الموضوع: تغيير قواعد فتيس أتوماتيك

يعنى ايه تاكل قواعد الموتور ؟؟!! سؤال للعلم فقط

الى اعرفه ان الجزء الكاوتشوك الى فى قواعد الموتور بيتقطع ... و ده الى بيدى الموتور المرونة الجزئية
فيه حاجة بتحصل احيانا لما تركب قواعد غير اصلية ... انها بتكون انشف من اللازم ... و ده بيخلى الموتور متكتف ( متزند ) زى ما بيسموه الصنايعية .... و اعتقد ان ده الى عند حضرتك
بس لازم حد يشوف الموضوع ده بنفسه ... مينفعش الوصف فقط

متشكر جدا لرد حضرتك وآسف على عدم دقة كلامى

الوصف الأدق هو تآكل كاوتش قواعد الموتور وليس تآكل قواعد الموتور نفسها

وفعلا الماكينة بحسها متكتفه ومش واخده راحتها ، هل ده ليه آثار جانبية سيئة ؟؟

العفو يا فندم ... لا شكر على واجب

انا عاوز اوضح لحضرتك ان الكاوتش مش بيتاكل ..... الكاوتش بيتقطع ... او بيتشرخ ... و انا فاهم وجهة نظر حضرتك
حضرتك ركبت القواعد الاصلية ؟

على حد علمى القليل .... تكتيفة الموتور دى مش كويسة .... لازم الموتور ياخد بعض المرونة ... علشان الذبذبات بتاعة الموتور و كمان اسمحله ببعض الحركة البسيطة
ايه اثاره السلبية فى عربيتك تحديدا ..... مقدرش افيدك فى النقطة دى
متابع معاك

المشاركة الأصلية كتبت بواسطة ahmed_eng2001

العفو يا فندم ... لا شكر على واجب

انا عاوز اوضح لحضرتك ان الكاوتش مش بيتاكل ..... الكاوتش بيتقطع ... او بيتشرخ ... و انا فاهم وجهة نظر حضرتك
حضرتك ركبت القواعد الاصلية ؟

على حد علمى القليل .... تكتيفة الموتور دى مش كويسة .... لازم الموتور ياخد بعض المرونة ... علشان الذبذبات بتاعة الموتور و كمان اسمحله ببعض الحركة البسيطة
ايه اثاره السلبية فى عربيتك تحديدا ..... مقدرش افيدك فى النقطة دى
متابع معاك

الكاوتش فعلا متقطع جدا خاصة فى القاعدة الجانبية

للاسف الشديد القواعد الأصلية غالية جدا تقريبا 8 أضعاف سعر اللى أنا جايبهم

هل يوجد أى طريقة لمعرفة هل الموتور فعلا متكتف ولا لأ ؟

وهل لو روحت لميكانيكى تانى كويس هيقدر يفيدنى فى الموضوع ده ؟

اعتقد ان الميكانيكى الكويس ممكن يعرف اذا كان الموتور متكتف و لا لأ

قواعد الموتور لازم تكون الاصلية ... التقليد حيعملك مشاكل كتير
ربنا يوفقك

متشكر جدا لرد حضرتك

بكره ان شاء الله هروح لميكانيكي تاني