كنت عاوز اعرف هل فيه بنوك اسلامية فعلا في تعاملاتها في مصر
لاني شوفت شيوخ كتير بتجيز بنك فيصل
هل بنك مصر معاملات اسلامية حلال
وفوائدهم بتكون قد ايه
وهل فيه بنوك افضل
عرض للطباعة
كنت عاوز اعرف هل فيه بنوك اسلامية فعلا في تعاملاتها في مصر
لاني شوفت شيوخ كتير بتجيز بنك فيصل
هل بنك مصر معاملات اسلامية حلال
وفوائدهم بتكون قد ايه
وهل فيه بنوك افضل
مافيش حاجة إسمها معاملات بنكية إسلامية فى مصر - بل فى الوطن العربي كله .
من الآخر الكل يصب فى وعاء إقتصادي واحد بمعنى بنك فيصل أو مصر أو غيره بيستثمر فى النهاية ( بخلاف الإقراض ) فى حاجة إسمها أذون الخزانة - زيرو مخاطر - ودي عبارة عن ربا (نسيء ) صريح لإنها ينطبق عليها التعريف العام للربا ( كل قرض جر نفع )
الدولة بتستلف أموال الأفراد من البنوك و تسددها بفوائد دون أن يكون للبنك أو صاحب المال الأصلي أى دور .
تجربتى مع بنك فيصل كانت فى محاولة تمويل شراء مسكن و كانت شروط البنك أن أضع وديعة بكامل سعر المسكن ( محجوزة فى البنك طوال مدة التقسيط 6 سنوات ) و يقوم البنك بسداد كامل الوحدة مرة واحدة و تظل الوحدة مرهونة للبنك طوال المدة و أسدد للبنك الأقساط بنسبة (مش فاكر بصراحة كام % ) بس وجدت إنى سأسدد للبنك مبلغ أكبر بكثير من قيمة الوديعة مضاف إليها العائد . الموضوع كان نصباية كبيرة . بس الصورة الإسلامية فى الموضوع هي أن البنك يشترى الوحدة بإسمه و بعدين يبيعها لى بمبلغ أكبر من سعر الشراء ( ثمن الوحدة + الفائدة ) و يقسط عليا السعر . طيب البنك إشترى الوحدة بفلوسى مش بفلوسه علشان ياخد مكسب .
أما بنك مصر المعاملات الإسلامية : عملت دفترين توفير للأولاد و كل 6 شهور يضاف العائد ( لا يطلق عليه فائدة فى البنوك الإسلامية بس هو فايدة ) و وجدت أنه مساوى لسعر الفائدة المعلنة من البنك . طيب البنك بياخد الفلوس دى يحطها فين . أكيد نفس الوعاء العام للبنك .
الفكرة فى فيصل إنه يقولك هيئة رقابة شرعية و أزهر و مفتي و كلام كبير من ده و فى الآخر يطلع الموضوع إنه لا يقوم بتمويل مشاريع معينة مثل الفنادق و القرى السياحية و المولات ...
لما تتعمق فى القراءة عن التمويل الإسلامي تجد إن كل اللى بيعملوه فى الدول العربية كلها عبارة عن تسويق لكلمات رنانة و معانى براقة مستغلين جهل العامة و إنجذابهم تجاه أى شيىء تم صباغته صبغة دينية ( لإننا شعب متدين بطبعه مش عارف مين اللى قال الخرافه دي )و مباركة أصحاب اللحى و العمائم و فى النهاية نسبة المصاريف الإدارية و عمولة البنك = الفائدة
بالمناسبة : لا تظن أنى أصرفك عن بنك فيصل أو أهاجمه . ده مجرد رأى و للعلم أنا حسابى فى بنك فيصل . تفضيلى لبنك فيصل ليس لأنه إسلامي و لكن لقربه من المنزل و سهولة التعامل الإليكتروني معه و سهولة التحويل من الخارج عليه و سهولة سحب الدولارات بدون تعقيد كالبنك الأهلى و بنك مصر و لمعرفتى الجيدة بالعاملين فى الفرع التابع له و بذلك أضمن سهولة إنهاء المعاملات
يعني مازالت المشكلة قائمة
عدم وجود بنك اسلامي حقيقي
مع ان معظم شيوخ السلفية يرجحون فيصل بالاسم
ويقولون انه عقد التأسيس بتاعه شرعي ولديه هيئة رقابة حقيقية
تظل النقطة اين اضع مالي
والدي كبير في السن ولا يعرف بالتجارة ولا يريد ان يضيع ماله
يعمل ايه هي ده النقطة
البعض يقول انه طالما هناك رضا بين الطرفين
المودع والبنك
اذا تسقط الحقوق
سمعت راي ان البنك الاسلامي في مصر حتى و لو لم يكن اسلامي بالمعنى الصحيح بنسبة 100% فهو في جميع الاحوال سيكون افضل من غيره............انا هنا انقل فقط و لا افتي لاني لست متخصص للفتوى...و الله اعلم...و يقال ان فيصل ربما يكون افضلهم
الزنا بالتراضى و الربا بالتراضى و كلاهما حرام
انا لا اودع فلوسي و لو اودعتها ساودعها فى حساب ادخارى فى بنك فيصل بدون فائدة
و موظف البنك كان هيبوس رجلى اخليه حساب استثمارى بفائدة ورفضت
حسابي في فيصل للتحويل من الخارج و لتسليك المصالح
كلام من صديق كان بيعمل شغل هناك ليهم
قال كل البنوك نفس الفكرة ولكن بطرق مختلفة
ليس الا
مش حقيقي ان البنوك الاسلامية في الوطن العربي كله مش ماشية بنظام اسلامي. انا جوزي بيشتغل في بيت التمويل الكويتي -في الكويت- و أقدر أكد بناء على كلامه انهم فعلا ماشيين بنظم اسلامية حقيقية و فيه لجان شرعية بتدقق في كل حاجة. انا مقدرش افتي بالنسبة للبنوك في مصر بس ده مجرد مثال اننا منعممش على حاجة مش متأكدين منها
فى السعودية بحكم تجربتي لما حبيت أخد قرض : طبعا البنك أخد ضمان السداد عن طريق تعهد الشركة بتحويل مستحقاتي و نهاية الخدمة على البنك . بعد كدة البنك بياخد 4.49% سنويا على المبلغ تحت مسمى مصاريف إدارية . طبعا القرض إسمه تمويل شخصي بس هو قرض برضه . مش شايف فيها إختلاف عن منهج القروض المتبع فى باقى الدول و أعتقد إن الخليج كله على منهج واحد .
نفس الموضوع لما تعاملت مع شركة تقسيط لشراء سيارة بس دي ممكن تكون أقرب للنظام الإسلامي إلى حد ما . لإن السيارة بالفعل تم شراءها و تملكها بواسطة شركة التقسيط ( و لكن لم يتم ترخيصها بعد إلا فى حالة بيعها للمستهلك - الله أعلم إيه الإتفاق بين الوكالة و شركة التقسيط ) بس نقدر نقول إن السلعة تم شراءها و يبيعونها بعد ذلك بمبلغ أكبر من الشراء و مقسط على المدة . مكن يكون بيت التمويل الكويتي زى كدة .
المشايخ بتفتي ان البنك الفلاني حلال!!
مين المشايخ دي لازم تقول الاسم لان هقولك طيب ما الشيخ الطنطاوي الله يرحمه احل كل البنوك حتى البنوك اللي مش فارق معاها وبتقول انا بنك ربوي اللي عايز يتعامل معايا ييجي واللي مش عايز مع السلامه طنطاوي قال بردوا عليه حلال .اصلا قال مافيش ربا بالصوره اللي ربنا حرمها في البنوك طبعا والشيخ علي جمعه.
اللي عايز يسأل يسأل الدكتور علي السالوس اكتر واحد متخصص في المعاملات دي
قال بنك فيصل البنك الوحيد اللي بنود تأسيسه لا تخالف الشرع وبيحافظ عليها ودي اهم حاجه
وعلى فكره فعلا ليه هيئة رقابه شرعيه والاهم ان رئيسها الشيخ نصر فريد واصل
طبعا االي مش مقتنع بكلامي له رأيه بس انا مجرد نقلت كلام من نعتقد انه متخصص ولازم تسأل وتتأكد لو هتشتري عربيه بتسأل وتتأكد وتلف وتشك وتجرب
في الدين لازم السؤال والتأكد اكتر.لازم تاخده من ثقه زي ما بتسأل طوب الارض قبل ماتجيب عربيه.