الموضوع: حد يفدني في اختيار نيسان سنترا ولا بيجو ٣٠١ ولا نيو اوبترا

سنتر طبعا،
بالتوفيق

اعتقد هيكون فى فرق سعر كبير حاليا
السينترا 180
الاوبترا 157
301 معرفش
بما اننا فى سوق مفيهوش رقابه مع وجود جشع عام
لو تقدر تحدد الاسعار النهائيه للعربيات الثلاثه والميزانيه المتاحه هيساعدك كتير فقرار الشراء

ال 301 فورى تقريبا 140 - 150

الإختيار ما بين السنترا و البيجو

السنترا أوسع و أكبر - تقفيل مصرى - إعادة بيع هاتكون كويسة - لكن أغلى بحبة حلوين

البيجو أوبشنز - خامات داخلية أعلى و أفخم - إعادة البيع معقوله

أوبترا - لا أنصح

بالتوفيق - كل ما تشترى بدرى كل ما يجون أفضل لأن كل يوم الأسعار بتزيد

شكرا اصدقائي هو فعلا الاسعار اختلفت من شهرين انا كنت هجيب البيجو ٣٠١ فؤجئت انها سعرها بالامس وصل ١٥٢ الف اول فئة اتوماتك

البيجوا اقيم وتقغيل محترم و خامات ممتازه (تفيل اسبانى ) السعر الرسمى 165 سعر اعادة البيع متوسط وكيل جيد
السنترا سيارة محترمة كماليتها و خامتها اقل من البيجوا بس جيدة جدا وحجمها اكبر واعلى من البيجوا طبعا ده غير فرق المتور والجير بوكس اعلى من البيجوا و استهلاك البنزين اقل سعرها تسليم فورى فى حدود 180-185 سعر اعادة البيع جيد الوكيل يعتبر جيد
الاوبترا فى نوعين الصينى وصل سعره ل 151 خامات داخلية دون المستوى تحس بيها وانت بتدوس على الزراير بتفتح التكيف سعرها مبالغ على امكانيتها بعيد جدا
النوع الثانى التقفيل المصر سعره فى حدود 130-135 التقفيل انضف من الصينى بمراحل بس مازال غير جيد الشكل الخارجى جميل بس الصاج خفيف جدا لا اعتقد انها ممكن تحطها بمقارنة السنترا والبيجوا
انا عن نفسي حاجز بيجوا لانها عجبانى من ناحية الشكل و التقفيل و الاسم و الامان و دي حاجات مهمه بالنسبالى