(أفيو 2012) نتشة + كتمة فى السرعات القليلة

صباح الفل عليكم...
أستفسارى النهاردة عن عربيتى الأفيو... ارجو لو حد واجه مشكلة مماثلة او يعرف السبب...
العربية عندى اول ما اجييب الأول و بمجرد ما العربية تاخد السرعة و أبدأ فى النقل للتانى، العربية تحس ان فى واحد ماسكها من ورا، كأنها اتكتمت لمدة ثوانى و بعدين تكمل عااادى.
نفس الكلام لما انقل من التانى للتالت.
و بردة نفس الكلام لما اشيل رجلى من على البنزين و هى ماشية (لما احب اهدى شويه) و أدوس تانى واحدة واحدة، الاقيها تنتش تانى و تعمل الكتمة دى (تفتفه) !
غيرت طقم سيور و كابلات و بوجيهات و نظفت الرشاشات على جهاز الأتراسونيك و كشفت كمبيوتر...لكن مفيش حاجة ظاهرة.
المشكلة بقة ان واحد يقولى غير الtps و واحدد يقولى غير الidle و واحد يقولى يا باشا دى مومبينه.
على فكرة، العربيه و هى واقفة فى السلانسية زى الفل و مفيهاش حاجة.. و التفتفه دية بتحصل على السرعات القليلة فقط لغاية 60 كم/س

إية رأيكم ؟ ؟ ؟

كشفت كمبيوتر ب Fault reader

و لا كشفت كمبيوتر ب Scaner

هتقول لى ايه الفرق ؟

النوع الأول بيديك كود للعطل الموجود فقط ....التانى ممكن تشوف منه أداء الحساسات و العربية شغالة بالاضافة لقراءات الأعطال و دا الافضل

بصراحة مش عارف، بس انا كشفت فى مركز خدمة محترم.
تفتكر ممكن تفرق القراءة بين الأثنين ؟
انا كشفت كمبيوتر عند ثلاثة مراكز و الثلاثة اكدوا ان العربية لوز اللوز و مفيهاش حاجة خالص.
عموماً انا هرجع اسألهم هم كشفوا بمين فيهم و هرد عليك.
أشكرك جدا على الأجابة ...و ياريت لو عند أى إضافة أو اقتراح !

باشمهنس أحمد
انا سألت مركز الخدمة اللى عملت عندة العربية و قالى انة استخدم scanner للتأكد من وجود أى خلل.
إية رأيك ؟؟ انا خلاص قرفت من المشكلة دى و باين كدة انى هدخل فى مصروف جامد على تغيير حاجات كتير لغاية ما تظبط !!

فى انتظار رد الباشمهندس احمد ....

فى الغالب ... التفتفة من الشكمان بتكون سببها مشكلة فى خساس الشكمان ( الاوكسجين ) ....
الكنمة ... فلتر البنزين ... بس العربية تتكتم اكتر لما تزود سرعتها ... حضرتك بتقول انها بتكون طبيعية بعد ال 60
الموبينة بتعمل قلق و اضطراب فى المشى لما بتضعف .... او لما العربية تسخن
tps و الايدل ... بيبانوا اوى على السلانسيه .. و طالما جريت بالعربية ... الايدل بيكون ملهوش تأثير

Ahmed eng
متشكر جدا على الاهتمام.
والله الرد مقنع.
انا غيرت فلتر البنزين من اسبوعين لكن للاسف مطلعش منه.
انا معاك جدا ان الtps و idle شغلتهم بتبقا على السلنسيه... و موافقك بردة فى ردك بخصوص الموبينة.
لكن م ضوع حساس الشكمان دى جديدة !
ازاى اكشف علية و اجزم بوجود العيب منة ؟

عندى نفس المشكله

اقتباس:

---

المشاركة الأصلية كتبت بواسطة hashad14

عندى نفس المشكله

---

و ملقتلهاش حل ؟؟

اقتباس:

---

المشاركة الأصلية كتبت بواسطة mero-2000

ahmed eng
متشكر جدا على الاهتمام.
والله الرد مقنع.
انا غيرت فلتر البنزين من اسبوعين لكن للاسف مطلعش منه.
انا معاك جدا ان الtps و idle شغلتهم بتبقا على السلنسيه... و موافقك بردة فى ردك بخصوص الموبينة.
لكن م ضوع حساس الشكمان دى جديدة !
ازاى اكشف علية و اجزم بوجود العيب منة ؟

---

العفو يا فندم .... لا شكر على واجب

برضو فى الغالب ... لو العيب من حساس الشكمان ... بيظهر فى جهاز كشف الاعطال .... و الحل بيكون فى تغييره

الاول ... حضرتك بتفك البوجيهات و تشوفها .... لو وجدتها مهببة .. ده معناه ان فيه بنزين كتير بيترمى فى البستم ... اول حاجة نشك فيها ... حساس الشكمان
و ممكن تفكر فى اتجاه تانى ... طرمبة البنزين !!!!

يا جماعة... معقوله المشكلة اللى عندى صعبة لدرجة ان مفيش اى اقتراح حتى !!

اقتباس:

---

المشاركة الأصلية كتبت بواسطة ahmed_eng2001

العفو يا فندم .... لا شكر على واجب

برضو فى الغالب ... لو العيب من حساس الشكمان ... بيظهر فى جهاز كشف الاعطال .... و الحل بيكون فى تغييره

الاول ... حضرتك بتفك البوجيهات و تشوفها .... لو وجدتها مهببة .. ده معناه ان فيه بنزين كتير بيترمى فى البستم ... اول حاجة نشك فيها ... حساس الشكمان
و ممكن تفكر فى اتجاه تانى ... طرمبة البنزين !!!!

---

سعادة الباشا... اشكرك على الرد، لكن انا كشفت على الطرمبة و كانت سليمة و البوجيهات فله شمعة منورة.
انا لما غيرت كابلات البوجيهات، جبت الكورى مش الاصلى، بفكر اجيب طقم كابلات يابانى اصلى مع ان عربيتى افيو كورى... يمكن العيب من الكابلات مع انها كورى. إيه رأيك ؟

اقتباس:

---

المشاركة الأصلية كتبت بواسطة mero-2000

سعادة الباشا... اشكرك على الرد، لكن انا كشفت على الطرمبة و كانت سليمة و البوجيهات فله شمعة منورة.
انا لما غيرت كابلات البوجيهات، جبت الكورى مش الاصلى، بفكر اجيب طقم كابلات يابانى اصلى مع ان عربيتى افيو كورى... يمكن العيب من الكابلات مع انها كورى. إيه رأيك ؟

---

سعادة الباشا ربنا يكرمك :)

احييك على اصرارك و مثابرتك فى كشف العطل ده

انا لا اعتقد ان العيب ده ممكن يكون من اسلاك البوجيهات
الاسلاك لازم تتغير كل فترة ... علشان عوامل السخونية و الزمن بيخلوها تتأثر .... بس مش للدرجة الى تخنق العربية احيانا ... و اعذرنى .... انا مش عارف ايهم احسن .... اليابانى و لا الكورى

و من باب الفضول .... ازاى كشفت على طرمبة البنزين ؟

متابع معاك و فى انتظار رأى المهندس احمد و الاخوة الاعضاء الافاضل

السلام عليكم

لازم حد متخصص قوي يبص عليها بجهاز
الـ tps شغله مش في السلانسيه بس و ممكن يبقى هو المشكله
لازم live data analysis

اقتباس:

---

المشاركة الأصلية كتبت بواسطة ahmed_eng2001

سعادة الباشا ربنا يكرمك :)

احييك على اصرارك و مثابرتك فى كشف العطل ده

انا لا اعتقد ان العيب ده ممكن يكون من اسلاك البوجيهات
الاسلاك لازم تتغير كل فترة ... علشان عوامل السخونية و الزمن بيخلوها تتأثر .... بس مش للدرجة الى تخنق العربية احيانا ... و اعذرنى .... انا مش عارف ايهم احسن .... اليابانى و لا الكورى

و من باب الفضول .... ازاى كشفت على طرمبة البنزين ؟

متابع معاك و فى انتظار رأى المهندس احمد و الاخوة الاعضاء الافاضل

---

مساء الفل يا احمد بك..
طربمة البنزين كان لازم تتفك من التنك و يشووف قوة الضغط بتاعها عند فتح الكونتاكت.
الميكانيكى بتاعى بيقول علية : كشف على الطبيعة ! ! ها ها ها...

يا رب البشمهندس احمد يرد !

اقتباس:

---

المشاركة الأصلية كتبت بواسطة gazzar91

السلام عليكم

لازم حد متخصص قوي يبص عليها بجهاز
الـ tps شغله مش في السلانسيه بس و ممكن يبقى هو المشكله
لازم live data analysis

---

والله يا gazzar انا روحت مركز خدمة محترم فى اسكندرية و كشف عليها حتة حته بالscanner لكن مفيش حاجة ظاهره.
مش عارف ليه عقلى بيقوول ان دة ممكن يكون الموبينة ضعفت... بس نفسى حد يشجعنى على الرأى ده...

اقتباس:

---

المشاركة الأصلية كتبت بواسطة Mero-2000

والله يا gazzar انا روحت مركز خدمة محترم فى اسكندرية و كشف عليها حتة حته بالscanner لكن مفيش حاجة ظاهره.
مش عارف ليه عقلى بيقوول ان دة ممكن يكون الموبينة ضعفت... بس نفسى حد يشجعنى على الرأى ده...

---

انا بقولك live data analysis عشان انا عارف ان ده مش اي واحد بجهاز وخلاص يعمله

اقتباس:

---

المشاركة الأصلية كتبت بواسطة gazzar91

انا بقولك live data analysis عشان انا عارف ان ده مش اي واحد بجهاز وخلاص يعمله

---

انا اسف... مش عارف يعنى إيه live data analysis ؟
هل دة جهاز ولا دي طريقة فى الكشف.
ارجو الافادة!

هل من مجيب ؟؟

ده تحليل قراءات الجهاز مش اكواد الاعطال وخلاص
لازم حد متخصص في الشغلانه دي مش ميكانيكي بجهاز
انا حاسس بمعاناتك ....ربنا معاك

اقتباس:

---

المشاركة الأصلية كتبت بواسطة Mero-2000

انا اسف... مش عارف يعنى إيه live data analysis ؟
هل دة جهاز ولا دي طريقة فى الكشف.
ارجو الافادة!

---

ممكن اشرح على اد علمى لغاية لما نستفاد اكتر ....

اعتقد ان الاستاذ gazzar91 يقصد بأن تضع قراءة الحساس امامك لمدة خمس دقائق مثلا ... و متابعة قيمها ... و بعض الاجهزة بتعمل الموضوع ده عن طريق رسم بيانى ... لسهولة المراقبة ... اشهر جهازين بيعملوا الكلام ده .. اللانش .. و الجى سكان

المشكلة .... ان الشخص الى بيتابع .. لازم يكون عارف القيم الصحيحة للحساس ده بتاع العربية دى
ادى حضرتك مثال ( مش متذكر الارقام بدقة ) ... حساس الاشكمان فى بعض العربيات .. بيدى قيمة ما بين 700 ملى فولت الى 0 ملى فولت ... لو زادت القرائة عن ال 700 ... وصلت 1000 مثلا ... يكون هناك عيب فى الحساس ده
الكونترول ليه حدود فى تغيير القرائة ممكن يسجل عطل فى الحساس ده لو تخطت الحدود دى
انا مش متذكر بدقة قراءة حساس الشكمان ... اعذرنى لو الارقام دى طلعت غلط ... هيييييه ... يلا حسن الختام

مش عارف ليه ..... انا مش عاوز اشيل من دماغى ان العيب فى طرمبة البنزين ؟!!!!!!
للأسف انا مشفتش طرمبة الافيو عاملة ازاى !!! بس انا شفت مشاكل شبه دى كان العيب فيها من خراطيم طرمبة البنزين الداخلية ... كانت بتنفس
ربنا معاك

اقتباس:

---

المشاركة الأصلية كتبت بواسطة ahmed_eng2001

ممكن اشرح على اد علمى لغاية لما نستفاد اكتر ....

اعتقد ان الاستاذ gazzar91 يقصد بأن تضع قراءة الحساس امامك لمدة خمس دقائق مثلا ... و متابعة قيمها ... و بعض الاجهزة بتعمل الموضوع ده عن طريق رسم بيانى ... لسهولة المراقبة ... اشهر جهازين بيعملوا الكلام ده .. اللانش .. و الجى سكان

المشكلة .... ان الشخص الى بيتابع .. لازم يكون عارف القيم الصحيحة للحساس ده بتاع العربية دى
ادى حضرتك مثال ( مش متذكر الارقام بدقة ) ... حساس الاشكمان فى بعض العربيات .. بيدى قيمة ما بين 700 ملى فولت الى 0 ملى فولت ... لو زادت القرائة عن ال 700 ... وصلت 1000 مثلا ... يكون هناك عيب فى الحساس ده
الكونترول ليه حدود فى تغيير القرائة ممكن يسجل عطل فى الحساس ده لو تخطت الحدود دى
انا مش متذكر بدقة قراءة حساس الشكمان ... اعذرنى لو الارقام دى طلعت غلط ... هيييييه ... يلا حسن الختام

مش عارف ليه ..... انا مش عاوز اشيل من دماغى ان العيب فى طرمبة البنزين ؟!!!!!!
للأسف انا مشفتش طرمبة الافيو عاملة ازاى !!! بس انا شفت مشاكل شبه دى كان العيب فيها من خراطيم طرمبة البنزين الداخلية ... كانت بتنفس
ربنا معاك

---

متشكر جدا يا أحمد على الأضافة المحترمة دى...
كلامك دة ملهوش إلا معنى وتحد هو اللى فاضل و بصراحة كنت مأخره شوية .. و هو إنى كده لازم أروح التوكيل و أكع الكعة التمام. هاهاها.
مفيش غير التوكيل و هو الفيصل من الاخر مع انى عارف ان التوكيل حرامية، الحاجة اللى 10 بيبيعها ب100
هتابع معاكم اللى هيحصل !

اقتباس:

---

المشاركة الأصلية كتبت بواسطة mero-2000

متشكر جدا يا أحمد على الأضافة المحترمة دى...
كلامك دة ملهوش إلا معنى وتحد هو اللى فاضل و بصراحة كنت مأخره شوية .. و هو إنى كده لازم أروح التوكيل و أكع الكعة التمام. هاهاها.
مفيش غير التوكيل و هو الفيصل من الاخر مع انى عارف ان التوكيل حرامية، الحاجة اللى 10 بيبيعها ب100
هتابع معاكم اللى هيحصل !

---

العفو يا فندم ... كلنا بنتعلم من بعض ....

انا عاوزك تأخر موضوع التوكيل ده شوية لغاية لما تجيب اخرك مع العربية ....

امامك حاجة ممكن تعملها ... تبدأ تجرب .... يعنى تشيل طرمبة البنزين الى فى عربيتك و تجرب واحدة تانية ..... تشيل حساس الكرنك و تجرب واحد تانى .. و الموبينا كمان

ربنا يوفقك و متابعين معاك

اقتباس:

---

المشاركة الأصلية كتبت بواسطة ahmed_eng2001

العفو يا فندم ... كلنا بنتعلم من بعض ....

انا عاوزك تأخر موضوع التوكيل ده شوية لغاية لما تجيب اخرك مع العربية ....

امامك حاجة ممكن تعملها ... تبدأ تجرب .... يعنى تشيل طرمبة البنزين الى فى عربيتك و تجرب واحدة تانية ..... تشيل حساس الكرنك و تجرب واحد تانى .. و الموبينا كمان

ربنا يوفقك و متابعين معاك

---

حبيبي يا احمد و الله...
انا هبدأ بالموبينة يوم السبت الجاى و ان شاء الله هرجعلك بالنتيجة...

بص يا باشا....أنت ان شاء الله تغير فلتر الهوا و تعمل تنظيف للبوابة علشان اى كتمة فى العربية تروح و الاحساس بالنتش بين النقلات يقل و دا اساسه ضعف ضخ الهوا

بالنسبة للتقطيع او التفتفة فكدا بوجيه قاطع او بوبينة معيوبة او رشاش مسيل او سلك بوجيه او فيشة رشاش مهزوزة...جرب تحط منظف كامل لدورة الوقود و الاختبار التالى تركز على البوبينة خاصة ان التفتفة بيتحصل بصفة منتظمة عند سرعات معينة و دا ممكن يكون ضعف الجهد الخارج منها

اقتباس:

---

المشاركة الأصلية كتبت بواسطة م أحمد

بص يا باشا....أنت ان شاء الله تغير فلتر الهوا و تعمل تنظيف للبوابة علشان اى كتمة فى العربية تروح و الاحساس بالنتش بين النقلات يقل و دا اساسه ضعف ضخ الهوا

بالنسبة للتقطيع او التفتفة فكدا بوجيه قاطع او بوبينة معيوبة او رشاش مسيل او سلك بوجيه او فيشة رشاش مهزوزة...جرب تحط منظف كامل لدورة الوقود و الاختبار التالى تركز على البوبينة خاصة ان التفتفة بيتحصل بصفة منتظمة عند سرعات معينة و دا ممكن يكون ضعف الجهد الخارج منها

---

موافقك جدا جدا... علشان كدة انا قلت ابدء بالموبينة الاول... و غالبا هجيب كابل بوجيهات اصلى gm بدل الكورى العادى ابو 50 جنية... مش هخسر حاجة !!
على فكرة انا حطيت سائل التنظيف و غيرت فلتر الهوا لكن للأسف، مفيش تغيير.

اقتباس:

---

المشاركة الأصلية كتبت بواسطة mero-2000

موافقك جدا جدا... علشان كدة انا قلت ابدء بالموبينة الاول... و غالبا هجيب كابل بوجيهات اصلى gm بدل الكورى العادى ابو 50 جنية... مش هخسر حاجة !!
على فكرة انا حطيت سائل التنظيف و غيرت فلتر الهوا لكن للأسف، مفيش تغيير.

---

انا زعلااااااااان.
اشتريت موبية امبارح و ركبتها... ولا كأنى عملت حاجة.
مفيش اى تغيير... سكة العذااااب !

اقتباس:

---

المشاركة الأصلية كتبت بواسطة mero-2000

انا زعلااااااااان.
اشتريت موبية امبارح و ركبتها... ولا كأنى عملت حاجة.
مفيش اى تغيير... سكة العذااااب !

---

معلش ربنا يعينك ...متابعين معاك

كدة حضرتك عملت الآتى :

غيرت طقم سيور و كابلات و بوجيهات و نظفت الرشاشات على جهاز الأتراسونيك و كشفت كمبيوتر...

انا غيرت فلتر البنزين من اسبوعين لكن للاسف مطلعش منه

كشفت على الطرمبة و كانت سليمة و البوجيهات فله شمعة منورة.

اشتريت موبية امبارح و ركبتها...

نرجع لاساس المشكلة :

" العربية عندى اول ما اجييب الأول و بمجرد ما العربية تاخد السرعة و أبدأ فى النقل للتانى، العربية تحس ان فى واحد ماسكها من ورا، كأنها اتكتمت لمدة ثوانى و بعدين تكمل عااادى.
نفس الكلام لما انقل من التانى للتالت. و بردة نفس الكلام لما اشيل رجلى من على البنزين و هى ماشية (لما احب اهدى شويه) "

الكلام دا عادى ان سحب العربية يقل لحظة التبديل بين الغيارات و لما تشيل رجلك من على البنزين

" و أدوس تانى واحدة واحدة، الاقيها تنتش تانى و تعمل الكتمة دى (تفتفه) ! "

طيب لو كبست بنزين التفتفة دى بتروح ؟

ممكن تشوف كهربائى يراجع على توصيلات الفيوزات او لو فيه سلك مهرب و الافضل لو متخصص يطلع معاك يجرب و يشوف المشكلة على الطبيعة

اقتباس:

---

المشاركة الأصلية كتبت بواسطة م أحمد

كدة حضرتك عملت الآتى :

غيرت طقم سيور و كابلات و بوجيهات و نظفت الرشاشات على جهاز الأتراسونيك و كشفت كمبيوتر...

انا غيرت فلتر البنزين من اسبوعين لكن للاسف مطلعش منه

كشفت على الطرمبة و كانت سليمة و البوجيهات فله شمعة منورة.

اشتريت موبية امبارح و ركبتها...

نرجع لاساس المشكلة :

" العربية عندى اول ما اجييب الأول و بمجرد ما العربية تاخد السرعة و أبدأ فى النقل للتانى، العربية تحس ان فى واحد ماسكها من ورا، كأنها اتكتمت لمدة ثوانى و بعدين تكمل عااادى.
نفس الكلام لما انقل من التانى للتالت. و بردة نفس الكلام لما اشيل رجلى من على البنزين و هى ماشية (لما احب اهدى شويه) "

الكلام دا عادى ان سحب العربية يقل لحظة التبديل بين الغيارات و لما تشيل رجلك من على البنزين

" و أدوس تانى واحدة واحدة، الاقيها تنتش تانى و تعمل الكتمة دى (تفتفه) ! "

طيب لو كبست بنزين التفتفة دى بتروح ؟

ممكن تشوف كهربائى يراجع على توصيلات الفيوزات او لو فيه سلك مهرب و الافضل لو متخصص يطلع معاك يجرب و يشوف المشكلة على الطبيعة

---

أحمد باشا... صباح الفل عليك
كل الشكر لمتابعة حضرتك للموضوع...

بخصوص سؤال حضرتك ""طيب لو كبست بنزين التفتفة دى بتروح""
أول ما أكبس بنزين، بحس ان العربية زى ميكون حد شدها من ورا... و هى دى الكتمة اللى انا بتكلم عيها... و بتفضل الكتمة دى لمدة 5-7 ثوانى و بعد كدة تقوم و تجرى اكن مفيش حاجة حصلت.
علشان كدة بحاول بين النقلات انى ادوس بنزين براحة أوى (أكنى بحسس على بدال البنزين)... فى الحاله دية مش بتتكتم، لكن بتفتف ... لغاية ما متظبط سلانسية و تقوم بسرعتها براحة واحدة واحدة !! بعد كدة عادى اقدر أزود بنزين و أجرى و أحرق كمان.
تانى... كل اللى بحكى عليه دة بيحصل لما ادوس بنزين بين النقلات فقط، مش فى السرعة المفتوحة .

إية رأيك... لسة شاكك انها ممكن تكون مشكلة كهربا مش ميكانيكا ؟

انا عندي المشكله دي ف شروكي ٩٤
ومش لاقي ليها حل

اقتباس:

---

المشاركة الأصلية كتبت بواسطة ramez_jeep94

انا عندي المشكله دي ف شروكي ٩٤
ومش لاقي ليها حل

---

شكرا رامز
ممكن تقول إية الحاجات اللى انت غيرتها وانت بتحاول تصلح المشكلة و مع ذلك متحلتش... بحيث اننا نحاول نتلافاها فى حلولنا !

اقتباس:

---

المشاركة الأصلية كتبت بواسطة Mero-2000

أحمد باشا... صباح الفل عليك
كل الشكر لمتابعة حضرتك للموضوع...

بخصوص سؤال حضرتك ""طيب لو كبست بنزين التفتفة دى بتروح""
أول ما أكبس بنزين، بحس ان العربية زى ميكون حد شدها من ورا... و هى دى الكتمة اللى انا بتكلم عيها... و بتفضل الكتمة دى لمدة 5-7 ثوانى و بعد كدة تقوم و تجرى اكن مفيش حاجة حصلت.
علشان كدة بحاول بين النقلات انى ادوس بنزين براحة أوى (أكنى بحسس على بدال البنزين)... فى الحاله دية مش بتتكتم، لكن بتفتف ... لغاية ما متظبط سلانسية و تقوم بسرعتها براحة واحدة واحدة !! بعد كدة عادى اقدر أزود بنزين و أجرى و أحرق كمان.
تانى... كل اللى بحكى عليه دة بيحصل لما ادوس بنزين بين النقلات فقط، مش فى السرعة المفتوحة .

إية رأيك... لسة شاكك انها ممكن تكون مشكلة كهربا مش ميكانيكا ؟

---

لولا ان عربيتك انجكشن كنت قلت لك باب الكاربيراتير معلق:thinking:

لو فى اعطال ميكانيكية محتملة و باقية يبقى حساس ال TPS و دا وظيفته معرفة وضع ضغطة قدمك على بدال البنزين و تحويل قيمة الضغطة لبنزين

اقتباس:

---

المشاركة الأصلية كتبت بواسطة م أحمد

لولا ان عربيتك انجكشن كنت قلت لك باب الكاربيراتير معلق:thinking:

لو فى اعطال ميكانيكية محتملة و باقية يبقى حساس ال tps و دا وظيفته معرفة وضع ضغطة قدمك على بدال البنزين و تحويل قيمة الضغطة لبنزين

---

يبقى كده ظنى طلع فى محله...
فى الحاله دية أظن لازم أغير الtps و الidle مع بعض علشان الكمبيوتر ميتلخبطش !! صح ؟
انا هبدأ فى السكة دية من الأسبوع الجاى، لكن كل خوفى انى اصرف مبلغ كبير على القطعتين دول و ميكونش منهم !
الله المستعان بقه، تـوكـلــــــت على الله.

اقتباس:

---

المشاركة الأصلية كتبت بواسطة م أحمد

لولا ان عربيتك انجكشن كنت قلت لك باب الكاربيراتير معلق:thinking:

لو فى اعطال ميكانيكية محتملة و باقية يبقى حساس ال tps و دا وظيفته معرفة وضع ضغطة قدمك على بدال البنزين و تحويل قيمة الضغطة لبنزين

---

عذرا يا باشمهندس احمد ... ممكن حضرتك تشرحلنا ازاى باب الكربراتير بيعلق ؟؟؟
بوابة الكربراتير كانت بتعلق معايا ... بس كانت بتخلى الموتور صوته عالى على طول .... و بالطبع بيبان اكتر لما اقف اهدى !!!

اقتباس:

---

المشاركة الأصلية كتبت بواسطة Mero-2000

يبقى كده ظنى طلع فى محله...
فى الحاله دية أظن لازم أغير الtps و الidle مع بعض علشان الكمبيوتر ميتلخبطش !! صح ؟
انا هبدأ فى السكة دية من الأسبوع الجاى، لكن كل خوفى انى اصرف مبلغ كبير على القطعتين دول و ميكونش منهم !
الله المستعان بقه، تـوكـلــــــت على الله.

---

شوية شرح بسيط ... و فى انتظار تعليق المهندس احمد ....

ايه وظيفة حساس TPS .... throttle position sensor ؟؟ الحساس ده وظيفته انه يشوف البوابة مفتوحة اد ايه ... و بناء عليه يرسل اشارة للكونترول ... و يقوله مثلا ... البوابة مفتوحة 5 درجات ... الكونترول يترجم ال 5 درجات دول للفات محرك معينة ... فيدى امر للرشاشات تزود شوية .... و كمان امر للموبينات تزود هى كمان ..
و بالمرة .... يدى امر لحساس الايدل انه يقفل تماما ... علشان مش محتاجين هواء من فتحة الايدل الصغيرة ...
و بالمرة ... يدخل عليهم كمان اشارة حساس ضغط هواء العمة .. لتحديد الضغط الى داخل للمحرك .. و بالتالى زيادة فى ظبط الرشاشات .... و ناخد بعين الاعتبار ... قرائة حساس الشكمان .. الى بيحكم على نواتج الحريق .. و بالتالى الكونترول يتحكم فى الرشاشات اكتر و اكتر

بيحصل احيانا ان البوابة تكون مفتوحة شوية صغيرين .... نتيجة تراكل الاوساخ فى مكان قفل البوابة ... او ان فيه صنايعية بيظبطوا البوابة زى ظبطة الكربراتير .... من مسمار صغير راكب على البوابة .... علشان يعلى العربية على السلانسيه

و هنا فى الغالب يحدث بعض اللخبطة ... الكونترول واخد قرائة حساس البوابة ان البوابة مفتوحة شوية صغيرة ... فيقوم بقفل الايدل .... بس الهواء مش كفاية و الموتور محتاج هواء كمان ... فيفتح حساس الايدل ... و تفضل اللخبطة دى لغاية لما تظبط البوابة

انا بس عاوز اقول لحضرتك ان حساس البوابة و حساس TPS مش لازم يتغيروا مع بعض

ربنا يوفقك و متابعين معاك

اقتباس:

---

المشاركة الأصلية كتبت بواسطة ahmed_eng2001

شوية شرح بسيط ... و فى انتظار تعليق المهندس احمد ....

ايه وظيفة حساس TPS .... throttle position sensor ؟؟ الحساس ده وظيفته انه يشوف البوابة مفتوحة اد ايه ... و بناء عليه يرسل اشارة للكونترول ... و يقوله مثلا ... البوابة مفتوحة 5 درجات ... الكونترول يترجم ال 5 درجات دول للفات محرك معينة ... فيدى امر للرشاشات تزود شوية .... و كمان امر للموبينات تزود هى كمان ..
و بالمرة .... يدى امر لحساس الايدل انه يقفل تماما ... علشان مش محتاجين هواء من فتحة الايدل الصغيرة ...
و بالمرة ... يدخل عليهم كمان اشارة حساس ضغط هواء العمة .. لتحديد الضغط الى داخل للمحرك .. و بالتالى زيادة فى ظبط الرشاشات .... و ناخد بعين الاعتبار ... قرائة حساس الشكمان .. الى بيحكم على نواتج الحريق .. و بالتالى الكونترول يتحكم فى الرشاشات اكتر و اكتر

بيحصل احيانا ان البوابة تكون مفتوحة شوية صغيرين .... نتيجة تراكل الاوساخ فى مكان قفل البوابة ... او ان فيه صنايعية بيظبطوا البوابة زى ظبطة الكربراتير .... من مسمار صغير راكب على البوابة .... علشان يعلى العربية على السلانسيه

و هنا فى الغالب يحدث بعض اللخبطة ... الكونترول واخد قرائة حساس البوابة ان البوابة مفتوحة شوية صغيرة ... فيقوم بقفل الايدل .... بس الهواء مش كفاية و الموتور محتاج هواء كمان ... فيفتح حساس الايدل ... و تفضل اللخبطة دى لغاية لما تظبط البوابة

انا بس عاوز اقول لحضرتك ان حساس البوابة و حساس TPS مش لازم يتغيروا مع بعض

ربنا يوفقك و متابعين معاك

---

:tumb::tumb::tumb:

اقتباس:

---

المشاركة الأصلية كتبت بواسطة ahmed_eng2001

عذرا يا باشمهندس احمد ... ممكن حضرتك تشرحلنا ازاى باب الكربراتير بيعلق ؟؟؟
بوابة الكربراتير كانت بتعلق معايا ... بس كانت بتخلى الموتور صوته عالى على طول .... و بالطبع بيبان اكتر لما اقف اهدى !!!

---

الباب كان فى ال 128 متصل بسلك الشفاط مباشرة فلو شديت السلك وما رجعش مكانه و علق بيدى نفس الاعراض دى

تدوس بنزين تحس بالتفتفة ترفع رجلك و تدوس تانى تطلع بسلاسة

صوت الموتور فى المحركات الكاربيراتير بيعلى دليل انسداد البيكات و فى الانجكشن دليل رواسب فى البوابة او ضعف الايدل

اقتباس:

---

المشاركة الأصلية كتبت بواسطة mero-2000

يبقى كده ظنى طلع فى محله...
فى الحاله دية أظن لازم أغير الtps و الidle مع بعض علشان الكمبيوتر ميتلخبطش !! صح ؟
انا هبدأ فى السكة دية من الأسبوع الجاى، لكن كل خوفى انى اصرف مبلغ كبير على القطعتين دول و ميكونش منهم !
الله المستعان بقه، تـوكـلــــــت على الله.

---

شوف بوباة استيراد على التجربة علشان ما تكلفش نفسك او تروح لميكانيكى يجرب لك القطع من عنده لغاية لما يظهر العيب

اقتباس:

---

المشاركة الأصلية كتبت بواسطة م أحمد

الباب كان فى ال 128 متصل بسلك الشفاط مباشرة فلو شديت السلك وما رجعش مكانه و علق بيدى نفس الاعراض دى

تدوس بنزين تحس بالتفتفة ترفع رجلك و تدوس تانى تطلع بسلاسة

صوت الموتور فى المحركات الكاربيراتير بيعلى دليل انسداد البيكات و فى الانجكشن دليل رواسب فى البوابة او ضعف الايدل

---

الله ينور عليك

الى حصل معايا هو تعليق لبوابة الكربراتير التانية .... و هى متصلة بالبوابة الاولى بسلك الاكسلاتير ...
بمعنى ان لما ادوس على اكسلاتير البنزين .... يفتح البوابة الاولى ... و لما تتفتح للاخر ... ( و انا على سرعة متوسطة ... ) لو دست على الدواسة كمان .. تفتح البوابة الثانية .... و طبعا زى ما حضرتك عارف ان البوابتين spring loaded يعنى لما اشيل رجلى بيرجعوا يقفلوا تانى بواسطة سوست دائرية على الاكس ....
البوابة التانية كانت بتعلق مفتوحة شوية ... و ده كان بيخلى العربية عالية على طول
الحل ... ازل اخبط على اكس البوابة التانية .... او افك العمة و اخبط على البوابة نفسها من فوق ... تقفل كويس و يا دار ما دخلك شر
بالرغم من ان الدنيا بتتقدم .... و انى بحترم نظام الحقن بحساساته و كونترولاته .... بس لازلت افضل نظام الكربراتير القديم

اقتباس:

---

المشاركة الأصلية كتبت بواسطة ahmed_eng2001

الله ينور عليك

الى حصل معايا هو تعليق لبوابة الكربراتير التانية .... و هى متصلة بالبوابة الاولى بسلك الاكسلاتير ...
بمعنى ان لما ادوس على اكسلاتير البنزين .... يفتح البوابة الاولى ... و لما تتفتح للاخر ... ( و انا على سرعة متوسطة ... ) لو دست على الدواسة كمان .. تفتح البوابة الثانية .... و طبعا زى ما حضرتك عارف ان البوابتين spring loaded يعنى لما اشيل رجلى بيرجعوا يقفلوا تانى بواسطة سوست دائرية على الاكس ....
البوابة التانية كانت بتعلق مفتوحة شوية ... و ده كان بيخلى العربية عالية على طول
الحل ... ازل اخبط على اكس البوابة التانية .... او افك العمة و اخبط على البوابة نفسها من فوق ... تقفل كويس و يا دار ما دخلك شر
بالرغم من ان الدنيا بتتقدم .... و انى بحترم نظام الحقن بحساساته و كونترولاته .... بس لازلت افضل نظام الكربراتير القديم

---

للأسف لما بتقول عربية قديمة و جديدة أول حاجة فى الموضوع دا وهى الفارق الرئيسى تكنولوجيا الحقن علشان بيحسسك بسحب العربية حتى لو عربية تعبانة