ده انا اللي آسف علي إزعاجك كل شويه
يعني لو موبل 5-30 ولا أمسويل 10-40xl
وبالنسبه لدرجة الحرارة في مصر 5-30 مفيش منه قلق؟؟
عرض للطباعة
ده انا اللي آسف علي إزعاجك كل شويه
يعني لو موبل 5-30 ولا أمسويل 10-40xl
وبالنسبه لدرجة الحرارة في مصر 5-30 مفيش منه قلق؟؟
أتوقع إن لزوجة 10w-40 مفيش منها مشكلة.. خصوصا إن تويوتا بتنزل زيت باسمها ولزوجته 20w-50 ومستواه api sl.. وكمان منزلة زيت 10w-40 نصف تخليقي (حسب ما قريت في منتدى سيارات عربي).
بالنسبة للزوجة 5w-30... فميش منها أي قلق نهائي...
مادام مكتوبة في الكتالوج إنها مناسبة للجو تبقى تمام وما تقلقش.
وأنا شخصيا باستخدم اللزوجة دي في عربيتي حسب كتالوج العربية بدون أدنى مشاكل.. مع العلم إني مقيم في جدة في السعودية.. والجو هنا زي جو الغردقة وسفاجا.... حر صيف شتا.
...
آخر سؤال
هل ترشح لى الأمسويل ولا الموبيل ؟
و هل لازم أستخدم منظف للموتور ( الفلش ) قبل ما أستخدم الزيت الجديد ؟
ولو لازم ( الفلش ) إيه الطريقة السليمة والنوعية المضمونة للإستخدام ؟
أنا آسف إنى طولت بس بصراحه أنا طمعان فى خبرتك وتوجيهاتك
موبيل 1 X1 أو أمسويل OE أو آمسويل XL ... التلاتة تقريبا زي بعض.. أتوقع غيار الزيت يكلفك في حدود 350 جنيه تقريبا..
الـXL فيه مواد تنظيف زيادة بس.
المختلف فعلا وأفضل كتير هو آمسويل سجنتشر... بس أغلى بكتير بردو... وده هيكلفك في حدود 500 جنيه تقريبا.
ميزة الآمسويل من وجهة نظري إنك تقدر تشتريه بكوارت (يساوي لتر تقريبا) ... يعني مرة تشتري 4 كوارت والمرة اللي بعدها تشتري 3 بس.
مع إن بردو موبيل فيه عبوات باللتر.. بس الناس بتستهل وتشتري جالون مرة واحدة.
عموما.. المفضل إنك تثبت على نوع واحد وما تغيرش كل شوية... فشوف اللي تستريحله نفسيا واشتريه.
بالنسبة للفلش... ما أنصحش بيه نهائيا إلا إذا كانت الموتور فيه رواسب طينية.. زي كده..
http://www.audiworld.com/forums/atta...9-21.19.35.jpghttp://i181.photobucket.com/albums/x...r/IMG_2409.jpg
تقدر ترجع للمشاركة دي لمعلومات أكتر..
http://www.nilemotors.net/Nile/3876048951-post28.html
...
يبقي علي بركة الله
أمسويل xl 10-40 بدون إستخدام فلش
صباح الخير يا باشمهندس
أنا متأسف جداً على إزعاجك
بس للأسف أمسويل غير متوفر إلا عند الموزعين وده شيئ مقلق بالنسبة لى ؛ لأن أقرب موزع بينى وبينه سفر وبكده أصبح أمسويل 10-40 إختيار صعب نتيجة لعدم إنتشاره
ونفس الحال مع الموبل 5-30 برضه مش منتشر ومش بلاقيه بسهوله وده أنا لاحظته من خلال سؤالى عنه الفترة السابقة مع العلم ان العبوه اللي لقيتها من موبل 5-30 كان لونها اخضر مش رمادي
وأكيد مش معقول كل غيار زيت أفضل أدور على الزيت فترة طويله
بس من خلال بحثى فى السوق لقيت زيت كاسترول ماجناتيك 10-40 ده إيه رأى حضرتك فيه ؟؟ لأنه منتشر بصوره أوسع من الأمسويل والموبل 5-30
معلش أنا عارف إنى أزعجتك كتير بموضوع الزيت ده ، بس رأيك يهمنى جداً لأن عاوز أغير 20-50 اللى أنا بحطه وأحط الزيت اللى حضرتك ترشحهولى وهو اللى هستمر عليه إن شاء الله
مفيش إزعاج ولا حاجة.. أنا يهمني إنك تستخدم الزيت الصح علشان نكون في الأمان..
وبصراحة مش عايز حد يدعي عليا إني نصحته بحاجة وبوظتله الموتور.
وبصراحة موضوعك ده شغلني تاني وحاولت أدور أكتر على الكتالوج العربي بتاع الإيكو... بس للأسف ما لقيتهوش..
وعلشان كده.. أنا افترضت حاجة بتحصل في أغلب شركات السيارات..
غالبا (بنسبة 95%) شركة السيارات بتنصح بنفس مواصفات الزيت في كل عربياتها اللي بتنزل في نفس المنطقة..
فقلت لنفسي ليه ما ندورش في توصيات عربيات تويوتا التانية... كورولا مثلا أو كامري أو حتى لاندكروزر..
وفعلا .. لقيت إن تقريبا كل توصيات العربيات الخليجي دي ليها نفس المواصفات .. وأنا متأكد بنسبة 99% إنها هي نفس مواصفات مصر.
أحد الزملاء كان عامل موضوع في قسم تويوتا وعربيته كورولا 2013 خليجي.. وكان منزل توصيات الزيوت في الموضوع..
http:// www.nilemotors.net/Nile/448051-2013.html
http://www10.0zz0.com/2014/11/08/19/834267225.jpg
http://www10.0zz0.com/2014/11/08/19/516523097.jpg
ودورت شوية لقيت في أحد منتديات تويوتا الخليجية ناس حاطة صفحة توصيات الزيت من كتالوج تويوتا سيكويا (حاجة ضخمة كده أكبر من اللاندكروزر 8 سلندر 5700 cc)..
والمفاجأة إن توصيات السيكويا الـ5700 هي نفسها توصيات الكورولا الـ1600. ..
http://uploads.tapatalk-cdn.com/2016...e87e7c8af3.jpg
http://uploads.tapatalk-cdn.com/2016...c9286e91e2.jpg
وده اللي خلاني متأكد إن الإيكو (وأي عربية في تويوتا) هتكون ليها نفس التوصيات.... :)
طيب ملخص التوصيات متقسم لجزئين ...
1- اللزوجة الخفيفة..
5W-30 أو 10W-30
مستوى الجودة المطلوب API SL على الأقل (و) ILSAC GF-3 على الأقل.
2- اللزوجة الثقيلة
15W-40 أو 20W-50
مستوى الجودة المطلوب API SL على الأقل.
التقسيمة دي سهلت كتيييير قوي علينا.. وبكده ننسى لزوجة 10W-40 دي خالص.. ونبدأ نفكر في استخدام 20W-50 مرة تانية.... خصوصا إن موضوع الـILSAC ده ما بقاش مطلوب في اللزوجة الثقيلة.
لو نويت على استخدام 20W-50 .. قدامك كذا اختيار...
موبل 1000 XHP... بمستوى جودة API SL
كاسترول GTX... بمستوى جودة API SL
توتال كوارتز 5000... بمستوى جودة API SL
مصر للبترول SL 1... بمستوى جودة API SL
التعاون SL ... بمستوى جودة API SL
التعاون SM... بمستوى جودة API SM
أنصحك بزيت التعاون SM
ولو نويت على 15W-40... فالزيوت المتاحة غالبا هتلاقيها مخصصة لمواتير الديزل أساسا.. بس تنفع بردو لمواتير البنزين.
وأنا تحت أمرك في أي سؤال تاني.
...
بعد اذن البشمهندس احمد
انا لو مكانك هفكر الف مرة قبل ما احط زيت تخليقي في موتور عامل ٣٠٠ الف كيلو على زيوت معدنية
يعني الزيت التخليقي هيقدملي ايه زياده عشان اخد المخاطره وافتح على نفسي فتحة جوانات واويلسيلات .. ده غير انه اكيد هينقص بمعدل اكبر وبالتالي تزود يعني فلوس زياده .. ومعتقدش انه هيكمل فترة خدمته ال١٠ الاف بنفس الكفاءة ولكن هيبقى اخره ٧-٨ مثلا
اعتقد ممكن تجرب نص تخليقي الاول وتحكم هتكمل بإيه بعد كده
والمتوفر منه في مصر : كاسترول ماجنتيك وشل الازرق وده في التوكيل بتاعه بس غالبا وتقريبا ليكي مولي وبيزول
اللي أنا فهمته من كتالوجات تويوتا اللي عدت عليا خلال الكام يوم اللي فاتوا إن لزوجة 10w-40 دي مش موجودة في أغلب مواتير تويوتا إلا فيما ندر..
و95% من كتالوجات تويوتا في الشرق الأوسط بتنصح بـ4 لزوجات.. اللي هي: 5w-30 و 10w-30 و 15w-40 و 20w-50
كتالوجات أوروبا ممكن تزود على كل دول 0w20 و5w-20
كتالوجات أمريكا بتنصح بلزوجة 5w-30 و 10w-30 بس .. علشان واضح إن ده توجه عام في أمريكا.. خصوصا من ناحية قوانين البيئة وتوفير الوقود.
وكل الكتالوجات الجديدة في تويوتا (آخر 20 سنة تقريبا) بتطلب إن اللزوجات الخفيفة (اللي آخرها 30 أو أقل) لازم تكون معتمدة من الـilsac... يمكن علشان موضوع الثبات واستهلاك الزيت ده بالذات..
مشكلة 90% من الزيوت التخليقية في مصر إنها مش معتمدة من الـilsac.. ومعندكش غير نوعين أو 3 بس في السوق.. وبالتالي أغلب السيارات اليابانية والكورية والأمريكية في مصر بيبقى عندها حاجة ناقصة في الزيت التخليقي اللي بتحطه.
أما من ناحية هيستفيد إيه من الزيت التخليقي... فحضرتك عارف رأيي في موضوع استخدام الزيوت التخليقية في العربيات القديمة..
ومازلت شايف إن المسألة اقتصادية أولا وأخيرا..
هل الموتور هيجيب جوانات؟؟؟ ما اعتقدش.. لإن زيت موبيل1 x1 زيت تخليقي من أساس معدني... مالوش التأثير المدمر على الجوانات.
هل الزيت هينقص ولا لأ؟؟؟؟؟ ممكن... وممكن لأ... ده يتوقف على حالة الموتور عنده وطريقة استخدامه..
هل الزيت هيبقى خفيف على الموتور وما يديش الحماية الكافية؟؟؟؟ أبدا.. هيحمي الموتور تمام.. إلا إذا استخدم العربية بأسلوب تحميل شاق...
خليه يجرب مرة... لو لقى الزيت بينقص فعلا بمعدل عالي.. يبقى يرجع للـ20w-50 اللي كان شغال عليه ويا دار ما دخلك شر...
أما لو لقى الدنيا ماشية كويس... ليه نقول له لأ؟؟؟
إلا إذا كان الزيت الثقيل بينقص أصلا!!!!
...
تمام كده يا باشمهندس الله ينور عليك ومتشكر جدا
اللزوجة الخفيفه : 5w30
إيه رأيك في الموبل الأخضر مش الرمادي لأن ده اللي لقيته في السوق، مع العلم إن زيت تويوتا اللي لقيته في صلاح الدين كان لزوجة 5w30
اللزوجة الثقيله :
ليه حضرتك ركزت علي 20w50 ومتكلمتش بإستفاضه عن الزيوت المرشحه من 15w40?
حضرتك رشحت زيت التعاون لأن مواصفته أعلي بس السؤال هنا هل تثق في زيت التعاون من أساسه؟؟؟
أسلوب قيادتي مش عنيف وأغلب مشاويري من علي الدولي يعني قليل لما بدخل في الزحمه ومش بحمل اوزان تقيله إلا كل فترات طويله فهل لا زلت تري ان الزيت التقيل مناسب لظروف تشغيل العربيه
ومره تانيه بشكرك علي مجهودك معايا