نصيحة مني شوف السنترا
عربية رائعه
والشارك برده عربية مفيهاش وجع دماغ ومش هتتعبك بس عيوبها ان العزل وحش والشنطة ضيقة والكنبه الخفيه مش كبيرة قوي والصالون فقير ... انما عربية تريح صاحبها ومش بتاعة وجع دماغ ولا مشاكل
عرض للطباعة
نصيحة مني شوف السنترا
عربية رائعه
والشارك برده عربية مفيهاش وجع دماغ ومش هتتعبك بس عيوبها ان العزل وحش والشنطة ضيقة والكنبه الخفيه مش كبيرة قوي والصالون فقير ... انما عربية تريح صاحبها ومش بتاعة وجع دماغ ولا مشاكل
لازم لما تحكم على حاجة تحطها في مكانها الصح الأول وبعدين تحكم
المرسيدس والبي إم والبورش والأودي دي الماركات الألمانية الخاصة بالأغنياء فقط... زيها زي لكزس اليابانية وجاجوار الإنجليزية وكاديلاك الأمريكية وكمان دلوقتي بقى عندك جينيسس الكورية..
كلها ماركات للي عايز يدفع ويبقى عنده حاجة غير باقي الناس العادية.. ودايما المقارنات بالماركات دي مش بتبقى إلا مع بعضها...
يعني ما ينفعش خالص تقارن لكزس بفولزفاجن... لكزس عربية يابانية سوبر... فيها فخامة وثبات وقوة وطول مدة خدمة ورفاهية عالية جدا.... إنما فولزفاجن... عربية عادية... ممكن تقارنها بتويوتا أو هيونداي لو عايز.
وكمان ما ينفعش أقارن عاربيات دلوقتي بعربيات زمان...
العربيات دلوقتي (ألماني وياباني وكوري) بيتعمل بدماغ مختلفة تماما عن دماغ زمان... واللي عايز يشتغل بدماغ زمان بيخسر.
فمسألة الصاج الضعيف ده كلام مع احترامي لرأي حضرتك.. كلام قديم خااااااااااااااالص
يا ريت تدخل على الموضوع ده وهناك هتعرف قصدي إيه...
http://www.nilemotors.net/Nile/328233-a.html
وباستثناء الفيرنا واللانوس من الموضوع ده (عربيات قديمة أصلا بطلوا إنتاجها من 15 سنة في المصنع الأم)... فالعربيات الكوري دلوقتي بقت واخدة نصيب مهم من مبيعات السيارات الأوروبية... ومعايير السلامة هناك هما بيتجاوزوها وبياخدوا تقييم 5 نجوم كمان...
عايز تشوف؟؟؟ ادخل يا سيدي وشوف بنفسك...
Official Kia Sportage 2015�safety rating
Official Kia Rio 2011 safety rating results
Official Hyundai Tucson 2015�safety rating
Official Hyundai Santa Fe 2012 safety rating results
Official Kia Carens 2013 safety rating results
Official Kia Cee'd 2012 safety rating results
عايز تشوف عربيات أوروبية واخدة تقييم متوسط أو سيء؟؟؟ اتفضل وشوف بنفسك
Official BMW Z4 2015�safety rating
Official Mercedes Benz CITAN Kombi 2013 safety rating results
Official Opel/Vauxhall Vivaro 2015 safety rating
Official Lancia Ypsilon 2015�safety rating
Official Opel/Vauxhall Corsa 1997 safety rating
Official Citroen Xantia 1997 safety rating
Official Mercedes Benz C Class 1997 safety rating
Official BMW 3 Series 1997 safety rating
Official Audi A4 1997 safety rating
Official Audi A6 1998 safety rating
Official VW Passat 1997 safety rating
Official VW Polo 1997 safety rating
Official Opel/Vauxhall Vectra 1997 safety rating
طبعا هتقوللي إن أغلب العربيات دي قديمة...
أيوة.. لإن قبل سنة 1997 ما كانش فيه أصلا حاجة إسمها EuroNCAP.. وبالتالي كل العربيات ظهرت على حقيقتها في الوقت ده مع بداية تطبيق معايير موحدة للسلامة في الاتحاد الأوروبي.
وزي ما قلتلك... دلوقتي ما حدش يجرؤ ينزل عربية في ألمانيا أو الاتحاد الأوروبي من غير ما يستوفي الشروط دي.. وإلا مش هيبيع أساسا.
دايما كده.. الحكومة تحط قانون.. الشركات تحاول تنفذه.... مش العكس.
وما تقولليش أصل التجار هما اللي بيتحكموا في السوق... البضاعة الكويسة بتفرض نفسها في أي مكان... والتاجر الذكي هو اللي بيجيب البضاعة اللي تناسب السوق..
وأنا بحكم معرفتي وخبرتي في الجودة بقوللك إن الجودة فعلا هي إنك تجيب اللي يناسبك... مش إنك تجيب اللي يناسب اللي معاهم فلوس.
باختصار... الألماني ما يناسبش ناس بتشحت زينا.
...
علشان ما تقولش بس إن الكلام ده كان زمان...
اختبار سلامة في أمريكا... أودي A4 موديل 2012 (نفس الموديل الحالي)... واخدة تقييم سيء
https://www.youtube.com/watch?v=55qLUxaJlP0
http://www.iihs.org/iihs/ratings/veh...oor-sedan/2015
...
انا متفق معاك ان الالمانى الغالى مش مناسب لينا نحن الفقراء بس انا بتكلم على المنتج المشهور عالميا الترتيب الدولى لمنتجى السيارات وانا عارف ان تويوتا اكتر مبيعات فى العالم واكبر دوله فى تصنيع السيارت الصين وبرضه الصين نجحت فى اختبارات التصادم بلشيرى الانفى والتيجو انا بتكلم عن الجوده عربيه قويه تتحمل اى تصادم على العموم انا مش مختلف معاك خالص انا كل اللى بقوله ان العربيات الالمانى افضل عربيات فى العالم وانا مقتنع بكده المهم حضرتك بتشوف مواكب الوزراء فى بلدنا مرسيدس c500 ومش بس الساسه لا رجال الاعمال وكمان وكلاء السيارات زى غبور ومنصور كله بيركب مرسيدس c500 مفيش حد منهم بيركب منتج المصنع بتاعه تفتكر ليه والمدهش ان العربيات اللى بتدخل مصر غير اللى بتروح اوربا و معظم الهيونداى جاى من الهند لكن اللى بينزل اوربا والخليج كورى الخلاصه لكل الكلام ده مصر بينزل فيها زبالة السيارات فى العالم بدون اى مواصفات جوده لكن الالمانى لا لازم منتج هومشرف عليه لان الالمان بيخافه على تاريخ انتاجهم للسيارات واهم حاجه مواصفات الجوده وليه ياهندسه استبعت الفيرنا والانوس مش دول سيارات مصر الاولى ومناسبين للجيب المصرى ياريت المقارنه تبقى شامله لان الكورى زى الصينى فى حلو ووحش وندخل الصينى للمقارنه برضه ونقول فيرنا ولانوس والانفى مين افضل والسعرقريب انا طولت فى الموضوع وشكرا ليك ياباشمهندس
يا باشا حضرتك ما قريتش ردي كويس...
كل استفساراتك وأسئلتك أنا رادد عليها فعلا...
- الجودة مش معناها عربية تستحمل التصادم... الجودة معناها عربية تناسبك طبقا لأولوياتك... ﻹن مفيش منتج واحد في الدنيا يناسب كل الناس.. (معلش سامحني.. بس الحتة دي بالذات تخصص شغلي وبعلمه لكل اللي بيشتغل معايا.. زي ما أنا اتعلمته).
- ليه الساسة ورجال الأعمال وحتى بتوع التوكيلات بيركبوا مرسيدس... علشان يقدروا يدفعوا ثمن طلباتهم في السيارة اللي عايزينها.. ومرسيدس بتوفرلهم طلباتهم اللي هيدفعوا ثمنها..
- ليه العربيات بتجيلك من الهند... علشان الهند فيها صناعة سيارات معمولة لسوق الهند اللي طلباته زي طلبات السوق المصري..
وأكيد طبعا الألماني بيخاف على سمعته... وهو إيه أصلا اللي يخليك تروح تتعامل مع أي شخص إلا علشان السمعة؟؟
...
شكرا للتوضيح ومش عيب انى اتعلم من اخويه انا مقتنع ان كل واحد يشترى عربيه على حسب امكانياته ويستفيد منها انا مثلا عربيتى شيرى صينى لما جبتها كانت على اد الامكانيات فى وقتها واهم شئ عربيه اشيل فيها معداتى من اجهزة المساحه بطول 2 متر فكان الاختيار على دى والحمد لله نعمه وده المطلوب من اى عربيه مفيش خلاف ولو كان فى عندى امكانيه اجيب كيا كارنز كنت جبتها علشان برضه هتلبى طلبى يبقى الموضوع امكانيات بس المهم انا شاكر ليك تعبتك من كتر الكتابه الف شكر
نقاش جميل ,, مع تعصبى الشديد للالمانى بس فعلا عايز تركب المانى لازم هتتبهدل خصوصا فى مصر على حساب ان معاك عربية محترمة ..
مش عايز وجع دماغ و مش مهم عندك التكنولوجى او متعة السواقة عليك باليابانى من غير كلام .
انا اتبهدلت اوى يا جماعه و الله :36_1_31: مع الالمانى من اول عربية ابيزا ركبتها مرورا بالفيكترا ثم الباسات ثم البى ام .. و اقل مشاكل لاقيتها كانت فى الباسات ! و اكثرها فى البى ام للاسف ..
بس حب الالمانى عامل زى المخدرات مش عارف اتوب عنو
( كل كلامى عن العربيات المستخدمة مش الزيرو )
مش عارف يا عم محمد ... بس انت بتقول الكلام وترجع تنقضه !!!
منين الألماني المستعمل سيء جدا ومنين الألماني أحسن صناعة؟؟؟
على فكرة الأستاذ Amr_650 مقيم في جدة في السعودية... مش في مصر...
معنى كلامك ده إن الألماني وحش في مصر وفي السعودية كمان.. مش كده؟؟؟
نعيد تاني... عايز حاجة فيها كل المميزات.. لازم تدفع...
ولو ممعاكش.. ما يلزمكش.
أنا لسه من نص ساعة بالضبط كنت بتكلم مع واحد قاللي على معلومة حلوة قوي...
بيقوللي إنه مرة بعت عربية "رولزرويس فانتوم" موديل 2013 (زي اللي في الصورة اللي تحت دي)... بتاعت شيخ مشهور هنا تعمل صيانة في التوكيل...
تفتكر صيانة العربية (اللي هي زيت وفلتر وفحص عام) اتكلفت كام؟؟؟
معلومة عالماشي كده.... سعر العربية زيرو حوالي 2 مليون ريال (حوالي 18 مليون جنيه بعد الجمارك والحبشتكانات).
http://www.autopromag.com/wp-content...ies-2-ride.jpg
الصيانة اتكلفت ......
.
.
.
.
35 ألف ريال سعودي (حوالي 85 ألف جنيه مصري)..
آه والله...
السعر ده في السعودية يجيب عربية كيا بيكانتو زيرو!!!!!!!!!!!!!!!!!!!!!
لا وإيه كمان... العربية لو استعمالها بسيط (ما هي أكيد مش هي لوحدها عند الشيخ.. ده فيه جنبها فوق الـ40 عربية تانيين).. يبقى لازم تروح تغير زيت تاني بعد 3 شهور.
بيستخدموا زيت معدني المعفنين :shine[1]:
والله ما بهرج.. ده كلام بجد
أمال لو العربية حصل فيها مشكلة بعد فترة واحتاجت تغير جزء أو تصلح حاجة... هتتكلف كام؟؟؟؟؟؟
والمشكلة كمان.. إن طبيعة الفئة دي من الناس مش بتفكر إن العربية تعيش معاها بقية حياتها.. لإن كل شوية فيه حاجة جديدة بتطلع.. فارمي القديم وهات جديد..
يبقى تعمل عربية تعيش ليه؟؟ هي أصلا مش هتعيش عند صاحبها أكتر من 5-6 سنين.
هو ده مبدأ الصناعة الألماني (وأي ماركة فاخرة تانية) باختصار.... عايز تاخد حاجة نظيفة.. تقل جيبك.
...