سينوفا السعودية......يا حسرة علي الشعب المصري الغلبان

**mohamed_prog** · 26-05-2016 02:13 AM

https://youtu.be/igQq2QEj0Vk

دا لينك لمواصفات واسعار السعودية...حاجة تجن

**Mohamed Desoky** · 26-05-2016 02:37 AM

السلام عليكم ورحمة الله وبركاته مفيش حاجه تجنن ولا حاجه الموضوع ان دول الخليج بتدخل العربيات بمواصفات الاتحاد الاوربى ومفيش اى عربيه تقدر تدخل الخليج بدون اجتياز اختبارات الجوده الاوربيه علشان كده هتلاقى الشيرى والاميجراند اعلى فئه واخيرا السينوفا المهم دول الخليج دول متقدمه عننا بمسافه كبيره وعندهم المواطن اهم شئ واول شئ و السيارات ارخص شئ بلا قيمه عندهم وطبعا العربيات اللى بتنزل الخليج غير اللى بتنزل مصر وياسلام لو تجميع محلى مش هتلاقى اى مواصفات لان ببساطه احنا معندناش مواصفات لاى منتج يدخل مصر احنا والحمدلله اوسخ عربيات بتدخل عندنا الخلاصه دول الخليج مرتبطه بمواصفات الجوده الاوربيه وشكرا

**borio1704** · 26-05-2016 11:12 PM

المشاركة الأصلية كتبت بواسطة Mohamed Desoky

السلام عليكم ورحمة الله وبركاته مفيش حاجه تجنن ولا حاجه الموضوع ان دول الخليج بتدخل العربيات بمواصفات الاتحاد الاوربى ومفيش اى عربيه تقدر تدخل الخليج بدون اجتياز اختبارات الجوده الاوربيه علشان كده هتلاقى الشيرى والاميجراند اعلى فئه واخيرا السينوفا المهم دول الخليج دول متقدمه عننا بمسافه كبيره وعندهم المواطن اهم شئ واول شئ و السيارات ارخص شئ بلا قيمه عندهم وطبعا العربيات اللى بتنزل الخليج غير اللى بتنزل مصر وياسلام لو تجميع محلى مش هتلاقى اى مواصفات لان ببساطه احنا معندناش مواصفات لاى منتج يدخل مصر احنا والحمدلله اوسخ عربيات بتدخل عندنا الخلاصه دول الخليج مرتبطه بمواصفات الجوده الاوربيه وشكرا

دول الخليج ليها مواصفات مشتركة اسمها "المواصفات الخليجية" ﻹنهم يعتبروا كيان اقتصادي واحد تقريبا (مجلس التعاون الخليجي)

وأغلب المواصفات القياسية الخليجية مأخوذة أو متوافقة مع المواصفات الأمريكية وليس الأوروبية..

المواصفات الأوروبية منتشرة في دول الشام وشمال أفريقيا بحكم القرب الجغرافي والاحتلال اللي سيطر على عقول شعوبها وحكوماتها في القرن الماضي.

أما بالنسبة لكلمة euro 4 الموجودة في بروشور العربية فده راجع ﻹن دي تعتبر اشتراطات لبعض الدول وبالذات الأوروبية علشان دخول هذه السيارات لأوروبا... ومواصفة euro 4 تعتبر من أقوى المواصفات بالنسبة لانبعاثات عوادم السيارات وأقوى من المواصفات الأمريكية في الناحية دي...

عموما... يكفي إن دول الخليج عندها مواصفات أصلا.. بدل الفوضى اللي مالية مصر...

آخر حاجة... بالنسبة للأسعار... فمشكلة مصر في أسعار السيارات مركبة من 3 أجزاء...

1- جمرك السيارات اللي بيرفع سعر أقل عربية بنسبة 67% زيادة عن سعرها الأصلي.. يعني ثلثين السعر زيادة.. وده بيروح للحكومة.

2- سعر الجنيه المصري قدام الدولار.. وطول ما الاقتصاد بيقع.. طول ما الأسعار هتفضل تزيد بجنون.

3- صغر حجم المبيعات مقارنة بعدد السكان... وده بيخلي التجار عايزة تكسب على قد ما تقدر من العربية الواحدة علشان اللي اشترى عربية مش هيشتري التانية.

قارن حجم مبيعات السعودية اللي عدد سكانها 30 مليون بحجم مبيعات مصر اللي عدد سكانها 90 مليون

السعودية بيتباع فيها حوالي 2 مليون عربية جديدة كل سنة... مقابل حوالي 150 ألف عربية جديدة كل سنة في مصر

طبعا الموضوع داخل فيه عوامل تانية وأولها القوة الشرائية. ..

سوق زي ده لو عايز أي مواصفات هتتعمله مخصوص... إنما سوق مصر يتعمله مواصفات مخصوص ليه؟؟؟ هو يسوى إيه في سوق السيارات العالمي؟؟؟

لك الله يا مصر.

...

**borio1704** · 27-05-2016 01:33 AM

المشاركة الأصلية كتبت بواسطة mohamed desoky

شكر لرد حضرتك يا هندسه ؟ يبقى فى الاول والاخر السوق المصرى فوضى ولا يوجد معاير لاى جوده لاى سلعه ؟ طيب ياباشا ايه الحل فى كده هنقضل فى الوضع ده لحد امته اسعار غاليه فى كل منتج والسلعه بايظه ايه الحل يامصر هنفضل نعاند معاكى وتعندى فى شعبك ؟ ايه الحل فيكى يابلد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

مصر مليانة مواصفات.. وبعض الدول بتاخد المواصفات المصرية كمرجع ليها...

بس المواصفات المصرية أغلبها في المواد الغذائية والصناعات الهندسية والكيماويات وكده...

إنما السيارات... لا يوجد للأسف.. ﻹنها مازالت تعتبر سلعة كمالية وأحيانا استفزازية (زي ما الحكومة شايفاها).

الله يمسيه بالخير المهندس رشيد اللي كان وزير الصناعة قبل 25 يناير.. كان الإنسان الوحيد اللي كلف هيئة المواصفات والجودة المصرية إنهم يعملوا مواصفة للسيارات... بس الثورة قامت قبل ما المواصفة تطلع...

ويبقى الحال كما هو عليه.

...