ساوند سيستم للبونتو

**Einstein_EG** · 30-11-2008 01:26 AM

ربنا يخليك كلك زوق بجد ، لكن انا فكرت و قلت ما اجيبش امب دلوقتى و احط فرق السعر فى الكاسيت و السماعات ، و بعدين لقيت ان الكاسيت اللى انت قلت عليه دا قايم بالواجب و زيادة بس هيبقى الكاسيت دا و الاربع سماعات ، او لو عندك اقتراح لحاجة اعلى فى كفاءة الصوت ، يبقى قشطة اوى و كتر خيرك .

**OZYDREAMS** · 30-11-2008 01:29 PM

المشاركة الأصلية كتبت بواسطة Einstein_EG

ربنا يخليك كلك زوق بجد ، لكن انا فكرت و قلت ما اجيبش امب دلوقتى و احط فرق السعر فى الكاسيت و السماعات ، و بعدين لقيت ان الكاسيت اللى انت قلت عليه دا قايم بالواجب و زيادة بس هيبقى الكاسيت دا و الاربع سماعات ، او لو عندك اقتراح لحاجة اعلى فى كفاءة الصوت ، يبقى قشطة اوى و كتر خيرك .

بص يا سيدى انا هنصحك بحاجه هات كاسيت 4950 وهو هو نفس الامكانيات واحلى فى الشكل من اللى فوق ومناسيب للتابلوه عندك بس دور عليه هو موجود زيرو بس نادر اوى بس هتلاقيه او ملقتهوش هات اللى فوق وهم نفس الامكانيات تمام وهاتلك 4 سماعات بايونير سماعتين 400 وات تايلندى اصلى وهات 2بايونير 460 وات صينى اصلى كل دول هيملوا رنج تقريبا 1300 جنيه وركبهم وهاتلك كوبسته نظيبفه وهتلاقى صوت فاجر يكفيك عن اى حاجه ده فى حاله انك معكش تكمل ال2000 جنيه وتجيب جى ام اما لو عاوز تجيب جى ام هات كينود 600 وات على 4 تشانيل هيعمله رنج 700 الى 800 هتحس بفرق اكبر وجامد بس ولو عوزت حاجه تانيه انا معاك والاستاذ حسام كوداك برده يديك رايه ؟؟

**Einstein_EG** · 30-11-2008 06:18 PM

معلش اية الكوبسته دى ؟
انا مش ناوى اجيب GM حالياً بس انا شفت الجهاز و شكله جميل فعلاً بس عيبه ان ال Scrool بتاعته صغيره اوى ، بس انا مش عارف موضوع ال USB دا شغال فيه ولا لأ لانه موجود بس Rear ، و اكيد محتاج وصله خاصة مش عارف اذا كانت موجوده ولا لأ ، الموضوع مش موضوع ال 2000 جنية ، لكن انا حاسس ان الجى ام انا مش محتاجله انا محتاج كاسيت سوبر نضيف و ممكن اجيب ال DVD حتى لو ب 2300 جنية بس يكون ماركة محترمة ، و اعلى سماعات تمشى معاه ، انا مفهمش اوى فى الموضوع دا بس اللى اعرفه ان السماعات دى مقاومة زى اى مقاومة فلازم Output بتاع الكاسيت من حيث القدرة و المقاومة تكون مضبوطة مع ال Input بتاع السماعات (انا عارف ان مفيش حاجة اسمها output مقاومة او Output Ohm بس انا بحاول اشرح ببساطة على قد مانا فاهم) ، بس يعنى لو DVD نضيف و سماعتين 400 وات RMS عالى بيضاوية او مستديرة (مش عارف انهى احسن ) ، و اتنين مقاس الباب عندى برده اعلى RMS ممكن بالحجم دا ، يبقى 100 100 .

الجى ام اصله شغلانه ، لازم وصله من البطارية و رايح جاى فى قلب العربية ، و متوصل من الكاسيت و موصل للسماعات و موصل للسماعات اللى فى الباب ، شغلانه و انا مش محتاجه اوى ، الا لو حبيت اجيب صب و دا شئ مستبعد ، لكن السماعتين ورا الوصلات موجودة اصلاً و متوصله لمكان الكاسيت ، و اللى فى الباب نفس الموضوع ، ابدل الكاسيت الاصلى و ابدل السماعات و رف على الشنطة و هوب بقى عندى صوت حلو . فزى ما قلتلك ، كاسيت سوبر نضيف (من ناحية الصوت اولا و USB لازم و لو DVD يبقى قشطة) ، سماعات عاليه متوافقه معاه 2 ورا بيضاوى ، 2 قدام مدور مقاس الباب .

بس انا مش عارف اشكرك ازاى ، بس مردودالك متخافش :)

**OZYDREAMS** · 01-12-2008 01:15 AM

بس ياسيدى اولا احنا اخوات ومفيش فرق ثانيا وده الاهم موضوع الكاسيت ده لو جبته يبقى تمام ومش مشكله الجى ام ركبه بس على تاربع سماعات زى ما انت عاوز وهيطلعلك صوت حلو تمام ونوع السماعات هتلاقيهم كاتبه فى رد هنا قبل كده اما حكايه اليو اس بى فى الجهاز ده فعلا مش موجود فيه بس فى وصله فى الجهاز ده بيتوصل لادابتور بيشغل عليه الاى بود واليو اس بى واسمه تحديدا ..... cd-ub100 وده معرفش بكام بس اهم حاجه بيتركب عليه ويشغل يو اس بى فيه ... وانا برده فى الخدمه لو فى استفسار تانى

**Einstein_EG** · 01-12-2008 07:28 PM

تسلملى يا باشا

**m_abdelfattah** · 05-12-2008 12:21 PM

المشاركة الأصلية كتبت بواسطة Einstein_EG

البونتو 2009 الحالة كالتالى :
راديو سى دى الاصلى
الابواب.

أنا عندى سؤال تانى خالص، أنا رايح باليل أستلم بونتو 2009 و مافيهاش موضوع الكاسيت ده خالص !! و لما رحت التوكيل ماكانش فيه كاسيت خالص !!

و لسا شايف واحده بكاسيت بس كاسيت Roadstar !!

فممكن أعرف لو سمحت موضوع الكاسيت ده أيه ؟؟ علشان و أنا بستلم أبفى فاهم النقطة ديه و ميضحكش عليا فيها !!

**Einstein_EG** · 05-12-2008 12:55 PM

الكاسيت دا المفروض هدية على الدفع الكاش فقط ، فى التوكيل و المعارض الكبيرة التابعه له ، مش بيبقى فى العربية ، لكن بيركبوه و انت واقف . اسأل فى الموضوع دا

**KoDaK_Gti** · 05-12-2008 02:27 PM

المشاركة الأصلية كتبت بواسطة OZYDREAMS

ب فى وصله فى الجهاز ده بيتوصل لادابتور بيشغل عليه الاى بود واليو اس بى واسمه تحديدا ..... cd-ub100 وده معرفش بكام بس اهم حاجه بيتركب عليه ويشغل يو اس بى فيه ... وانا برده فى الخدمه لو فى استفسار تانى

الوصلة دى ب 700 جنيه فى التوكيل

**Einstein_EG** · 05-12-2008 03:18 PM

يا نهار ابيض ، دا تمن كاسيت تانى ، انا لو دفعت الفرق ممكن اجيب كينوود بال USB front panel و كمان ال AUX front panel
بس تشكر يا كودك جيت فى وقت قبل ما الواحد يتدبس :)