اعمل اية فى العيال اللى فى الشارع للمرة الثالثة

**magedm2007** · 29-11-2008 09:25 AM

صباح الفل
انا عندى عربية 127 مو 82 والعربية متصابة من يوم ماجبتها من حوالى سنتان كل لما اركن فى الشارع تحت البيت يحصل لها حاجة
انا ساكن فى اخر شارع القومية فى امبابة شارع متفرع منة والشارع دة هادى الى حد ما بس مش هادى من العيال الصغيرة اللى اديهم بتلعب فى كل حاجة من كام شهر نصحونى فى المنتدى انى اجيب غطاء للسيارة عشان بهدلة العيال وكسرهم المستمر للمساحات بتاعة العربية جبت الغطاء لقطهم بقو يقعدوا على العربية ويطلعوا على السقف لغاية ماطبقوا السقف وبقى معرج من كل ناحية ومش عارف اية السبب لية بعملوا كدا واخر الكلام لقتهم من يومين قاطعيين الغطاء بتاع السيارة بموس من اول الرفرف اليمين الى الرفرف الشمال بالعرض منهم لله اضريت اخيط الغطاء مش عارف اعمل اية ارجوكم ساعدونى فى مشكلتى المشكلة انى لما ابص من البالكونة مش بشوف اى عيل عندها ومش هفضل قاعد ليهم الحل اية ؟
ارجو الرد علية من خبراء المنتدى مع العلم انى عندى بواب للعمارة وكلمت مراتة كذا مرة وطبعا بينفضوا كالعادة ويقول لك احنا مبنشفش عيال على العربية منهم لله اية الحل
1- هل اركب ليها سنتر وانذار وهل الموضوع دة مجدى ولا لا ؟ وعايز اعرف يتكلفوا كام مع العلم العربية 2 باب ؟
2- لو حطيط زيت على الغطاء هل الموضوع دة مجدى ولا يوسخ الغطاء بالعربية مع العلم انا بحط الغطاء فى شنطة العربية ؟

ارجوا الرد على اخوكم المعذب فى الارض وشكرا

**MoDyBeNz2008** · 29-11-2008 09:35 AM

احسن حل السنتر

و دة تجيبوه wolf علشان من احسن الماركات و بالنسبة للسعر معنديش فكرة

ابعد عن الزيت علشان هيبقع في الغطاء

**kemo_nagy** · 29-11-2008 11:13 AM

أحسن حل عزل و ريح دماغك

**MoDyBeNz2008** · 29-11-2008 11:48 AM

المشاركة الأصلية كتبت بواسطة kemo_nagy

أحسن حل عزل و ريح دماغك

العيال موجودين في كل حتة

**magedm2007** · 29-11-2008 12:07 PM

بس مش زى عندى العيال عندنا تحس ان العربية حق مكتسب بالنسبة لهم يعنى الشارع بتعهم باللفية من عربيات وكل حاجة وتيجى تزعق لاى عيل تطلع امة تقول لك بتزعق لية دة الواد بيلعب شوية ومش مشكلة يخرب فى عربية الناس مش تطلع امة تقول لة عيب متخربش فى حاجة حد لا بتزعقلك انت وكأنك انت اللى غلطان ولو كترت فى الكلام تقول لك متركن فى اى حتة تانى كأنة شارع ابوها مع العلم انى مبركنش قدام بيت حد انا بركن قدام مخزن حديد مقفول ومبيتفتحش الا كل كام شهر مرة ومش عارف الحل اية ؟

**hanystar** · 29-11-2008 12:15 PM

أحسن حاجة لحضرتك تركب إنذار
بحيث لو حد قرب ناحية العربية أو طلع فوقها ذى ما بتقول الإنذار ينبهك .
وعملية السنتر والإنذار بتتكلف تقريبا من 250 : 300 جنيه
بس أنا خايف العيال كل شوية يخبطولك العربية قصد عشان الإنذار يشتغل ويستمتعوا بصوت السارينة .
دة يبقوا عيال عفاريت ملهمش حل .

**Rsarabia** · 29-11-2008 12:32 PM

المشاركة الأصلية كتبت بواسطة MoDyBeNz2008

العيال موجودين في كل حتة

جرج عربيتك

**ehabbasha30** · 29-11-2008 12:46 PM

اوعى تركب انذار لانهم هياخدوها لعبة وكل شوية يخبطوها علشان تزمر
الزيت على الغطاء هيبهدلك انت
لو عزلت فعلا العيال فى كل حتة
وغالبا طبعا مفيش جراج قريب منك
يبقى اسلم حل تبيع العربية وتركب تاكسى
هى المواصلات حرمت

**magedm2007** · 29-11-2008 01:20 PM

المشكلة ان قدامى جراج ومش عايزنى اركن لان مفيش مكان عندة كلة كومبليت وبالنسبة لاقتراح انى ابيع العربية واركب مواصلات انا فعلاا بالنسبالى العربية بقت هم بس نفعانى انا ومراتى وبنتى وكلكم عرفين بهدلة المواصلات لو كنت بطولى ومش متجوز او مراتى قاعدة فى البيت مش بتشتغل مكنتش اشترتها من اصلة دة انا بصرف عليها بنزين وخلافة اكثر من 350 جنية فى الشهر يعنى خربة بيتى
بس هعمل اية نفعانى انا ومراتى