الموضوع: زيت شل اللي مبقاش موجود فى التوكيل

المشاركة الأصلية كتبت بواسطة م/أحمد عبد الفتاح

كلم شيل على ١٦٥٦٥ وشوف لو موجود حايجولك لغاية عندك ويجيبوا الزيت ولو عاوز ممكن يغيروه فى المكان كمان

السلام عليكم ورحمة الله وبركاته ازيك يابشمهندس احمد كل عام وانتى واسرتك بخير انا كلمت الرقم المختصر لخدمة شيل لقيت خدمة تغير الزيت لنوعين من الزيت شيل الترا وشيل الاصفر فقط ومش عارفين ازا كان ان شيل عندها شيل الازرق فى التوكيل لاحظت ان الخدمه دى منفصله عن شركة شيل تقريبا مشتركين مع اراميكس هو فى حاجه مش مفهومه واتصلت على الارضى مش عارفين عندهم فى الدكانه وله لقه تحس ان فى لخبطه على مستوى العاملين فى شيل مصر غيرمنظمين منعزلين عن بعض او مش فاهمين المهم اخر ما زهقت من التليفونات اخت العربيه ونزلت من زايد على المعادى مشوار جميل وكنت سعيد جدا بزحمة الدائرى ورحت على التوكيل قالى شيل الازرق الاوربى الشركه بطلت تنزله مصر من كام شهر هو موجود فى الخليج بس اخت العربيه وطلعت على الخليج العربى لان المسافه قريبه هه هه طبعا بهزر سؤالى ياستاز احمد ليه شركة شيل مش منزله كل منتجاتها اللى موجوده ع النت لشيل العالميه حتى الزيت خصاره فى الشعب الغلبان

المشاركة الأصلية كتبت بواسطة mohamed desoky

ا وكنت سعيد جدا بزحمة الدائرى ورحت على التوكيل قالى شيل الازرق الاوربى الشركه بطلت تنزله مصر من كام شهر هو موجود فى الخليج بس اخت العربيه وطلعت على الخليج العربى لان المسافه قريبه

على يدى
فكرتنى بموضوع الدائرى :) :)

المشاركة الأصلية كتبت بواسطة ahmed_eng2001

على يدى
فكرتنى بموضوع الدائرى :) :)

السلام عليكم ورحمة الله وبركاته كل عام وانتى بخير استاز احمد ؟هعمل ايه من كتر الزهق من البلد دى حتى الزيت مش عارفين نجيبه كل حاجه من سئ الى اسؤ قولى اعمل ايه اخد العربيه واهرب من البيت ومراتى وعيالى والزحمه والحر على الاقل هيقوله هرب مع العربيه مش مع الشغاله ؟

المشاركة الأصلية كتبت بواسطة mohamed desoky

على الاقل هيقوله هرب مع العربيه مش مع الشغاله ؟

هاهاهاهاهاها

جامدة دى

كل سنة و حضرتك طيب ...
فيه اقتراح ظريف .... الفجر .... صلى الفجر ... و ابدأ اتحرك فى البلد ... و اعمل حسابك تكون واقف امام الجهة او المصلحة الى انت عاوزها الساعة 7 صباحا

على الاقل محدش حيقول انك هربت مع حد الصبح بدرى كدة

انا كنت بعمل كدة من فترة لما الواحد كان فيه صحة ... كولمان الميه الساقعة الظريف ... شيبسى .. عصير .. و لما توصل تدور على اقرب عربية فول ... و تدور على اقرب مكان فيه دورة مياه .. و عيش الحياه

البلد رايحة على فين ؟!! كنت قريت مقال من فترة ان السرعة داخل القاهرة حتوصل فى المتوسط اقل من 10 كم فى الساعة
و غلو الاسعار حيخلينا نحط زيت ذرة و نبطل شل و موبيل و الكلام الكبير ده

المشاركة الأصلية كتبت بواسطة ahmed_eng2001

هاهاهاهاهاها

جامدة دى

كل سنة و حضرتك طيب ...
فيه اقتراح ظريف .... الفجر .... صلى الفجر ... و ابدأ اتحرك فى البلد ... و اعمل حسابك تكون واقف امام الجهة او المصلحة الى انت عاوزها الساعة 7 صباحا

على الاقل محدش حيقول انك هربت مع حد الصبح بدرى كدة

انا كنت بعمل كدة من فترة لما الواحد كان فيه صحة ... كولمان الميه الساقعة الظريف ... شيبسى .. عصير .. و لما توصل تدور على اقرب عربية فول ... و تدور على اقرب مكان فيه دورة مياه .. و عيش الحياه

البلد رايحة على فين ؟!! كنت قريت مقال من فترة ان السرعة داخل القاهرة حتوصل فى المتوسط اقل من 10 كم فى الساعة
و غلو الاسعار حيخلينا نحط زيت ذرة و نبطل شل و موبيل و الكلام الكبير ده

والله يا احمد انا طلعت على المعاش وانا كان عندى 35 سنه بعد عمليه فى العمود الفقرى وبعت عن الرياضه رفع اثقال وصفيت حياتى فى وسط اهلى فى الجيزه وجيت عشت فى مديته جديده الشيخ زايد واخت نملتى ؟ مراتى والنملتين ابنى وبنتى ومن 2004 قفلت بابى انا وعائلتى المنمله على نفسى ومن يومها لحد دلوقتى بعافر مع الحياه وانا بشتغل فنى مساحه لان الدوله مش معترفه بمعهد المساحه 4 سنين عام 95 المهم بشتغل والحمد لله مع المعاش الكبير اللى الدوله بتدهولى واللى بيفيض من المعاش على سويسرا عدل ؟ وانا عندى مهام كبيره جدا الصبح بروح المخبز واجيب عيش واجيب فول وطعميه وبزنجان اكل 5 نجوم نعمه من الله واروح عشتى وااكل نملتى ويوم نشتغل وعشره ننام والحياه ماشيه بمزاجى او غصب انا مسير ولست مخير زى كل المصريين ودلوقتى بفكر استثمر 200 ج فى البورصه تحويشه من وره مراتى وبعد رمضان بازن الله يمكن اروح اوربا اصيف تسدق يااحمد انا اتجننت فى البلد دى وشكرا ليك