ازاى اعرف ان التكييف محتاج شحن فقط

**Ramy Omran** · 03-05-2016 10:53 PM

انا بشترى عربية وصاحبها قال لى ان التكييف سليم لكن محتاج شحن.....ازاى اعرف ان كلامه صحيح وان كل اللى محتاجه التكييف هو الشحن فقط مش حاجة تانية خصوصا ان صيانة التكييف غالية...وهل اذا رحت بالعربية لواحد بتاع تكييف عربيات يقدر يقولى اذا كان شغال وكل اللى محتاجة الشحن فقط ولا مينفعش الا لما يبدأ يشحن فعلا ويشوف الدنيا فيها ايه

**lancer06** · 04-05-2016 05:14 AM

مرحبا اخى الكريم
التكيف لو محتاج شحن فريونً هتلاقى التكيف مش بيسقع بكفاءه
خلى حد يشغل التكيف وانت واقف قدام الكبود وهو مفتوح لو سمعت صوت الكمبروسر يبقى التكيف شغال ولو بعد تشغيله بكام دقيقه ملقيتوش سقع او تسقيع ضعيف يبقى محتاج شحن
واكيد لو وديتها لفنى تكييف هيتأكد فى عطل ولا لأ قبل ما يشحن

**volociximab** · 04-05-2016 10:03 AM

انا لسه راجع من عند بتاع التكييف
التكييف كان ميت
انبوبة الضغط الواطى اقل سخونة من الضغط العالى
بتاع التكييفات قال لى نشحنه و بعد كده نحكم على الكمبرسور
و شحنه و اشتغل
مانيوال الاصلاح بيقول لو انبوبة الضغط الواطى و العالى بنفس السخونية يبقى احتمال كمبرسور
-----------------
بوجه عام هذا كله محل الظن

يا اما تروح لبتاع تكييفات
يا اما تقوله مادام المشكلة شحن خلاص اشحنه انت

مع العلم انه ممكن يشحنه و يشتغل و يبقى فيه تسريب

**volociximab** · 04-05-2016 10:12 AM

.وهل اذا رحت بالعربية لواحد بتاع تكييف عربيات يقدر يقولى اذا كان شغال وكل اللى محتاجة الشحن فقط ولا مينفعش الا لما يبدأ يشحن فعلا ويشوف الدنيا فيها ايه

المفروض بيقيس الضغط فى انبوبة العالى و الواطى

لو الضغط فى العالى منخفض جدا و فى الواطى مرتفع يبقى كمبرسور

لو الضغط فى العالى و الواطى منخفض يبقى الفريون قليل

**ahmed_eng2001** · 04-05-2016 05:24 PM

فيه مشكلة كبيرة عند بيع و شراء السيارات ... موضوع التكييف كويس بس عاوز شحن ....
و للأسف اغلب الى اتعاملت معاهم شخصيا فى الموضوع ده .. كان التكييف بايظ و محتاج اكتر من عملية الشحن
و زى ما قال الدكتور volociximab ... قل للبائع بانه يروح يشحن التكييف
و صعب جدا ان الصنايعى يعرف ايه الى بايظ فى دورة التكييف من غير ما يشحن الاول و بعدين يقرر المشكلة من تنفيس فى الدورة ولا الكباس مش شغال و لا كل حاجة كويسة و كان ناقص بس على الشحن

و بمناسبة الشحن .... لازم يفضى الدورة كويس .... و يحط زيت قبل ما يشحن ... و بعد ما يشحن .. يحط التكييف تحت الاختبار فترة كافية للحكم على التسريب
ربنا يوفقك

**Atef Saleh** · 05-05-2016 02:41 PM

التكييف ممتاز " تلاجه " بس محتاج شحن .
العربيه جوه و بره ما عدا مرمات بسيطه .
العربيه رشه بره نضافه من غير معجون علشان الخرابيش .
أكثر 3 كذبات بتسمعهم و أنت بتشترى عربيه مستعمله :)
و من الأخر مفيش صنايعى تكييف عليه القيمه فى بلدنا كلهم بيشتغلوا بنظام التجربه أنا غيرت كمبريسور و سربنتينه و دراير و اكسبنشن و فى الاخر طلعت التلاجه الداخليه هى اللى منفسه و الباشا مكنش عارف ده من الأول و كل اللى اتفك من العربيه كان سليم و اشتغل فى عربيه صديق و لسه شغالين :)

**mohamedzaki74** · 05-05-2016 06:10 PM

المشاركة الأصلية كتبت بواسطة atef saleh

التكييف ممتاز " تلاجه " بس محتاج شحن .
العربيه جوه و بره ما عدا مرمات بسيطه .
العربيه رشه بره نضافه من غير معجون علشان الخرابيش .
أكثر 3 كذبات بتسمعهم و أنت بتشترى عربيه مستعمله :)
و من الأخر مفيش صنايعى تكييف عليه القيمه فى بلدنا كلهم بيشتغلوا بنظام التجربه أنا غيرت كمبريسور و سربنتينه و دراير و اكسبنشن و فى الاخر طلعت التلاجه الداخليه هى اللى منفسه و الباشا مكنش عارف ده من الأول و كل اللى اتفك من العربيه كان سليم و اشتغل فى عربيه صديق و لسه شغالين :)

ممكن حضرتك اسم الصنايعي لاني عندي نفس المشكلة

**mbx4e** · 13-06-2016 06:41 AM

الموضوع دا بلح
دا انت بتشحن عشان تعرف فيه مشاكل ولا لا
خصوصا وجود تلف او تسريب او حادثة عامله أضرار (وشغل تعديلات وتقييف عشان الليله تتلم ) او صيانه غشيمة (وحوض الموتور ضيق ) وكسل في الفك والتركيب كل دا بياجل موضوع صيانة التكييف مع العلم ان طول فترة فتح السيستم بينشف الاولسيهات وبيضعف المواسير من الداخل وبيراكم الرطوبه والتراب والوسخ جوا الكباس واللي بيصلح تكييف مايلصمش ويعمل حسابه على اسوأ تقدير والتكييف نظامه نظام قص ولزق حاجه بايزه بتتغير مابتتصلحش او تترجلش
واتاكد ان صاحب العربيه لو مهتم هايصلح التكييف من غير مايستنى يبيعها