ما هو افضل زيت لبولو 96 الى هو 3000
وافضل فلتر ويتغير الفلتر كل اد ايه
واغير زيت الفتيس كل اد ايه وزيت الفرامل وافضل نوع
عرض للطباعة
ما هو افضل زيت لبولو 96 الى هو 3000
وافضل فلتر ويتغير الفلتر كل اد ايه
واغير زيت الفتيس كل اد ايه وزيت الفرامل وافضل نوع
زيت باسات 2005 افضل شئ
النوع دا مش موجود عندنا ممكن نوع تانى وايه رايكم فى كاسترول انا بغير على 3000
أخي العزيز
تغيير الزيت مش بالآراء ولا بالتجربة..
نوع الزيت المناسب هو المدذكورة مواصفاته في كتالوج سيارتك.
عموما.. بالنسبة لسيارات فولزفاجن بشكل عام.. يجب أن يكون الزيت معتمد من شركة فولزفاجن ومطابق لأحد مواصفاتها للزيوت..
بالنسبة لسيارات فولزفاجن القديمة .. يجب أن يكون على علبة الزيت رقم مواصفة فولزفاجن رقم VW 500.00 أو VW 501.00
ده رابط للبولو الأقدم (90-94)... ومكتوب في صفحة 16 إن المواصفات المناسبة هي كالتالي:
http://www.volkspage.net/technik/man...o86c90to94.pdf
اللزوجة المسموحة
10W-40 أو 20W-50
مستوى الأداء :
طبقا لمواصفة فولزفاجن رقم VW 501.01
تقدر تعرف معلومات أكتر لو دخلت على الموضوعين دول:
http://www.nilemotors.net/Nile/341680-a.html
http://www.nilemotors.net/Nile/46580...post3875937963
ولو تقدر تساعدنا أكتر وتجيبلنا صورة الكتالوج بتاع عربيتك (أو من عند حد تعرفه).. لإني للأسف مش عارف أوصل له على النت... وإن شاء الله نساعدك أكتر.
...
الكلام اللي تحت ده أنا اقتبسته من رد كنت بقوله لزميل عنده عربية سكودا وواقع في نفس مشكلتك..
معلش خليك معايا شوية علشان الأمور تبقى أوضح..
أي علبة زيت لازم تلاقي ليها وش وظهر...
الوش دايما مكتوب عليه الاسم التجاري ودرجة اللزوجة بخط كبير
الظهر دايما عليه كلام مكتوب بخط صغير.. وفيه تفاصيل عن المصنع والمواصفات والشهادات اللي واخدها وتاريخ الإنتاج وحاجات تانية...
http://2.bp.blogspot.com/-FEwp0pFTks...25282%2529.jpg
المهم.. الظهر ده هو اللي فيه الخلاصة...
دايما دور على كلمة "المواصفات"
بص على الصورة دي:
http://images49.fotki.com/v630/photo...neoil02-vi.jpg
شايف المستطيل الأحمر ده؟؟؟ فيه أرقام وأكواد كتير .. لازم تلاقي حاجة زي كده على ظهر كل علبة زيت...
المهم.. لو لقيت في وسطهم رقم المواصفة بتاعت vw يبقى الزيت ده ممكن يمشي مع موتور فولزفاجن.
شوف الصور دي مثلا:
http://dataton.net/vw/maintenance/ca...-annotated.jpg
http://nileup.com/up/watermark.php?s...533251.jpg&p=c
من الصور تقدر تعرف إذا كان الزيت مناسب لفولزفاجن ولا لأ.
على فكرة... فولزفاجن عندها 4 مواصفات زيت للمواتير البنزين... مش كلهم يمشوا معاك... علشان كده بقوللك ياريت تشوف الكتالوج بيقول إيه علشان تعرف إنهي مواصفة اللي تمشي عليها.
تقدر ترجع للموضوع ده .. فيه تفاصيل أكتر عن زيوت الموتور الخاصة بفولزفاجن... وتحديدا في المشاركة 7 و 8..
http://www.nilemotors.net/nile/46580...post3875937963
علشان كده بنقول : مش مهم الماركة.. المهم المواصفات.
...
شكرا يا جماعه على سرعه الرد بس اولا انا مشترى العربيه بدون كتالوج ودايخ عليه ومش عارف اجيبه
2- انا جيبت مره موبيل 3000 ومش مكتوب عليه انه للفولكس وجبت مانول وبرضوو وسالت على كاسترول gtx هاي مايلز قالو دا كويس للفولكس بس مش مكتوب عليه مطابقه للفولكس ومش عارف اعمل ايه كل زيت اشوفه مش مكتوب عليه حضرتك ترشحلى ايه انا متوفر عندى موبيل وشل ومانول و
كاسترول gtx هاي مايلز
أعتقد إن الحل بالنسبالك هو الزيوت الألمانية... ﻹن نادر قوي لما يكون فيه زيت ألماني ما يشتغلش على عربية ألماني... وغالبا بتلاقي الزيوت دي عليها رقم أحد مواصفات فولزفاجن ﻹنها العربية الشعبية هناك.
أعتقد مانول هيكون مناسب... بس اتأكد الأول من وجود رقم المواصفة
أنا عملت بحث سريع جدا على النت عن زيوت مانول... للأسف علب الزيوت عندهم شبه بعض... وكمان المواصفات بتختلف جدا ما بين لزوجة والتانية..
علشان كده بقوللك ما تشتريش الماركة الألماني وبس... بص على المواصفة اللي على العلبة الأول..
أنا أرشحلك الزيت ده.. بس معرفش موجود عندك ولا ﻷ:
http://mannol.de/imgbank/Image/publi...56600400_b.jpg
http://static-eu.insales.ru/images/p...PLUS1L__3_.jpg
ده زيت نصف تخليقي وأتوقع يكون سعره معقول
وعموما... فيه زيوت تانية بس سعرها أتوقع إنه أغلى...
خلي بالك... العربيات الأوروبية عموما والألماني خصوصا ما ينفعش معاها إلا حاجتها... وإلا هتتعبك قوي
...
اولا الف شكر للاهتمامك
الزيت المانول ال ديفندر متوفر عندنا بس مش مكتوب على العلبه انى متوافق مع فولكس فاجن
وحضرتك شوفت الزيت الى اسمه كاسترول بتاع الزيت بيقولى كويس بس برضو مش مكتوب عليه انه متوافق مع فولكس فاجن وانا اخر مره حاطط موبيل اكس اتش بى وقبله مانول سفارى
انا فى حيره ومش عاوز اتعب العربيه ومش عارف اعمل ايه مفيش علبه زيت مكتوب عليها الى حضرتك هتقولى عليه بكره هنزل اجيبه
واعرف منين بعد ما احط الزيت انه مناسب للعربيه ولا لا
شايف الصورة دي
http://static-eu.insales.ru/images/p...PLUS1L__3_.jpg
بص كده على المكتوب على اليمين تحت بالأصفر... مكتوب رقم مواصفة فولزفاجن VW 501.00
كده يبقى الزيت ده ماشي مع مواصفة فولزفاجن دي.
شوف علبة الزيت الموجودة عندكم.. لو لقيت عليها نفس رقم المواصفة اشتريه وانت مطمن إن شاء الله.
...
الف شكر يا هندسه وجزاك الله كل خير