الموضوع: تـفـاصـيـل مـقـابـلـة الاسـكـنـدرانـيـة الـثـانـيـة - فبراير 2009 -

اولا : بعتذر عن تأخير الموضوع بس يمكن لما تشوفه الموضوع تعذروني


احب في بداية التفاصيل اني احط الصورة دي , عشان اغيظ اي حد اسكندراني مجاش المقابلة



بالنسبة للتفاصيل ياريت تتابعو معايا وتركزو عشان كان اليوم طويل جدا وكان لذيذ جدا , ويارب اقدر اشرح التفاصيل كويس

زمان ومكان المقابلة :

يوم الجمعة الموافق 6 - 2 - 2009 الساعة 2 ظهرا

فيلا أ . عصام كمال

كشف الحضور :

1 - أ . عصام كمال boty 50

2 - محمد الشنوري shnory

3 - محمد عبد الرحمن ghalasa

4 - أ . محمد السعدني Mohamed_ Elsaadani

5 - عضو موقوف ( محمد ابيزا ) Mohamed Ibiza

6 - أ . احمد عبد العزيز ZIZO
اعذرني ملقتش صورة لحضرتك تصلح اني احطها .. بس والله نورتنا النص ساعة اللي قضيتها معانا

7 - مايكل ساهر Michel _ Lanos

8 - محمد الطويل Mido_777

9 - شريف حبيب shrief _ habeb

تفاصيل المقابلة :

اولا اتجمعت انا ( محمد عبد الرحمن ) و محمد الشنوري الساعة 10 صباحا عشان نروح لاستاذ عصام في فيلته عشان نقدر نجهز معاه المستلزمات ونساعده وهكذا

لكن بصراحة الراجل طلع زوق جدا ومخليناش نعمل اي حاجة

المهم روحنا مكان التجمع انا ومحمد الشنوري الساعة 2 ظهرا وكان اول المتواجدين طبعا أ . محمد السعدني وفضلنا في انتظار باقي الاعضاء وتقريبا كلهم تواجدو بنفس الترتيب اللي انا كتبت بيه كشف الحضور

ودي صور توضيحية لمكان ولحظة تجمع الاعضاء





بعد ماتجمع بعض الاعضاء توجهنا لمكان الفيلا .... ودي برضه شوية صور واحنا في الطريق





وصلنا للفيلا و أ . عصام استقبلنا احسن استقبال بجد راجل محترم جدا وانا سعيد جدا اني اتشرفت بمعرفته ولقاءه

ابتدينا ناخد كام صورة ع الواقف كده اول ما دخلنا ......



وبعد كده ابتدينا ندخل المطبخ نجهز في الغدا والحمد لله كلنا شاركنا صناعة الغدا سواء اللي بيعرف يطبخ او اللي مش بيعرف وطبعا كان كله تحت اشراف أ . عصام

ونظرا لمهارة أ . عصام في مجال الطعام اقترح أ . محمد السعدني ان ممكن أ . عصام يعمل مطعم وقال انه هيكسب كويس جدا لانه بجد ماشاء الله عليه



واحسن حاجة في الموضوع يا جماعة ان كل واحد كان له وظيفة بيعملها في المطبخ
ومتهيالي وظيفة كل واحد فينا هتبان من الصور ........









محمد الشنوري و أ . عصام بيجيبو ليمون من شجرة في جنينة الفيلا



طبعا انا هنا قفشت محمد الطويل كان بياكل حتة من الفراخ ... فقسمت انا وهو



اول ما الغدا ابتدى يخلص طبعا جرينا ع السفرة عشان نحضرها .. جعانين بقى



وطبعا زي مواضح في الصورة اللي جاية ان الاكل جاهز وطبعا عنبتدي ناكل ... بس واضح ان مايكل اللي كان بيصور مكنش مركز عشان صور ازازة الشويبس وبالصدفة طلع فيها محمد الشنوري ومحمد ابيزا



الحمد لله اتغدينا وكان الاكل اكتر من رائع بجد .. كان غدا هندي ابتداءا من اول العيش الي الفراخ المشوية ع الطريقة الهندية .. وكان نفسي ريحة الاكل تطلع في الصور



وطبعا اكيد بعد الغدا لازم نحبس بشاي وممكن نحبس بحاجات تانية بس مش هقول عليها وهسيب الصور تتكلم





طبعا الصورة بتتكلم عن نفسها

قعدة جميلة جدا باليل في جنينة فيلا الاستاذ عصام

وكانت جلسة مناقشة على اوضاع المرور في مصر وتناولنا خصوصا موضوع المخالفات والجزاءات ابتداءا من الغرامة حتى الحبس ......... وابتدى كل واحد يحكي شوية مواقف اتعرض لها وحاولنا نناقش حل للموضوع







واخيرا انا بشكر كل اعضاء جروب اليكس سواء اللي شاركوا في المقابلة او اللي مشاركوش

وبجد انا سعيد جدا اني التقيت بيكم مرة تانية وتشرفت بمعرفة الاعضاء الجدد اللي شرفونا لاول مرة

ويارب اكون قدرت اشرح المقابلة ولو ع الاقل بشكل بسيط لاني بجد مهما اتكلمت ومهما قولت مش هقدر اوصف الروح الاخوية وروح التعاون والحب اللي كان موجودة بيننا

وبجد رغم ان المقابلة بقالها يومين بس لكن والله كلكم وحشتوني

وبشكر طبعا أ . عصام على استضافته الجميلة جدا جدا جد للمقابلة في فيلته .... والله حبيتك من اول ما شوفتك

واحب اشكر محمد الشنوري اللي وقف جنبي وكان معايا دايما في اعداد وتجهيز المقابلة

وبشكر طبعا مايكل ساهر اللي يا عيني قام بتصوير المقابلة كلها صور وفيديو

وان شاء الله نتقابل على خير في المقابلة القادمة