البرابيز الأمامى أتشرخ ووديته عند دكتور خالد لأصلاح الزجاج لكن يبدو أن الشرخ كان كبير عموما هو للأمانة قال و أن الشرخ حيرجع تانى لى أن الموضوع مش حيبقى كويس دلوقتى أنا أدامى خياران
الأول التوكيل و ده التكلفة مش حتقل عن 2000 جنيه مع ضمان نضافة التركيب و عند بيع العربية مايبقاش الشخص اللى شاريها يقوللك العربية أتخبطت و أنت غيرت لها البرابيز و أريح دماغى بس التكلفة عالية قوى
الثانى د جريش 450 جنيه لو غيرته عند د جريش مع العلم أنى شفت شغله بصراحة حاجة نضيفة ومحترمة
وبعدين بيعمل لنص عربيات مصر و هل ده يعيب العربية فى حالة البيع لأن دى بصراحة من الحاجات اللى أنا بأفتش عليها فى كل عربية مستعملة أشتريها لحد من أصحابى عايز رأيكم وخبراتكم الفرق يستاهل التفكير و خصوصا فى ظل الغلاء اللى أحنا بنعيشه