السلام عليكم.
انا طبعا قرأت عن النايت بريكر في المنتدى اكثر من مرة ومحدش اتكلم عنه غير شكر فيه وقالوا ان الاضاءة اعلى من الهالوجين بنسبة كبيرة ولكن اقل من الزينون طبعا.

دا شجعني اني اركب العالي نايت بريكر لاني مركب زينون في الواطي والشبورة. علشان العالي محتاج زينون مبيسخنش.

عربيتي اوبرا والعالي h1 وجبتهم من وكيل لاوزروم في اكتوبر بحوالي 230 جنيه تقريبا.

النتيجة اني بعد استعمال اسبوع فكتهم وركبت القديم الاوزروم الهالوجين العادي بتاع الفابريكة.

الي حصل ان العالي بيكون نوره باهت بلون اصفر مائل للبياض . يعني اقل اصفرار من الهالوجين لكن ليس ابيض.
لما بشغله لوحده يادوب بشوف الاسفلت مع اني موجه الكشاف للاسفل قليلا علشان الزينون الواطي لا يضايق احد. ولما بشغله مع الزينون الواطي لا الاحظ انه شغال غير من لامبه العالي الزرقاء في التابلوه.

بصراحة انا شايف ان الهالوجين العادي اقوى اضاءة منه.

اي تفسير او اقتراحات.
وشكرا