صباح الخير مساء الخير علي حسب بتقرا الموضوع إمتي .. :D

أخيراً وبعد طول إنتظار مع عشقي التام للسيفك .. قدامي عربيه سيفك 92 كامله اوتوماتك ( بس محتاجه كومبروسر تكيف ) مواصفات العربيه كالتالي :

تكيف ( محتاج كمبروسور ) ,, باور ,, سنتر ,, سماعات كينود ,, كاسيت ,, فتحة سقف كهربا ,, مرايات ضم كهربا
فبريكه دواخل ورشه خارجي بالكامل .. موتور السياره حالته 85% لـ 90% تقريباً ( 1600 vtec واحد كامه ) الفتيس كذلك ,, الفرش الداخي الاصلي حالته كويسه ( بس الجلد مقطع )

عيوب السياره :

عاوزه رشه نضافه ( ولازم احرقها عشان شايله معجون ),, تغير عفشه كامله ,, تغير زجاج امامي ,, كمبروسور تكيف ,, طقم كاوتش ,, الفرش الجلد لازم يتغير كله بالدواسات ( طبعاً عشان اركبها وانا مستريح نفسياً :D) ,,, الكلام ده عشان العربيه كانت مرفوعه

العربيه معروضه عليا بــ 45 الف ,, سؤالي بقي هل بعد ما اعمل الحجات اللي في العربيه دي هل العربيه هتكون وصلت للسعر الطبيعي بتاعها ..؟

وسعرها الطبيعي بيعمل كام ..؟ وتنصحوني اشتريها ولا لأ ( انا مش عاوز غير سيفك :D ) ..؟ ,, الحجات اللي هتتصرف ع العربيه هتعمل كام لو نزلت جبتها من بورسعيد ..؟
ولو غاليه المفروض أشتريها بكام ..؟ ,, ولو حد قدامه سيفك si , sir حالتها تمام يقوللي وجزاكم الله خيراً

وأسف جداً للأطاله ,, وشكراً مقدماً :)