افضل سيارة هاتشباك مستعملة اتوماتيك 60000:70000

**ahmad.alaa07** · 20-04-2016 08:41 PM

السلام عليكم ورحمة الله وبركاته
بعد اذنكم عايز الاراء والنصيحة ف شراء سيارة مستعملة فى حدود 60000:70000 ..
انا حاليا بعد البحث الكتير ناوى على بيجو 307 موديل 2007 بعد المقارنة مع رينو ميجان 2007 هاتشباك لانى عايز ابعد عن الافيو واللانوس والنوبيرا والفئة دى بس عايز اعرف ارائكم فيها خصوصا ان معظم الاراء بتكون يا ايجابية جدا يا سالبية جدا مفيش الوسط و عندى كام سؤال بس :

1- هل فيه عربية افضل منها فى نفس السعر بس اهم حاجة متكونش موديل قديم يعنى 2005 فيما فوق ويفضل هاتشباك بس لو فيه حاجة سيدان مميزة ممكن افكر فيها وتكون اوتوماتيك

2- الاستخدام اليومى سفر 100 كم او اكثر من محافظة لمحافظة نظرا لظروف الشغل فعايز حاجة تستحمل ويكون استهلاكها للبنزين قليل وتكييفها كويس

3- عايز حاجة لو بعتها بعد سنتين او تلاتة اقدر ابيعها بسهولة ومخسرش فيها كتير ويفضل لو صيانتها تكون مش مكلفة ومنشرة (انا عارف ان ممكن البيجو 307 ممكن متكونش كده فى النقطة دى بس مش لاقى حاجة احسن منها وكمان قطع غيارها معمرة حتى لو غالية)

منتظر ارائكم ونصائحكم
شكراااا

**hanykd** · 21-04-2016 01:47 PM

زود عليهم البروتون جين تو فى نفس رينج السعر وعربية ممتازة وأثبتت كفاءة عالية وممكن تخش مع ال 307 والميجان الهاتش باك

**alking2011** · 30-04-2016 11:22 AM

المشاركة الأصلية كتبت بواسطة ahmad.alaa07

السلام عليكم ورحمة الله وبركاته
بعد اذنكم عايز الاراء والنصيحة ف شراء سيارة مستعملة فى حدود 60000:70000 ..
انا حاليا بعد البحث الكتير ناوى على بيجو 307 موديل 2007 بعد المقارنة مع رينو ميجان 2007 هاتشباك لانى عايز ابعد عن الافيو واللانوس والنوبيرا والفئة دى بس عايز اعرف ارائكم فيها خصوصا ان معظم الاراء بتكون يا ايجابية جدا يا سالبية جدا مفيش الوسط و عندى كام سؤال بس :

شكراااا

انا زيك بالظبط و تقريبا بدور فى نفس الرينج و مش عارف اجيب حاجة و بكره اللانوس و الفيرنا زى حلاتك بس معرفش فى ناس حذرتنى من 307 و الجين تو صعب تلاقى منها حاجة انا الصراحة تعبت و نفس يربنا يسهلى و الاقى حاجة