الموضوع: تـفـاصـيـل مـقـابـلـة الـيـكـس جـــروب ( الاسـكـنـدرانـيـة )

المشاركة الأصلية كتبت بواسطة shnory

السلام عليكم ورحمه الله وبركاته
طبعا مقابله الاسكندرانيه مش محتاجه كلام بعد الي اتقال من الاعضاء بس فعلا كان فيه جو جميل جدا والفه وكاننا نعرف بعض من زمان او كان الواحد قاعد مع اصحاب مشافهمش من فتره كبيره جدا بس فعلا الواحد لما بيقعد مع ناس محترمين كده بيحس ان بلدنا والناس لسه بخير
يمكن من كتر التعامل مع الناس في شغله الواحد بيحس ان الدنيا مبقاش فيها خير والاحترام بقي سلعه نادره
بس لما بيتقابل مع الناس اللي سابت شغلها واولادها واسرها لمجرد انه يتعرف علينا بيعرف ان مصر ولاده ولسه الدنيا بخير وان بلدنا واهلها فعلا ناس مش حتتعوض
احب اشكر صاحب الفكره والراجل اللي تعب كتير وضيع من وقته كتير جدا علشان يجمعنا مع بعض
(ا-محمد عبد الرحمن)اشكرك انك تعبت في تنظيم المقابله واهنيك علي نجاحها
وانا اتشرفت بمعرفتك جدا واتمني نتقابل تاني كتير وانا مش عارف اوصفك للاعضاء ازاي بس فعلا شاب اسكندراني رجوله وجدعنه وابن بلد
استاذ محمد السعدني : اول ما تشوفه تحس بنظره الترحيب بيك في عنيه مستمع جميل جدا ايا كان الموضوع اللي بتكلمه فيه يحسسك انك بتتكلم في اهم مواضيع القرن يتركيزه معاك وردوده عليك وابتسامته الجميله واحترامه اللي ميتوصفش
محمد بيك الطويل : مفيش مقابله بتتم في اسكندريه الا ولازم يتوصف كرمه وروحه المرحه لما كانت مقابله شهر 8 كانت في فيلته في كنج مريوط وكان حاتمي الكرم باستضافتنا وفي مقابله امبارح برضه كان كريم اشد الكرم
فانا بقول اننا اي مقابله تبقي عنده ههههههههههههه وفعلا الواحد مش عارف يوصف ازاي او يقول ايه من كتر ما بيثبت اخلاقه العاليه في كل مره اكتر من اللي قبلها راجل سباق بالخير مضياف وحاجات كتير اوي عاوزه صفحات علشان اقولها
ا:محمد مبروك : الهادي المرح احب اقوله ربنا يخليلك عمرو ويفرحك بيه هو يفرح وهو صغير واكيد حتفرح بيه اكتر وهو كبير
طلعنا جيران يا باشا واتمنا اشوفك قريب واتشرف بيك تاني
ملحوظه :
في الصوره رقم 3 باين عليك وانت بتخطط لموضوع عربيه محمد الطويل هههههههههههه وانا عمال اقول طول المقابله ليه عمرو قاعد جنب محمد وانت قاعد بعيد عنه بس في الصوره رقم 5 و6 كان المخطط اكتمل والضحكه ماليه وشك مش عارف انا هل دي علشان حتتصور ولا علشان مفتاح الالنترا ههههههههههههههههههههههههه هههههههه

مايكل فور يو : الادب والاخلاق العاليه والهدوء والاحترام وربنا ينولك الجين 2 زتستلمها بقي علشان مش كل مقابله تدور علي حد يجيبك هههههههههههههههه
بس وماله الاصحاب مش بتتعوض ولو انت في اخر الدنيا ومفيش معاك عربيه اجيلك لحد عندك ونروح سوا

مايكل لانوس
انا كنت عمال اقول انت ماشي ورايا ليه بس عرفت لما شفت الصوره وكويس انك صورت العربيه من الناحيه اللي ينفع تتصور منها علشان الناحيه التانيه مخبوطه ههههههههههههههههههههههههه هه
وهو فعلا راجل ميتخيرش عن باقي الاعضاء في اسلوب حواره الممتع واخلاقه العاليه

يمكن فيه ناس كتير من المقابله انا متكلمتش عنهم بس فيه ناس اعتزرت ومشيت بعد شويه وفيه ناس ما اسعدنيش الحظ اني اتكلم معاهم كتير لضيق وقت المقابله (4) ساعات بس وباذن الله المقابله الجايه تكون من اول النهار لحد اخر اليوم ويسعدني الحظ بجلوسي معاكم فتره كبيره
فعلا كامن مقابله ناجحه بكل المقاييس واحب اشكر كل الناس اللي اتشرفت جدا بمعرفتهم وانا فخور بمعرفه ناس زيكم
اخوكم محمد الشنوري

ياباشا الف شكر
هي بجد مقابله جامده والواحد ماكانش عاوز يمشى صدقوني وإن شاء الله نكررها الايام اللى جايه ونصور فيديو كمان

المشاركة الأصلية كتبت بواسطة mayki4u

بجد زى ما قال استاذ محمد الطويل انتو مسبتوش كلام يتقال
المجموعه كلها بالكامل كانت هايله واتكلمنا فى مواضيع كتير بجد كان يوم يارب نعوضه قريب
المهم يا استاذ محمد عبد الرحمن انت شكلك مكنتش واخد بالك من الناس الوحشين برضو اللى شربو معسل ؟؟؟؟؟؟؟؟
ولا عشان كانت ريحة العنب الفاخر بس انت اللى كنت شاممها......... وكلنا طبعا .

وطبعا يارجاله التدخين ضاااااااااااااااااااااااا اااااااار جدا بالصحه

ميرسي لاستاذ محمد مبروك على كلامك الرائع واللى اسعدنا بوجود عمرو الصغنن ولعلمكو بقى اللى انتو متعرفوش انه عمرو هو صاحب فكرة الاستيلاء على الالانترا حتى جه قعد جنبي وقاللى نخلصو المصلحه دى سوا قولتله طيب مناخد النيسان تيدا احسن قاللى لا فاختلفنا وكل واحد راح لحاله هو ابوه عكشه وانا استاذ محمد مشي بدري وملحقتش اخد النيسان ............المقابله الجايه نتفق انا وانت على عربيه واحده و هنوضع خطه متخرش ميه على عربيه ...........؟؟؟؟؟

استاذ محمد الشنورى بجد ميرسي جدا على كلامك وربنا يسهل اجيلكو بالجين 2 المقابله التانيه وسعدت جدا بالكلام معاك بجد شخصيه مرحه جدا ومبطلناش ضحك بسببه فى القاعده وعايزك تبيع السماره عشان هنرسم على تقيل انا وانت وعمرو المره اللى جايه .

مايكل باشا بقى كان مصدر المعلومات التكنلوجيه للقاعده اللى انا استفدت منها فى القاعده كتير حتى محمد الطويل قالله تعالى جنبي عشان تفهمنى موضوع الجى بي اس فى الموبايل وياريت يا مايكل تنزله موضوع زى ماقولتلك .

استاذ محمد الطويل بجد شخصيه فى منتهى الروعه لما يتمتع به من طابع الاخلاق والزوق والكرم ونحط خط تحت الكرم دى عشان اللى عملو امبارح وبجد حسسنا انه اللى مش هيروح عشان المقابله يروح عشان يشرب او ياكل ببلاش متقلقوش هو هيقوم بالواجب.

واستاذ احمد عبد الفتاح قمة الزوق والادب والاخلاق
واستاذ محمد اللى كان قاعد جنبي ناس كلها زى العسل
واستاذ عمرو اللى حسسني بحنيني للبيجو والاسد الفرنسي وبفكر الغى البروتون واجيب 206 .
وأخيرا وليس أخرا اوجه الشكر لاستاذنا الكبير استاذ محمد السعدنى اللى من غيره يا جماعه كنت هالوووص احب اشكره على أخلاقه العاليه والتواضع والخبره فى مجال العربيات ونحب نشوفك فى كل مقابله .
على فكره انا كنت ناوى اكتب كلمتين بس لقيت نفسي عايز اوصف بجد كل واحد من الناس الحلوه اللى كانت معايا وأرجو اكون منسيتش حد
شكرا ليكو

الف شكر يا حبيبي وإن شاء الله الموضوع هاينزل قريب بالتفصيل

المشاركة الأصلية كتبت بواسطة نور القمر

اكيد طبعا مش كل اصحاب النت كويسين

اللي انا اقصدهم مين ؟؟
يعني مثلا حضرتك اكيد ليك 2 او تلاته على النت تحس ان مودكم جاي مع بعضه
تحس ان في صفات مشتركة بينكم
تحبوا تردوا على بعض ..لما تشوف اسمه على موضوع عايز تدخله
تحس ان في كيميا بينكم من غير ما تشوفه او حتى يكون في شات اون لاين بينكم
اكيد الناس دي لما تقابلهم شخصيا هاتندمجوا مع بعض اكتر
وفي ناس تانية مش لازم تحس بيه على النت لكن لو قابلته ممكن تندمجوا مع بعض

انا عن نفسي بتمنى يعملوا مقابله للبنات
في كذا واحدة نفسي اتعرف عليهم بجد

حاولى يا نور تجمع بنات المنتدي وتعمليلهوم مقابله وطبعا تعمليلها موضوع علشان نيجي كلنا غلاسه "هزار طبعا"
بجد ممكن تراسلوا بعض على الخاص وتتجمعوا وتقولونا التفاضيل بصور العربيات والشد عالبحر

والله انا مش عارف اشكر مين والا مين على كل التعليقات الجميلة ديه

كل اللى حضروا احسن من بعض

الكل اخلاقه عاليه ومحترم جدا

الكل الواحد حابب انه يقابله تانى وتالت و...

نتجمع دايما فى الخير وبالحب

:)

وبرضه يا جماعة مش عايزين ننسى موضوع الجوايز - انا عديتها بمزاجى المرة اللى فاتت

لكن المرة الجاية طالما فيه اعضاء بتخطط للاستيلاء على مفاتيح اعضاء اخرين يبقى كده المشكلة اتحلت وخير ربنا كتير

كده الجوايز ممكن تكتر

طلب خاص للاخوة المخططين: دخلوا الالنترا بتاعة أ محمد الطويل ضمن الجوايز وعندكم كمان جين 2 ستنضم - بتاعة مايكل- وبيجو وسمارا بس رجاء خاص بما انى صاحب الفكرة - بلاش حد يفكر فى بتاعتى اصلها عليها اقساط

شفتوا انا طيب وبحبكم ازاى

وعاوزين نفكر فى فرش الشقة بتاعة - اوعوا محمد عبد الرحمن يكون سامعنى - الجايزة الاولى علشان اللى ياخدها يلاقيها مفروشة مش احسن والا ايه

وطلب خاص للاستاذ محمد عبد الرحمن: ممكن نفكر فى مكان زى افريكا على الصحراوى وزى ما قلت لكم المرة اللى فاتت مش لازم نروح بكل العربيات وبكده نقدر نقضى مع بعض وقت اطول

وباختصار احب اقول عن كل من كان فى المقابلة:

تجمع نادر لاعمار مختلفة وافكار خلاقة وتخصصات متنوعة وسلوكيات محترمة لا تملك الا ان تستفيد من الحضور معهم

سلامى للجميع

:)

بجد كان نفسى اكون معاكم واتعرف بيكم بس لالاسف كنت مسافر