بابيع فى عربيتى

**hazemawad** · 27-04-2016 10:20 PM

العربيه بتاعتى عارضها للبيع وهيه فيها شغل فى الصاج ودوكو و فرش كسوة داخلى ..
ولكن مغير لها ماكينه من كام شهر بماكينه 9 بكفائه 90 % وفتيس جديد نوفى لسه بيكمل الالف كيلو بتاع النوفا ومغير الكاوتش كامل والبطاريه لسه بقالها خمس شهور عربيه قريبه فى سعرها ان شاء الله مع العلم ان فحصها 2017 وضريبتها هاتنتهى السنادى فى شهر 6 والماتور لسه ماتثبتش على الرخصه فاهدفع للى هايشترى الضريبه باسمى وهاحاسبه عليها واعمله توكيل للبيع للنفس فقط الشرط نور
وهاديله اسطوانه استيراد جديده كنت جايبها من فتره قصيره

**mohsen128** · 28-04-2016 01:56 PM

موفق في البيع يا حازم باشا ربنا يحسنلك سوقها ،، بس متحرمناش من نصيحك ومعلوماتك المفيده .

**hazemawad** · 29-04-2016 07:58 AM

المشاركة الأصلية كتبت بواسطة mohsen128

موفق في البيع يا حازم باشا ربنا يحسنلك سوقها ،، بس متحرمناش من نصيحك ومعلوماتك المفيده .

ربنا يخليك يا محسن ...
تحت امر الجميع ان شا ء الله

**mohsen128** · 10-05-2016 04:47 PM

معلش يا حازم سؤال كده لفت انتباهي ، انت مركب فتيس الداتشا على ماتور رينو 9 عملت ايه في الكبالن والسوره والكلام ده الي اعرفه اني لو هركب فتيس 9 على الداتشا لازم اخير الكبالن كامله والجنبين معاهم والمرش والفلام وديسك واسطوانه .
وكمان جبت الفتيس بتاع الداتشا منين ؟؟؟

**hazemawad** · 10-05-2016 05:33 PM

المشاركة الأصلية كتبت بواسطة mohsen128

معلش يا حازم سؤال كده لفت انتباهي ، انت مركب فتيس الداتشا على ماتور رينو 9 عملت ايه في الكبالن والسوره والكلام ده الي اعرفه اني لو هركب فتيس 9 على الداتشا لازم اخير الكبالن كامله والجنبين معاهم والمرش والفلام وديسك واسطوانه .
وكمان جبت الفتيس بتاع الداتشا منين ؟؟؟

الحل بسيط :
انا اصلا الفتيس اللى حليته كان بتاع الداتشا ....
والفتيس جبته من الاسكندريه من عند واحد حبيبى كان بكارتونته وماعملش كيلو واحد يعنى العربيه بفتيس جديد نوفى وماتور رينو 9 لسه ماتثبتش على الرخصه وبحاله تقارب ال 90 % وتحدى لاى حد والله وطقم كاوتش جديد فرد من اقل من سنه بس العربيه عايزه بتعريفه سمكره وتترش وكسوة كراسى على الفرش الاصلى
المارش بتاع شاهين سريع وناعم جدا جدا ومغير ترس الفلام والاسطوانه والديسك جداد زى مانتو عارفين وكلهم بتوع الداتشا ماعادا المارش