-
طرمبة باور - صني 2008
السلام عليكم.
معايا صني 2008 مانوال وكنت بدأت أعاني من تقل واضح في الدركسيون خاصةً وأنا باخد يو تيرن وللا حاجة، رحت للميكانيكي قاللي طرمبة الباور عايزة تتغير، المشكلة دلوأتي سألت عليها في العالمية والدولية قالولي مش بنجيب منها جديد، والاستيراد عاملة 450 جنيه، رحت محمد جابر قاللي موجودة تايواني ب 1200 جنيه!
سؤالي دلوأتي للأفاضل، هية بتتباع بكام في التوكيل؟ وهل فيه حد ممكن يكون بيبيع منها جديد برة التوكيل غير محمد جابر عشان حاسس سعره مبالغ فيه؟ وللا أتوكل على الله واخد الاستيراد من العالمية وخلاص؟
وشكراً جزيلاً مقدماً..
-
هاتها استيراد من الحرفيين
-
شكراً يا فندم أنا شكلي حعمل كدة فعلاً..
-
طب مش ممكن تجرب تغير البليه بتاعتها
-
جبتها إستيراد فعلاً وركبتها وللأسف بعد ما ركبتها وغيرت الزيت المشكلة فضلت زي ما هية، ظبطت ضغط العجل وكل حاجة وبرضه الدركسيون تقيل.. الميكانيكي للأسف طلع تشخيصه غلط، وضيعلي فلوسي ووقتي على الفاضي حسبي الله ونعم الوكيل.. المهم لمّا بقوله لسة زيّ ما هية بيقوللي روح لعفشجي يشوفهالك. :(
-
نصيحةلما يبقي عندك حاجة في العربية اعرضها ع كذا حد وشوف الراي الغالب ايه واسال ناس فاهمه علشان متقعش في مصاريف زيادة وربنا يحفظك ويحفظها
-
هل عملت اي حاجة ف الاسكترا ؟
ممكن لو حلتها و قالك العفشجي يظبطهالك و كلام من دا بيتقلها و يخليها مش مضبوطة
Content Relevant URLs by
vBSEO 3.6.0 PL2