ايهما افضل في الاختيار

**marento** · 26-04-2016 08:24 PM

انتا واقع في حيرة ما بين شفورلية كروز ٢٠١٥ ب١٤٠ الف وما بين الأوبل فكترا ٢٠٠٨ اعلي فئة وانا شايف ان الأوبل إمكانيتها افضل بمراحل أني افضل أرجو الافتددة

**waelfarid** · 26-04-2016 09:41 PM

جاوب علي السؤال ايهما تفضل
قرد بصحته ولا أسد عجوز

**marento** · 27-04-2016 12:46 AM

من اجمل ما سمعت من ردود في حياتي شكرًا ليك جداً قرد بصحة افضل

**فتح الباب** · 27-04-2016 02:42 AM

لو حضرتك غنى جدا ومعاك فلوس كتير هات الاوبل

**waelfarid** · 27-04-2016 06:38 PM

المشاركة الأصلية كتبت بواسطة marento

من اجمل ما سمعت من ردود في حياتي شكرًا ليك جداً قرد بصحة افضل

اهلا بحضرتك المقولة دي مش خاصة بي لكنها موجودة في المنتدي سابقا وعجبتني الجديد جديد لوتحافظ عليه والقديم حيفتح بقه للمصاريف مهما كان اسم ومحدش حيدفع لك حاجة من جيبه حضرتك صاحب القرار الاول والاخير والعربيات زي البطيخة قرفتها حلوة ولا مش حلوة وربنا يوفقك للعربية اللي تريحك ويديلك ربنا خيرها ويكفيك شرها وشر الطريق

**marento** · 28-04-2016 12:59 PM

شكرًا علي الردود والإفادة

**دعبدالرحيم** · 28-04-2016 05:04 PM

قطع غيار الاوبل الموديلات العاليه ناااار

**Mohamed Desoky** · 28-04-2016 07:21 PM

الجديد جديد حتى لو كان صينى طالما عجبانى عندنا فى مصر العربيات عمرها طويلللللللللللللللللللللل عكس العالم اى عربية ليها عمر افتراضى مهما كانت ماركتها معلومه لاحظتها المحافظه الوحيده فى مصر اللى مفيهاش توك توك هيا بورسعيد يابختهم العربيات هناك منطقه حره رخيصه جدا والعربيات المنتشره هناك فى التاكسى فيرنا فيفا وفى الملاكى كل انواع الالمانى منتشر هناك واغلب العربيات حديثه دى حاجه انا لاحظتها يمكن مش مهمه عند اغلب الناس انا مستغرب ان باقى بلادنا المصريه اغلب العربيات متهالكه اللى بورسعيد اغلب العربيات حديثه

**pharohtemo** · 27-05-2016 04:24 PM

الموضوع مش بس موضوع جديد و قديم .. فيه قديم معمر و أحسن من حاجات كتير جديدة و مثال على ذلك التويوتا و الهوندا بس الكلام ده لا ينطبق على الأوبل و خصوصاً الفكترا سى و الأسترا أتش بسبب الفتيس بتاعهم و أعطالهم المعقدة اللى مش أى حد يفهم فيها لأنهم مش معمولين لمصر و جو مصر .
الفيكترا ركوبة و متعه بس لازم تبقى عربية من الآخر و مفيهاش الهوا و برضه تكون حضرتك مستعد للأعطال اللى ممكن تيجى و تكلفك وقت و فلوس كتير