الموضوع: فضيحة تابلوه كورولا 2008

قلت معاه ايه كفاية مستحمل الفتيس الزبالة بتاعها. انا 2009 جنوب افريجي ومن اسوأ العربيات اللي تيوتا عملتها

المشاركة الأصلية كتبت بواسطة borio1704

هو الحقيقة أنا أول مرة أشوف حد زعلان إن التابلوه عاش معاه مدة 8 سنوات بدون مشاكل... ولما بدأ التابلوه يقدم شوية فنصح الكل إنه محدش يشتري تويوتا يا جماعة علشان التابلوه بيقدم بعد 8 سنين !!!

وبعدين تويوتا زودت الضمان لحد 2017.. مع إن المفروض الضمان يكون آخره 2013... والوكيل هو اللي بيتلكك... ذنب تويوتا إيه هنا بالضبط؟؟؟

حضرتك مهندس ميكانيكا زيي... بس لازم تعرف إن الأجزاء المطاطية والبلاستيكية بتتحلل مع الوقت... سواء مشيت بيها 81000 أو مشيت بيها مليون كيلومتر.

احنا كان عندنا تويوتا كريسيدا 82... ولما التابلوه بدأ يشقق في 1992 ما زعلتش ولا عملت كل الكلام ده.. مع العلم بإن التابلوه فضل متغطي وعليه كسوه مدة حوالي 8 سنوات.

على فكرة...مش بدافع عن تويوتا... بس افتكر العربية قلت معاك ولا عملت فيك مقلب كام مرة خلال الـ8 سنوات اللي فاتت... ولو افتكرت يبقى هو ده سبب إن تويوتا هي الصانع رقم 1 في العالم.

دلوقتي حضرتك هتفضل ورا التوكيل لحد ما يغيرولك التابلوه حسب الضمان الخاص بتاع تويوتا.. وطمنا عملت إيه.


...

حضرتك الكلام دا انا ممكن اقبلوا لو راكب عربية صيني مثلا و لا شركة ملهاش سمعة؛ العربية دي بيتم الاعتناء بيها كويس اوي و بتركن دايما في جراش تحت الارض و بعدين في ناس في روسيا و امريكا عندهم المشكلة دي و تويوتا غيرت التابلوه للعربيات دي؛ تبقي المشكلة مش في الشمس؛ المشكلة كانت في مادة التابلوه؛ انا عندي عربية نيسان بقالهل 16 سنة معايا و بتركن في الشارع و محصلش اي حاجة من كدا ؛ و عربيات تويوتا في الخليج بتجري من غير مشاكل المشكلة ان التوكيل بيداري الفضيحة دي عن اليابان. في النهاية اشكرك علي اسلوب تحليلك الراقي للمشكلة يا بشمهندس.

المشاركة الأصلية كتبت بواسطة waleedss

قلت معاه ايه كفاية مستحمل الفتيس الزبالة بتاعها. انا 2009 جنوب افريجي ومن اسوأ العربيات اللي تيوتا عملتها

العربية كموتور و عفشة كويسة اوي؛ الفتيس ممكن نستحمله في سبيل توفير البنزين و السحب الكويس للعربية بس الاجزاء الفبر الداخلية سيئة جدا فعلا!!!!

8 سنين مش كتير معابا النترا مو 94 والطابلوه بحاله الزيرو وشتا وصيف مركونه في الشارع ومن غير اي اسبري او ملمع
علي الطابلوه

لا تويوتا وعمر اكتر من كده وتستحمل
وفنفس الوقت المسألة دي مش تقيم للعربية ككل

المشاركة الأصلية كتبت بواسطة triomphe

حضرات السادة الافاضل؛ امتلك سيارة تويوتا كورولا 2008 تصنيع جنوب افريقي؛ انا المالك الاول و قطعت بها 81000 فقط؛ منذ شهرين لاحظت ان التابلوه بدء يسييح تحت حرارة الشمس و يصبح مادة لازجة:n_no[1]::n_no[1]::n_no[1]:
بحثت علي جوجل ووجد انها مشكلة ظهرت في سيارات تويوتا و ليكسيس وان تويوتا رفعت الضمان علي تابلوه تلك السيارات ل31 مايو 2017 وان عدد السيارات المعيوبة تجاوز 3.5 مليون عربية حول العالم؛ ولذا توجهت للتوكيل للمطالبة بتغييره؛ افاد المهندس انها اول مشكلة تظهر في طراز كورولا و لازم يكون في عدد كبير عنده نفس المشكلة لارسال الطلب لليابان؛ عملت بوست علي جروب كورولا و تواصل معي 20 شخص لديهم تلك المشكلة في محافظات مصر خلال يومين؛ عرفت بعد كدا ان التوكيل مش صادق و ان في ناس بلغت علي المشكلة دي قبل كدا تبقي المشكلة موجودة و التوكيل هوا اللي بيستهبل
؛ نصيحة ابعد عن تويوتا لان الصانع الاول في العالم لم يعد كذلك؛ شكرا
"ملحوظة أخيرة انا عمري ما رشيت ملمع علي التابلوه"

السلام عليكم ياريت تتطمنا عملت ايه ا والتوكيل عمل معاك ايه
انا معايه تويوتا كورولا 2008

المشاركة الأصلية كتبت بواسطة tamer_ali2666

كل الناس افترضت انه صادق في كلامه مع انه مش منطقى حتى لان التابلوه رديء الصناعه بيتقشر او يتكسر نتيجة النشوفيه عمره مايسيح خصوصا ان البينة الوحيده وهي صورة التابلوه وهو سايح مش مرفقها .

هو فعلا صادق لان عندى نفس المشكله تحس ان عليه ماده لاصقه وساحت