الموضوع: تـفـاصـيـل مـقـابـلـة الـيـكـس جـــروب ( الاسـكـنـدرانـيـة )

المشاركة الأصلية كتبت بواسطة mohamed ibiza

مبروك لنجاح مقابلة اسكندرية:):)
يا رب دايما مقابلات متجددة و سعيدة في عروس البحر الابيض المتوسط :):)

حبيب هارتي

ان شا الله المقابلة الجاية تكون في اسكندرية وتيجي معانا يا واد وتنور المقابلة

المشاركة الأصلية كتبت بواسطة Ayman_52

شكلها كانت مقابله جامده...مبروك على اول مقابله وعقبال كل مقابله كل اسبوع ان شاء الله

فعلا والله ياباشا كانت مقابلة جامدة جدا جدا جدا جدا جدا جدا جدا جدا

والله يبارك فيك ياباشا

المشاركة الأصلية كتبت بواسطة mayki4u

المقابله كانت تحفه بمعنا الكلمه لدرجة اننا قعدنا مكناش عايزين نقوم نروح

وانا اول واحد سعدت بالتعارف بالشباب اللذيذه كلهم
وأحسن حاجه يا محمد عيد الرحمن انه انت مسيحتش للناس اللى بيشربو شيشه دووول دول ناس وحشين قوىىىىىىىىى وداري على المداري

وشكرا ليك انت ومايكل على الصور الجامده دى

اها ناس وشحين جدا يا مايكل ها

وبعدين الناس اللي شربت شيشة تحمد ربنا ان انا كمان مسيحتلهاش عى حاجات تانية ( واظن فاهمني ) وخلي الطابق مسطور بقى

المشاركة الأصلية كتبت بواسطة AhmedAbdFat

خصوصا الناس اللى كانت بتشرب شيشة بطعم البطيخ :D

ايوة صح يا احمد حتى بالامارة كانو عمالين يتفتفو بزر البطيخ علينا

كنت منور المقابلة والله يا احمد باشا

المشاركة الأصلية كتبت بواسطة Mohamed_Elsaadani

انا بشكر جدا جدا كل الحضور وخاصة استاذ محمد الطويل بكرمه المعهود اصر على تحمل تكلفة المشاريب

والى لقاءات فعالة اخرى فى القريب العاجل ان شاء الله

وانا بشكرك والله يا أ- محمد بجد انا حسيت ان انت قريب مني جدا والله لوحده يعلم مافي القلوب

حبيتك وحبيت كلامي معاك واسلوبك وبجد يا جماعة أ- محمد السعدني حد محترم جدا جدا فوق ما تتخيلو وكان تقريبا معظم كلامه عن النظام وان المفروض كلنا نكون ايجابيين تجاه المواقف السلبية اللي بتقابلنا في عالم القيادة

ومرة تانية انا بشكر حضرتك وسعيد جدا اني اتشرفت بمعرفتك



اما بقى أ - محمد الطويل فلازم نسمعه سلام مربع على احلى واجب وبجد شخصية محترمة جدا وتحس انه اخوك

وبما ان هو اللي تكفل بالمشاريب عشان كمان هو معروف في الكافيه

يبقى ان شاء الله كل المقابلات هتم في نفس الكافيه ان شاء الله

المشاركة الأصلية كتبت بواسطة bishoo33

بين شطين وميه
عشقتكم عينيا
يا غالييين عليا يأهل أسكندريه
يأهل اسكندريه
مش عارف أقول غير انى فى منتهى السعاده من اللقاء الدافىء فى الجو البارد على روائح التفاح والعنب
يا سلام عايز كل اللى ماجاش يتخيل جو خريفى يميل للبروده فى كافاتيريا على شط اسكندريه ساعه المغربيه على أضواء خافته ورائحه الكابتشينو والنسكافيه تتغللغل بين رائحه التفاح والعنب سورى شيشه التفاح والعنب اللى بطلتهم من زمان وكان نفسى ارجعلهم بس معلش توبه وفى حوار يتمتع بالحب والتأخى بين الناس الحلوه
حقيقى كان نفسى اللقاء يطول معلش بس لازم يتكرر بأذن الله تعالى
وشكر خاص للأخ محمد عبد الرحمن اللى جمعنا للمره الثانيه
والأخ محمد الطويل اللى خدت مفتاحه بالخطأ
ايوه بعد اللقاء وبعد ذهابى للسياره التى كانت لا تبعد فيما لا يقل عن 200 متر قعدت احاول افتح سيارتى بالأنذار والمفتاح ولكنها لا تفتح قعدت أكثر من خمس دقائق احاول واحاول الى أن أكتشفت أن المفتاح مش مفتاحى ولكن مفتاح الأخ محمد الطويل ومفتاحى فى جيبى
(سرقو المفتاح يا محمد لكن مفتاحو معايا.......)
والى لقاء قريب بأذن الله
الأخ مايكل كان نفسى تصورنى بالماتريكس الكحلى بس معلش فى المره القادمه عايز صورتين
الأخ مايكل مش الأولانى الثانى اتشرفت بمعرفتك وحقيقى عايز اعرفك أكثر
الأخ محمد السعدنى بتفكرنى بشخص مش فاكره ولكنى حفتكره
الأخ محمد الشنورى ابن البلد اه يا بلد عايزه ولد
الأخ أحمد عبد الفتاح تقيل وراسى
الأخ عمرو مختار كان نفسى اتكلم معاك اكثر
الأخ محمد السيد فى منتهى الذوق والأحترام
والسلام عليكم ورحمه الله وبركاته

ده ايه الجمال ده ده ايه الحلاوة دي

بتكتب شعر يا أ - محمد مبروك

والله كلامك كله زي الفل وبجد انا متشرف جدا جدا جدا بمعرفة حضرتك

ياجماعة أ - محمد مبروك اول عضو قابلته في اول مقابلة خالص اللي كان الحضور فيها انا وهو بس وكان يوم جمل جدا

وكمان المقابلة دي كان اوائل الحضور وبجد انسان محترم جدا جدا
وكمان مجاش لوحده كان معاه ابنه عمر زي العسل بس محدش يغلس عليه عشان بيلعب كاراتيه

انا معاك ي أ - محمد في كل كلمة قولتها وكلامك كله صح

وان شاء الله تكون المقابلة الجاية قريب جدا

ايوه يا محمد يا شنورى
فهمتها ازاى
ده شغل محرم بك
سعدت جدا لمعرفتك وحاجيللك قريبا
خللى باللك من .................