الموضوع: فورد مونديو

المشاركة الأصلية كتبت بواسطة borio1704

بناء على المكتوب ده.. فمواصفات الزيت المطلوب هي كالتالي:

اللزوجة:

5w-50 أو 5w-40 أو 5w-30
10w-50 أو 10w-40 أو 10w-30

مستوى الأداء:

مستوى api sg على اﻷقل.. يعني تقدر تستخدم أي زيت بمستوى أعلى زي sh أو sj أو sl أو sm أو sn
باختصار.. مستوى الخدمة ده هتلاقيه في الزيوت اللي بيسموها في السوق زيوت 5000 أو أعلى

ومن وجهة نظري.. أرشحلك زيت موبيل 1 peak life بدرجة لزوجة 5w-50 ومستوى أداء api sn... الزيت ده فيه خصائص تناسب العربيات اللي ماشية مسافات طويلة أو عمرها طويل شوية... حسب ما هما كاتبين في صفحته..

5w-50 oil | mobil 1 peak life 5w-50


وفيه زيوت تانية كتير ممكن تمشي معاك.. وممكن حضرتك تساعدنا أكتر وتدينا فكرة عن أسلوب استخدامك للعربية وحالة الموتور الميكانيكية وأولوياتك في اختيار الزيت علشان نختار أنسب زيت للعربية إن شاء الله.


...

شكرا لأهتمام حضرتك
بالنسبة لطبيعة السواقة مابين جري بالعربية أحيانا وسواقة هادية ونادرا لما اقرص على الماكينة
حالة الماتور جيدة مش عارف ماشي كام كيلو بالظبط لأني لسة مغيره