الموضوع: عايز اشتري شيروكي kk .. مطلوب رأي خبراء المنتدى ضروري

٢٠١١ بتدور بالريموت يعنى وانت برة العربية ممكن تدورها بريموت المفتاح - وكمان الكاسيت تاتش سكرين والدركسيون مختلف شبه بتاع الرانجلر - كل الموديلات من سنة ٢٠٠٨ لغاية ٢٠١٣ تقريبا واحد بس الاوبشنات بتزيد فى ٢٠١١ الحاجات اللى زى المفتاح والكاسيت والدركسيون .
الكشف الكويس ثم الكشف الكويس ثم الكشف الكويس - بمعنى تكشف عليها فى التوكيل اضمن حاجه علشان تعرف لو ملعوب فيها خصوصا العداد بتاع الكيلومتر او مثلا فيها مشاكل تانية محدش حايعرفها غير التوكيل - الموتور والعفشة وكل قطع الغيار هى هى فى كل السنين - حاجات بسيطة قوى مختلفة زى سينسور ضغط العجل ٢٠٠٨ و ٢٠٠٩ مختلف عن الموديلات اللى بعد كده - بس الاتنين متوفرين فى السوق وكل قطع غيار العربية متوفرة فى السوق بكثرة وباسعار معقولة جدا جدا - اهم نصيحة الكشف الكويس - طبعا كل موديل احدث بسنة حتلاقى سعره ييزيد عن الموديل اللى قبله - فيه هنا فى القسم شوية مواضيع كتيرة عن ال kk اتسلى واقراهم بكل التعليقات اللى فيهم وتحت امرك فى اى استفسار
http://www.nilemotors.net/Nile/46156...08-2013-a.html

http://www.nilemotors.net/Nile/448564-kk.html

ان شاء الله تلاقى حاجه كويسة
بالنسبة للتقييم المبدأى موجود فى الموضوع التانى اللى انا حاطط اللينك بتاعه فى التعليق السابق

المشاركة الأصلية كتبت بواسطة b.hml

طيب اخر حاجة معندكش انت عربية للبيع على ضمانتك ؟ انا جاهز

للاسف والله انا معرفش حد معاه عربية عاوز يبيعها بس ممكن تشوف على دوبيزل بيبقى عارض عربيات كتير منها بس يستحسن يكون واحد مالك للعربية مش معرض سيارات علشان بيلعبوا فى عدادها