشاهد للموضوع بتاعى دا اكبر رقم شفته لموضوعاتى
شكرا ياجماعه