الموضوع: زيوت؛: توتال ولا ليكوي مولي ولا موتل

المشاركة الأصلية كتبت بواسطة mohamed desoky

شكرا لرد حضرتك بس كاسترول سعره غالى جدا 325 ج وانا كنت بحط زيت شيل 210 ج وفلتر 25ج وانا بغير الزيت بنفسى وبحس بصوت الموتور احسن مع شيل وجربت زيوت كتير قبل كده نفس درجة اللزوجه لكن الموتور كان احسن مع شيل الازرق 10w40 وزى الكتالوج ما بيقول زيت وفلتر كل 5 الاف كيلو او 6 شهور ايهما اقرب وليه فرق السعر كبير بين شيل الازرق 210 وكاسترول ماجنبتك 325 ج وفى الاخر هغيره على 5 الاف كبلو يبقى الفرق 115 ج لنفس الكيلومترات مفيش حاجه ارخص ونفس اللزوجه وشكرا لحضرتك

عفوا يا فندم .... لا شكر على واجب

الكاسترول بيتغير كل 10 الاف كم .... فلو حضرتك حسبتها ... حتلاقى انه ارخص من تغيير زيت شل الازرق كل 5000 كم

عربية حضرتك نوعها ايه ؟؟!!!
انا بحييك على تغييرك الزيت بنفسك ... انا بحترم اى حد بيشتغل بايده فى العربية

حتة صغيرة كدة من عامل تغيير زيوت ..... ادلق حوالى ربع كيلو من الزيت الجديد بعد ما تصفى الزيت القديم و قبل ما تقفل طبة الزيت ... علشان تخرج زيت قديم اكتر
غير الزيت و العربية مش سخنة .. و ياريت تكون باردة ... و الزيت تقريبا كله فى الكارتيرة ... ممكن ياخد معاك وقت اطول شوية بس مش مشكلة

ربنا يوفقك

المشاركة الأصلية كتبت بواسطة borio1704

يبقى الحل إيه؟؟؟

إننا نشتري بالمواصفة .. مش بالماركة.


الناس اللي بتقول على زيت إنه حلو.. بتقول كده لإن الزيت ده "صدف" إنه مناسب للموتور ومتطابق مع طلبات الكتالوج.

محدش فيهم اشترى وبص على مواصفة زيت... دي مجرد صدفة إن الزيت كان مناسب.

وتلاقي ناس تانية بتقول على نفس الزيت إنه غير وحش... ده بردو لإن الزيت "صدف" إنه غير مناسب للموتور.


فعليا... لو جيت تقارن بين زيتين ليهم نفس المواصفات (لزوجة ومستوى أداء) ... مش هتلاقي فرق ملحوظ بينهم في الأداء...

وتحدي !!!


...

اوافق حضرتك على الكلام الجميل ده ... و ده فيه الخلاصة

فيه نقطة تانية انا لاحظتها .... الناس بتسمع كلام الصنايعية فى النقطة دى .... يعنى لو صنايعى شكر له فى زيت شل .... يبقى لازم تحط شل ... و اوعى تحط موبيل
حاجة كمان .... الصنايعية بيوصى بتغيير الزيت لدرجة اتقل لما الموتور يقدم و يعمل كيلومترات كتير
و بيوصوا كمان بوضع زيت تعاون ... الى فى الغالب بيكون احادى الدرجة ..... للمواتير الخفيفة ... علشان يعوض الفرق الى فى الشنبر ...و انا معترض على الحاجات دى

ده المكتوب فى جدول الصيانة




http://s32.postimg.org/q9sh5hll1/20160506_213329.jpg




سوال بس انا قريت فى المواقع عن المحرك بتاع الرينو بياخد 4.8 و مع الفلنر ممكن 4.9 و التوكيل بيحط 5 لتر كله .. فهل 0.1 او 0.2 لتر زيادة فى الموتور بياثر عليه بالسلب , او يضعف السحب , او يعمل مشكله ؟