انا زهقت من كتر اللف والبحث وكل ما اشوف عربية يطلع فيها عيب وحاجة تسد نفسي عنها

انا معايا ميزانية لحد 200 الف ممكن زيادة 20 لو كان في حاجة افضل بس انا بدور في حدود 160 الف او 170 الف جنيه

انا بور علي عربية كويسة ومريحة وعالية عن الارض واستهلاك بنزين كويس ومعقول جدا وقطع غيار متوفرة ومش غالية قوووي زي الالماني وواسعة وهستخدمها كتير سفر ركدا ومبفكرش ابيع واشتري تاني .. ومش مهم الموتور ولا مهم مستعمل ولا جديد

انا شوفت البيجو 2008 وعاجباني جدا جدا بس حاسس انها ضيقة .. ومش عارف الناس مخوفاني من قطع الغيار .. الخ

حطيت القاشقاي قدامي بس لاقيت ناس كتير جدا بتشتكي من الفتيس وانه غالبا بيبوظ علي 80 الف كيلو .. فصرفت نظر

شوفت السبورتاج والاي اكس 35 الاتنين مستخسر احط فيهم السعر بتاعهم دا .. حراااام بجد مفيهاش غير شكل فقط من برا بس

شوفت ال 3008 وحلوة جدا .. بس استهلاكها للبنزين عالي ..

شوفت التيفولي .. عاجباني بس خايف لان العربية لسه جديدة في السوق وكوري برضو .. ومعظم الناس بتفتكر انها صيني

انا زهقت .. يا ريت الناس ترشحلي عربية كويسة بالمواصفات اللي فوق دي ولو في معلومة غلط قولتها يا ريت تصححهالي

وشكرا مقدما ..