وصل سعر سبورتاج gti الي 400 الف جنيه سعرها أعلي من إنسجنيا توب لاين ب 50 الف جنيه
عرض للطباعة
وصل سعر سبورتاج gti الي 400 الف جنيه سعرها أعلي من إنسجنيا توب لاين ب 50 الف جنيه
يعنى كده سعرها زى الالمانى عشنا وشوفنا الكورى منافس للالمانى مرسيدس وباسات حتى x1 bmw مصر بلد العجايب
لما حضرتك يكون عندك عربيات وتزود السعر ييجي المصربين يقولك الحق اشتري لحسن هتزيد يشتري ناس وناس تقول نستنى جايز ترخص.
تقوم مزود تاني يؤوم يقول شوفت اهي زادت الحق بأي اشتري لحسن تنط اكتر يقوم الناس اللى ما اشترتش اول مره تقول اه والله هنستنى لإمتى يقوم شاري نصفهم ويصمد الباقي .(اصبر ماتستعجلش هياخد على قفاه حالا)
تقوم مزود يقوم النص الباقي يقول يارتني اشتريت من الاول يلا نشتري دلوأتي نص العمي ولا العمى كله.
عايز تقنعني ان اي حد كل مايزود السعر الاقبال يزيد مش عايزه يزود ويستغل!!!! ده مش طمع تجار ولا جهل المصريين دي وساخه البلد بنت....ام الدنيا
كلامك مظبوط يارامى احنا بلد ماشيه بلفهلوه وكلنا حطين ادينا فى جيوب بعض والدول نايمممممممممممه نوم والمسئول يقول خليهم ياكله بعض ويضحك على دولة السيرك والقرد يضحك على الاسد وياكله سودانى ويقوله زمان اللحمه جايه اصبر شويه لحد الصبر ماخلص واكل الاسد القرد وده حال البلد دلوقتى نصب غش كدب سرقه كل ماهو قزر بنطبقه بلحرف بدون رحمه او شفقه او خوف من الله عز وجل كلها ايام ورمضان جاى وكل الناس هتحاول تعمل الخير خلال الشهر وبعد العيد يرجع الشيطان يركب فوق رؤس الفاسدين فى بلد الحرامى فيها وهو رايح يسرق بيقول توكلت على اللهاقتباس:
المشاركة الأصلية كتبت بواسطة رامي مصطفى
يانهار إسود هي دي عربية يدفع فيها ٢٠٠ الف جنيه !!!!!!؟؟؟
رزق الهبل على المجانين !!
ليه المقارنة بتبقى على الفلوس وبس؟؟؟؟؟؟
مش المفروض أقارن من ناحية الفئة والإمكانيات وبعدين أشوف الأسعار؟؟؟
وبعدين الأوبل إنسجنيا عربية سيدان اندفاع أمامي بس...
الكيا سبورتاج GT عربية SUV باندفاع رباعي وموتور تربو...
عايز تقارن الكيا سبورتاج مع حاجة تانية.. قارنها مع عربية SUV من نفس حجمها وإمكانياتها
زي إيه؟؟
تويوتا راف4
هيونداي توسان
فورد كوجا
فولزفاجن تيجوان
بي إم X3
أودي Q3
مرسيدس GLK
لو بصيت على أعلى فئة في دول كلهم.. هتلاقي الكيا سبورتاج أرخص منهم كلهم تقريبا..
ولو إن البي إم والمرسيدس والأودي المفروض ما يدخلوش المقارنة علشان دول من فئة العربيات المترفة.
وبالنسبة للبي إم الـX1 .. فهي من فئة أصغر .. زي الهيونداي كريتا... ما ينفعش تدخل في المقارنة.
ثم إن الكيا سبورتاج سعرها بادئ من 280 ألف... ليه ماسك في الـGT ؟؟؟؟
أسعار السيارات الجديدة مصر 2016
...
هي صحيح مبالغ في سعرها ، بس مش لدرجة 200 الف !!!اقتباس:
المشاركة الأصلية كتبت بواسطة melouk1
دى النسخه ال GT بموتور 1600 تربو 177 حصان ودفع رباعى و 6 ايرباج و ESP
الفئه دى في المانيا سعرها يتراوح بين 34 و 36 الف يورو
يعنى اغلى من X1 الSport اللى تمنها في مصر 430 الف ولسه هاتزيد تانى في خلال أيام
انا ببصلها بال ٤٠٠ الف اركب ايه مستعمل
هتقولي الجديد جديد هقولك مسمار المرسيدس المستعمل بالعربية دي جديدة
هتقولي ده رايك يا فندم انت
هقولك منا ركبت دي و ركبت دي
دي عربية و عجلة !!
والله دي الحقيقة لو هنقارن :)
ممكن تقول عليه منحاز للمرسيدس عشان عشرة عمر و ركبتها زيرو و مستعمل و زيرو تاني و في العائله عندنا ادمان و ذكريات
بس برده ركبت كل حاجة و جربت و عرفت يعني إيه الماني و ياباني و كوري
و اي حد مكاني هيقول كده و هيفهم ده ، مش بعيب في الكوري بس ميسواش خالص
انا سافرت كل مكان الكوري ده ملوش قيمة !!
اقتباس:
المشاركة الأصلية كتبت بواسطة melouk1
هو ليه حضرتك مصر إنك تقارن حاجتين ما ينفعش يتقارنوا مع بعض؟؟؟؟
المرسيدس والبي إم والأودي والبورشه.. كلها ماركات فاخرة... للأغنياء فقط
لما تيجي تقارنها.. ابقى قارنها مع عربيات فاخرة زيها... جاجوار.. لكزس.. كاديلاك.. لينكولن... جنيسس... فولفو...
إنما تقارنها مع كيا.. تويوتا... فولزفاجن... بيجو... شيفروليه..!!!!!!!
كده حضرتك بتهين الماركات الفاخرة.. وبتظلم الماركات التانية.
وطول ما انت بتقارن بالطريقة دي.. هتفضل شايف الأمور كده مش واضحة.. وتفضل دايما بتحكم على الأمور بنظرة ظالمة.. للفاخر والاقتصادي.
ابقى تعالى شاركنا في الموضوع ده...
http://www.nilemotors.net/Nile/48808...post3876076220
...
انت ممكن تحسبها يطريقة تانيه وتقول 400 الف جنيه بقى اخرهم ييجيبو عربيه سبورتاج يعنى العربيه مش هي اللي غليت الجنية هو اللي ملوش اي قيمه
مش بقارن عربيات !!
بقارن فلوس و حضرتك فاهم ده كويس
تحياتي ..
اقتباس:
المشاركة الأصلية كتبت بواسطة melouk1
معلش... طريقة المقارنة بالفلوس بس أثبتت فشلها في العالم كله... وإلا كان زمان الناس كلها اشترت أرخص حاجة وخلصنا
أكيد كل منتج فيه حاجة تميزه عن غيره تخلي ناس معينة شايفاه أحسن من غيره..
كون إن حضرتك مش شايف حاجة مميزة غير في الألماني... فده راجع لك شخصيا.
ليه؟؟؟
أكيد لك أسبابك... أولها احتياجاتك من العربية وأولوياتك بالنسبة ليها... وده بيدخل فيه بنسبة كبيرة جدا المجتمع اللي حضرتك عايش فيه... سواء العائلة أو الناس اللي بتتعامل معاهم... بالإضافة لتجاربك الشخصية.
وأكيد بردو فيه ناس تانية شايفة حاجة مختلفة.... وليها أولويات مختلفة وتجارب مختلفة ومجتمع مختلف عايشة فيه...
فرجاء ما تاخدش تجربتك الشخصية كمعيار وحيد للحكم... يمكن فيه حد تاني شايف حاجة أحسن بالنسباله... خصوصا لو حطيت نفسك مكانه.
...
محدش قال ان كيا أفضل من مرسيدس ، ولو انى مابحبش اعمم بأفضل اقارن موديل بموديلاقتباس:
المشاركة الأصلية كتبت بواسطة melouk1
يعنى سيراتو ب 200 الف و C180 ب 500 الف ، اكيد دى عربيه ودى عجله زى ماحضرتك قولت
لكن كيا سبورتاج GT ومرسيدس GLA عربيتين من نفس الفئه وسعرهم قريب ، هنا ممكن نقارن وممكن تطلع الكيا أفضل في حاجات من المرسيدس ، ليه لأ ؟!!
وطبعا الموضوع بيختلف من شخص لأخر حسب متطلباته وظروفه
انا واحد من الناس يوم ما اخد قرار انى احط 400 الف جنيه في عربيه اكيد مش هاتكون مستعمله حتى لو مرسيدس
ومش هاركب سبورتاج GT برضه :)
هاشوف ايه العربيه اللى تناسب متطلباتى بأفضل سعر وأجيبها بغض النظر عن بلد المنشأ
هاقول لحضرتك مثال بسيط
انا مقيم بره مصر وفى فتره من الفترات كنت راكب E90 330i ، وبعد فتره بعتها وجبت سيراتو الجديده
هل انا مثلا شايف ان السيراتو أحسن ؟ :) أكيد لأ
وعلى فكره السيراتو جبتها أغلى من البى ام :)
اقتباس:
المشاركة الأصلية كتبت بواسطة hosam_optrawy
حضرتك جبت السيراتو علشان بتناسبك أكتر... بتحققلك حاجات معينة بتدور عليها ما لقيتهاش في البي إم..
وأكيد السيراتو مش بتوفر حاجات تانية موجودة في البي إم.. بس أولوياتك خلت الحاجات دي مش مهمة بالنسبالك ..
وبالتالي قرارك راح للسيراتو.
...
كلام حضراتكم كله جميل ومقتنع بكل الآراء
بس للأمانه ماروحش ادفع في السوبرتاج ٤٠٠ الف لا gt ولا حتي gtxyz.
ده مجرد رأي وممكن ابأى غلطان واوعوا كده علشان الحق اجري قبل ما حد يضرب.......
تاني كلامي واضح
و هبسط الكلام ليكم لان تفسيركم لكلامي اجتهاد منكم لكن ملوش علاقة باللي قولته
لو حضراتكم هتشتروا عربية ب ٤٠٠ الف جنيه هتشتري ايه في مصر ؟؟
انا عن نفسي في المانيا كان عندي حاجه تانيه خالص غير البنز و البي ام ، و هي متنفعش في مصر اصلاً
لكن حضرتك لو عشت في مصر و معاك ٤٠٠ الف
ممكن تقولي هتجيب ايه ؟
تحياتي ليكم كلكم ناس افاضل ومحترمة
بس اتمنى رد على السؤال مباشرة بعد تفكير
ال ٤٠٠ الف يجيبو ايه في مصر انت تقتنع بيه
.....
اقتباس:
المشاركة الأصلية كتبت بواسطة رامي مصطفى
اقتباس:
المشاركة الأصلية كتبت بواسطة melouk1
وأنا كمان لو معايا 400 ألف جنيه ماروحش اشتري أوبل.. معلش.. طلعت نزلت في الآخر جنرال موتورز..
شفت؟؟؟ كل واحد شايف الموضوع من وجهة نظره.. ومفيش حد غلط..
بس أنا كل اللي قصدي عليه إني ما ينفعش أغلط اللي حواليا علشان رأيهم مخالف لرأيي... خصوصا إن مع التنوع الكبييييير في آراء الناس والتنوع الأكبر في المنتجات المتاحة.
شكلي كده هعمل موضوع مخصوص في الجودة ... لإن الجودة كلها في العالم كله حاجة نسبية.
...
انا مستني رد على السؤالاقتباس:
المشاركة الأصلية كتبت بواسطة borio1704
حضرتك من وجهة نظرك المحترمة تجيب ايه ب ٤٠٠ الف
قول اللي تحبه ايا كان الرأي
بس محتاج اعرفه لانك مقولتش برده
تحياتي
لو سيدان بيجو 508 لو SUV فورد Kuga
ولا ضرب ولا حاجه :)اقتباس:
المشاركة الأصلية كتبت بواسطة رامي مصطفى
99 % من الناس وانا منهم برضه مش هايشتروها بالمبلغ دا
متفق في الرأي تماماً معاك لو زيرو هعمل كده فعلاًاقتباس:
المشاركة الأصلية كتبت بواسطة Hosam_Optrawy
نقطة الحوار هنا في ايه
إني انا كشخصي هركب مرسيدس مستعمل و ليكن c 2012 على قد ال ٤٠٠ الف و مش هجيب 508
لأن مفيش جديد في مصر يستاهل تمنه إطلاقاً ..
و طبعا دي أزواق و شكرا ليك
تحياتي ..
اقتباس:
المشاركة الأصلية كتبت بواسطة melouk1
أولا.. أنا مش مقيم في مصر... وبصراحة لو أنا قاعد في مصر ما ادفعش المبلغ ده في أي عربية أساسا... ولا ألماني ولا غيره.
بس حسب القايمة اللي في اللينك دي...
أسعار السيارات الجديدة مصر 2016
أنا ممكن أشتري هيونداي سوناتا.. شايفها صفقة رابحة بصراحة.
أوسع عربية فيهم... موتور 3000 cc.. فخامة وكماليات كويسة جدا جدا... عوامل أمان مش بطالة.. واعتمادية أحسن من ماركات ألماني كتير..
وأنا مش من هواة الجري.. إنما بحب العربية تبقى نشيطة معايا.
...
رأي حضرتك يحترم طبعاًاقتباس:
المشاركة الأصلية كتبت بواسطة borio1704
ب 400 الف واللي مش هيلحق هتغلي اكتر و اكتر ...
انا مش مستوعب ان عربيه كوري اصلا بالسعر ده .
انا في 2010 اشتريت من المصريه للسيارات النترا كوري مانيوال 1600CC ب 96 الف و في 2011 بعتها فقط لاني كنت عايز اركب اوتوماتيك و اشتريت سنه 2011 من المصريه للسيارات كورنيش المعادي النترا كوري اوتوماتيك 1600CC و 121 حصااان ب 105 الف زيرووووو .
و مشيت بيها 35000 كم تقريبا و بعتها اخر 2014 ب 110 الف وكمان كسبت فيها . فحفرت في رأسي فكره ان العربيه الكوري اخرها 100000 جم و بستغرب اوي لما الاقي بيكانتو او ريو حتي بالاسعار دي دلوقتي لانهم اقل من 1600 cc
معرفش العيب في دماغي و لا العيب في السوق ولا التجار و لا التوكيلات و لا الحكومه و لا الاقتصاد و الدولار ... الله اعلم . بس عموما الاسبوتاج GT امكانياتها مش وحشه و 177 حصان 4W وكميه كماليات لا تحصي . ولو انا معايا المبلغ ده هركب اولا زيرو مش مستعمل و لو 100 كم . ممكن اركب الاسبورتاج او BMW X1 و محدش يقولي مصاريف الصيانه و التشغيل و قطع الغيار . اولا دي عربيات جديده فبدري علي حته قطع الغيار دي . ثانيا فئه البشر اللي معاها 400 الف سواء كاش او هيقسط فده راجل مبسوط الي حد ما . فمش هتفرق معاه اوي صيانه كل 10000كم ممكن يعملها كل 8 اشهر و يدفع 2000 حد اقصي للصيانه .. دي وجهه نظري
اعتقد دي مش مشكلة العربية دي فقط
كسعر
احنا اختفي من قاموسنا حكمة السعر مقابل القيمة
سبورتاج مش وحشه لكن كثير عليها 400
انتم ناسيين وضع البلد و الاسعار اللى ولعت فى كل السلع مش بس السيارات فقط و الدولار اللى رفع سعر رابطة الجرجير - يعنى انتم من خلال متابعة حواركم ركزتم على ذوق الناس و خفة عقلهم فى دفع مبلغ 400 الف فى سيارة كورى و مدى التصرف الغير مسئول منهم بكده و فيه ناس فى الحوار فضلت القديم على الزيرو فقط عشان بلد الصنع و السمعة القديمة زى شريحة كبيرة من الناس و ناسيين ان التكنولوجيا اليوم لم تقف عند بلد واحدة و لا احتكار على بلد او اتنين زى زمان - دلوقتى تكنولوجيا تصنيع السيارات فى شرق اسيا اصبح الديناصور القادم الذى يسحب عرش اباطرة زمان - و شوفوا الصانع الكورى و الماليزى و الهندى و الصينى حاليا بينافس اعظم الدول فى تكنولوجيا الصناعات فى كافة المجالات - خلاص الفكر القديم بتاعنا لازم يتغير و يواكب الزمن و لازم نرفع القبعة لكل المجتهدين و المتقدمين - نرجع تانى لموضوع حال البلد - دلوقتى لو فى نطاق 380 الف جنيه و هتجيب سيارة suv زيزو من صانع زى كوريا بتاريخها فى صناعة السيارات من اول الهيونداى و الكيا اللى اثبتوا نجاح عالمى مش بس فى الشرق الاوسط و حققوا مبيعات ضخمة جدا - يعنى الناس اللى فى العالم دى كلها مستوى ذكائهم لم يصل لمستوى ذكائنا فى تقييم السيارات ؟ ولا الناس دى فى العالم كله اذواقهم اقل من اذواقنا فى اختيار السيارات ؟ - لكن الحقيقة انها وجهات نظر و ميول و اذواق و لا يجب اننا نعمم او نلقى بالنظريات الثابته عن منتج او بلد او ماركة - كل واحد ليه متطلبات و بيرتاح فى انواع و قابل لتغيير المود و النوع المفضل فى اى وقت عند استشعار الرغبة فى التغيير - يبقى خلاصة الكلام - اولا - شوفوا اسعار السيارات فى مصر المحترمة وصلت كام - تانيا - شوفوا التوكيلات المحترمة اللى تشتهر بنزاهة السمعة فى الصيانة فى مصر ( و دى لازم تراعوها جدا حتى لو على حساب سيارة عن سيارة لأنك ممكن تكره نفسك و السيارة و تلعن اليوم اللى فكرت تشترى فيه ماركة سيارة توكيلها سئ فى مصر ) - ثالثا - شوف السيارة التى تتمتع بسمعة طيبة بين المجتمع المصرى ككل و ليس سيارة لها فئة محددة من البشر تعرفها و تعرف امكانياتها و لو سألت حد من الناس عليها لا يعرف حتى اسمها ؟ - رابعا - شوف السيارة اللى تجيب لك سعر فى اعادة البيع لو فكرت تبيعها لو الظروف طلبت معاك بيعها لأى ظرف - خامسا - شوف السيارة اللى قطع غيارها فى المعقول لو لا قدر الله عملت حادثة و اضطريت لتغير اجزاء كبيرة و غالية فيها - سادسا - شوف السيارة اللى تلبى احتياجاتك و احتياجات اسرتك و تكون اقتصادية فى البنزين - بكده - لو معاك من 350 الف جنيه الى 385 الف جنيه و عايز حته suv محترمة و تلاقى كل اللى اتكلمت فيه فى بلدنا مصر المحروسة - يبقى الكيا سبورتاج اختيار ناجح جدا و موفق بإذن الله و يتفوق على موديلات قريبة فى السعر منه فى مقابل توكيله فى مصر
و بالمناسبة - تصنيع كيا سبورتاج 2017 فى Slovakia و ليس فى كوريا - و بتصميمات المانية - و ممكن تشوفوا التقرير ده - يعنى نعرف امكانيات العملاق الكورى فى اضافاته التكنولوجية مقارنة بالفئة السعرية للسيارة و شمولها على كل هذه التكنولوجيا
https://www.youtube.com/watch?v=1Qopy1q2EUI
:durak::durak: يا ترى بقوا بكام دلوقتى ؟!اقتباس:
المشاركة الأصلية كتبت بواسطة asd7778
:crying2:
ال gt من اسبوع ب 470 وممكن تكون زادت ومش موجوده كتير كمان