(أفيو 2012) نتشة + كتمة فى السرعات القليلة

**Mero-2000** · 22-04-2016 04:28 PM

المشاركة الأصلية كتبت بواسطة ahmed_eng2001

العفو يا فندم .... لا شكر على واجب

برضو فى الغالب ... لو العيب من حساس الشكمان ... بيظهر فى جهاز كشف الاعطال .... و الحل بيكون فى تغييره

الاول ... حضرتك بتفك البوجيهات و تشوفها .... لو وجدتها مهببة .. ده معناه ان فيه بنزين كتير بيترمى فى البستم ... اول حاجة نشك فيها ... حساس الشكمان
و ممكن تفكر فى اتجاه تانى ... طرمبة البنزين !!!!

سعادة الباشا... اشكرك على الرد، لكن انا كشفت على الطرمبة و كانت سليمة و البوجيهات فله شمعة منورة.
انا لما غيرت كابلات البوجيهات، جبت الكورى مش الاصلى، بفكر اجيب طقم كابلات يابانى اصلى مع ان عربيتى افيو كورى... يمكن العيب من الكابلات مع انها كورى. إيه رأيك ؟

**ahmed_eng2001** · 22-04-2016 08:03 PM

المشاركة الأصلية كتبت بواسطة mero-2000

سعادة الباشا... اشكرك على الرد، لكن انا كشفت على الطرمبة و كانت سليمة و البوجيهات فله شمعة منورة.
انا لما غيرت كابلات البوجيهات، جبت الكورى مش الاصلى، بفكر اجيب طقم كابلات يابانى اصلى مع ان عربيتى افيو كورى... يمكن العيب من الكابلات مع انها كورى. إيه رأيك ؟

سعادة الباشا ربنا يكرمك :)

احييك على اصرارك و مثابرتك فى كشف العطل ده

انا لا اعتقد ان العيب ده ممكن يكون من اسلاك البوجيهات
الاسلاك لازم تتغير كل فترة ... علشان عوامل السخونية و الزمن بيخلوها تتأثر .... بس مش للدرجة الى تخنق العربية احيانا ... و اعذرنى .... انا مش عارف ايهم احسن .... اليابانى و لا الكورى

و من باب الفضول .... ازاى كشفت على طرمبة البنزين ؟

متابع معاك و فى انتظار رأى المهندس احمد و الاخوة الاعضاء الافاضل

**gazzar91** · 22-04-2016 08:17 PM

السلام عليكم

لازم حد متخصص قوي يبص عليها بجهاز
الـ tps شغله مش في السلانسيه بس و ممكن يبقى هو المشكله
لازم live data analysis

**Mero-2000** · 22-04-2016 08:57 PM

المشاركة الأصلية كتبت بواسطة ahmed_eng2001

سعادة الباشا ربنا يكرمك :)

احييك على اصرارك و مثابرتك فى كشف العطل ده

انا لا اعتقد ان العيب ده ممكن يكون من اسلاك البوجيهات
الاسلاك لازم تتغير كل فترة ... علشان عوامل السخونية و الزمن بيخلوها تتأثر .... بس مش للدرجة الى تخنق العربية احيانا ... و اعذرنى .... انا مش عارف ايهم احسن .... اليابانى و لا الكورى

و من باب الفضول .... ازاى كشفت على طرمبة البنزين ؟

متابع معاك و فى انتظار رأى المهندس احمد و الاخوة الاعضاء الافاضل

مساء الفل يا احمد بك..
طربمة البنزين كان لازم تتفك من التنك و يشووف قوة الضغط بتاعها عند فتح الكونتاكت.
الميكانيكى بتاعى بيقول علية : كشف على الطبيعة ! ! ها ها ها...

يا رب البشمهندس احمد يرد !

**Mero-2000** · 22-04-2016 09:02 PM

المشاركة الأصلية كتبت بواسطة gazzar91

السلام عليكم

لازم حد متخصص قوي يبص عليها بجهاز
الـ tps شغله مش في السلانسيه بس و ممكن يبقى هو المشكله
لازم live data analysis

والله يا gazzar انا روحت مركز خدمة محترم فى اسكندرية و كشف عليها حتة حته بالscanner لكن مفيش حاجة ظاهره.
مش عارف ليه عقلى بيقوول ان دة ممكن يكون الموبينة ضعفت... بس نفسى حد يشجعنى على الرأى ده...

**gazzar91** · 22-04-2016 09:25 PM

المشاركة الأصلية كتبت بواسطة Mero-2000

والله يا gazzar انا روحت مركز خدمة محترم فى اسكندرية و كشف عليها حتة حته بالscanner لكن مفيش حاجة ظاهره.
مش عارف ليه عقلى بيقوول ان دة ممكن يكون الموبينة ضعفت... بس نفسى حد يشجعنى على الرأى ده...

انا بقولك live data analysis عشان انا عارف ان ده مش اي واحد بجهاز وخلاص يعمله

**Mero-2000** · 22-04-2016 09:35 PM

المشاركة الأصلية كتبت بواسطة gazzar91

انا بقولك live data analysis عشان انا عارف ان ده مش اي واحد بجهاز وخلاص يعمله

انا اسف... مش عارف يعنى إيه live data analysis ؟
هل دة جهاز ولا دي طريقة فى الكشف.
ارجو الافادة!

**Mero-2000** · 24-04-2016 09:32 AM

هل من مجيب ؟؟

**gazzar91** · 24-04-2016 06:40 PM

ده تحليل قراءات الجهاز مش اكواد الاعطال وخلاص
لازم حد متخصص في الشغلانه دي مش ميكانيكي بجهاز
انا حاسس بمعاناتك ....ربنا معاك

**ahmed_eng2001** · 25-04-2016 02:17 PM

المشاركة الأصلية كتبت بواسطة Mero-2000

انا اسف... مش عارف يعنى إيه live data analysis ؟
هل دة جهاز ولا دي طريقة فى الكشف.
ارجو الافادة!

ممكن اشرح على اد علمى لغاية لما نستفاد اكتر ....

اعتقد ان الاستاذ gazzar91 يقصد بأن تضع قراءة الحساس امامك لمدة خمس دقائق مثلا ... و متابعة قيمها ... و بعض الاجهزة بتعمل الموضوع ده عن طريق رسم بيانى ... لسهولة المراقبة ... اشهر جهازين بيعملوا الكلام ده .. اللانش .. و الجى سكان

المشكلة .... ان الشخص الى بيتابع .. لازم يكون عارف القيم الصحيحة للحساس ده بتاع العربية دى
ادى حضرتك مثال ( مش متذكر الارقام بدقة ) ... حساس الاشكمان فى بعض العربيات .. بيدى قيمة ما بين 700 ملى فولت الى 0 ملى فولت ... لو زادت القرائة عن ال 700 ... وصلت 1000 مثلا ... يكون هناك عيب فى الحساس ده
الكونترول ليه حدود فى تغيير القرائة ممكن يسجل عطل فى الحساس ده لو تخطت الحدود دى
انا مش متذكر بدقة قراءة حساس الشكمان ... اعذرنى لو الارقام دى طلعت غلط ... هيييييه ... يلا حسن الختام

مش عارف ليه ..... انا مش عاوز اشيل من دماغى ان العيب فى طرمبة البنزين ؟!!!!!!
للأسف انا مشفتش طرمبة الافيو عاملة ازاى !!! بس انا شفت مشاكل شبه دى كان العيب فيها من خراطيم طرمبة البنزين الداخلية ... كانت بتنفس
ربنا معاك