اشتريت لوجان 2016 اول فئه

**وطني مصري** · 18-05-2016 02:40 AM

واخيرا وبعد ما دفعت الي ورايا والي قدامي جبتها ب130000 ج
كان نفسي في اوبشن اكتر بس يلا الحمد لله احسن من الشاهين الي كنت راكبها
وعلي ذكر الشاهين انا مش فاهم حاجه في العربيه الرينو كلها كومبيوتر وماسك الكاتالوج بتاع 200ورقه عمال اذاكر فيه
وموضوع الrpm في كلام كتير انه مهم بس انا مش فاهم حاجه فيه وخصوصا لو في اعطال ممكن تبان منه
وفي حاجه مضيقاني اني مش شايف ابعاد العربيه من قدام انا اول ماركبت بسال هو فين الكابوت
مش لاقيه والركنه برضه رخمه شويه
في اسلاك تحت الكرسي متوصله بيه معرفش بتاعه ايه
وقريت في الكاتالوج عن سينسور لضغط الكوتشات معرفش ده عندي ولا في الفئات التانيه
وعايز اعرف صيانه الالف كيلو بتتعمل فين وبكام وزاي احجز
دواسه البنزين اوطي من دواسه الفرامل معرفش ده عادي ولا لا
وهل سواقه الرينو الاوتوماتيك اني اجيب الفتيش علي الD وادوس بنزين واسبها تمشي ولا في حاجات المفروض اخد بالي منها وانا سايق عشان افهم العربيه واعرف قدراتها
ياريت ياجماعه الي يعرف اي معلومه يكتبها عشان شكلي عايز كورس تدريب في العربيه دي

**ashrafsaied** · 18-05-2016 03:35 PM

الف مبروك يا باشا
ربنا يباركلك فيها ويكغيك شرها
بالنسبه للفتيس حط على ال d ومتشغلش بالك ودوس حسب الحاجة
والابعاد حتتعود علبها لا تقلق ولو عايز ركب سنسور بارك او كاميرا خلفيه او الاثنين عادى المهم الكهربائى يكون محترم ودا مهم جدااااااا
والاسلاك اظن انها خاصه بحزام الامان
اما بالنسبه للصيانه اتصل بالتوكيل الاول احسن
والله اعلم

**yasser2015** · 22-05-2016 02:02 PM

الف مبروك انا عايز اشتريها وفلوسها معايا بس متردد يا ريت اللي جرب يقولي رايه

**Colin Chapman** · 22-05-2016 02:38 PM

المشاركة الأصلية كتبت بواسطة وطني مصري

واخيرا وبعد ما دفعت الي ورايا والي قدامي جبتها ب130000 ج
كان نفسي في اوبشن اكتر بس يلا الحمد لله احسن من الشاهين الي كنت راكبها
وعلي ذكر الشاهين انا مش فاهم حاجه في العربيه الرينو كلها كومبيوتر وماسك الكاتالوج بتاع 200ورقه عمال اذاكر فيه
وموضوع الrpm في كلام كتير انه مهم بس انا مش فاهم حاجه فيه وخصوصا لو في اعطال ممكن تبان منه
وفي حاجه مضيقاني اني مش شايف ابعاد العربيه من قدام انا اول ماركبت بسال هو فين الكابوت

مش لاقيه والركنه برضه رخمه شويه
في اسلاك تحت الكرسي متوصله بيه معرفش بتاعه ايه
وقريت في الكاتالوج عن سينسور لضغط الكوتشات معرفش ده عندي ولا في الفئات التانيه
وعايز اعرف صيانه الالف كيلو بتتعمل فين وبكام وزاي احجز
دواسه البنزين اوطي من دواسه الفرامل معرفش ده عادي ولا لا
وهل سواقه الرينو الاوتوماتيك اني اجيب الفتيش علي الD وادوس بنزين واسبها تمشي ولا في حاجات المفروض اخد بالي منها وانا سايق عشان افهم العربيه واعرف قدراتها
ياريت ياجماعه الي يعرف اي معلومه يكتبها عشان شكلي عايز كورس تدريب في العربيه دي

مبرووووووك من الاعماق وبالتوفيق يارب

الطريقة الصحيحة للتعامل مع الفتيس الاوتوماتيك للوجان والسانديرو 2016 الشكل الجديد كليا

لازم تركيز عالى مع صوت الفيديو والتحكم بالفتيس !!

https://www.youtube.com/watch?v=R-HAhJfyj2g

**Yehya Badr** · 23-05-2016 12:43 AM

المشاركة الأصلية كتبت بواسطة Colin Chapman

مبرووووووك من الاعماق وبالتوفيق يارب

الطريقة الصحيحة للتعامل مع الفتيس الاوتوماتيك للوجان والسانديرو 2016 الشكل الجديد كليا

لازم تركيز عالى مع صوت الفيديو والتحكم بالفتيس !!

https://www.youtube.com/watch?v=R-HAhJfyj2g

مش دا الفتيس المستخدم في مصر ! اللوجان في مصر بستخدم فتيس اسمه DPO اللي كان في الميجان و الكليو اتوماتيك !

الEasy R دا AMT مانيوال من غير دبرياج !

**Colin Chapman** · 23-05-2016 12:48 AM

المشاركة الأصلية كتبت بواسطة Yehya Badr

مش دا الفتيس المستخدم في مصر ! اللوجان في مصر بستخدم فتيس اسمه DPO اللي كان في الميجان و الكليو اتوماتيك !

الEasy R دا AMT مانيوال من غير دبرياج !

لو كلام سيادتك صحيح يبقى يا ريت يكون هو ده اللى كان ينزل مصر !!!!
الEasy R دا AMT مانيوال من غير دبرياج !

**tameem2010** · 23-05-2016 01:30 AM

الف مبروك يا ياباشا وربنا يبارك لك فيها
موضوع الكبوت ده في كل العربيات الجديدة لابتشوف كبوت ولا شنطة
ده التصميم الجديد
انت بس اللى متعود على القديم لما كان كرسي السواق اعلى من الكبوت
واحدة واحدة هتتعود
وي ابعادها زي ابعاد الشاهين
اعتبر نفسك لسه راكب الشاهين لحد ما تتعود

الفتيس الاوتوماتيك مفيهوش مشكلة بس مش بيحب الرجل التقيله
يعني تجيب الd وتاخد الدواسة واحدة واحدة ومتضغطش على الدواسه لاخرها الا لو اتزنقت في غرزة
لان الفتيس بيحس بالدواسه
الضغطة الجامدة للاخر بتخلي الموتور يجمع اسرع وتخلى النقلة على عدد لفات موتور اعلى يعني حرق على الغيار ومتعملش كده الا لو اتزنقت في غرزة انما غير كده خده واحد واحده
الاهم انك قبل ما تدي اي غيار تدوس فرامل الاول منعا ان العربية تنط منك او تتحرك وانت في مكان مزنوق
انما لو الشارع فاضي عادي براحتك

دواسة البنزين اوطى من دواسة الفرامل ده العادي جدا
والطبيعي ان دواسة الفرامل هي اعلى دواسة وده مقصود عشان لو حصل موقف مفاجئ متقومش تدوس بنزين بالغلط
لان الفرامل هي الاعلى وهي اللى هتقابلها الاول

الصيانه بتتعمل في رينو ابو رواش - او الميكانيكيون العرب
كلم الخط الرقم المختصر بتاع رينو وهما هيقولوا لك

متهيالى مفيش صيانه 1000
اول صيانه هي ال10000

بخصوص الاعطال متشغلش بالك انت لسه العربية زيرو انسى بقى الشاهين انك كل اسبوع لازم تروح تصبح على الميكانيكي

وبخصوص الاعطال اطمن لان الرينو لو دبانه وقفت على الزجاج بيديك اشاره ويقولك هش الدبانه
كل حاجة فيها بتظهر في التابلوه متشغلش دماغك

وربنا يبارك لك فيها