الموضوع: إلى ملاك ال-frv

اة ياريت فعلا عشان بجد العربية دى عملالى حاجة فى دماغى :)

لسة بدري على العربية على بال ما نعرف عيوبها ومميزاتها
العربية لسة نازلة جديد ويادوبك لسة الناس مستلمينها

وحكاية ان الموتور ميتسوبيشي دي مش لاقيها في اي موقع للعربية

بالنسبة لسعر العربية فهي بتتباع في الصين بسعر من 75000-80000 يوان
يعني حوالي 11000 دولار وده قبل ماتنزل مصر ويتعمل عليها 45% جمارك

المشاركة الأصلية كتبت بواسطة aelmostafa76

يعني بحسبة بسيطة بما أن سعر الدولار في مصر الآن 553.5 قرش
يبقى 11000 × 553.5 = 6088500 قرش = 60885 جنيه
و ده طبعا قبل اضافة الجمارك
و لو أن الجمارك 45% يبقى : 60885 × (45 / 100) = 27398.25 جنيه جمارك
بعد اضافتها على السعر قبل الجمارك يكون : 60885 + 27398.25 = 88283.25 جنيه وده بدون اضافة مكسب الوكيل اللي انا ماعرفش بيكون أد ايه ؟؟؟؟
ممكن حد يفسرلي بأه ازاااااااااااي الحسبة دي تكون منطقية ؟؟
ماعتقدش أن التوكيل بيدعم العربية دي من جيبه.
حد عنده تفسير يا ريت يوضحلنا . أنا خايف يكون المصنع الصيني بيعمل مستويات من العربية لكل منطقة و كل بلد لأني أسمع أن المنتج الصيني اللي بيروح أمريكا و أوروبا و دول الخليج بيكون مختلف تماماً عن مثيله من المنتجات اللي بتيجي مصر سواء في الخامات أو الكفاءة أو عوامل الأمان رغم التماثل في الشكل و طبعا احنا في مصر مافيش أي رقيب و العمليه آخر سبهللة و الجنيه غلب الكارنيه و ربنا يستر علينا.
يا ريت اللي عنده تفسير منطقي يقوله.
و شكرا

يا باشا الكلام دة فى اى سلعة تانية الا العربيات
ممكن اة يشيل كماليات منها لكن مش ممكن ينقص من خاماتها

و دة رد مقتبس من العضو CryptonX كريم بيوضح ان سعر الـ Frv غير مبالغ فيه

المشاركة الأصلية كتبت بواسطة CryptonX

معلش يا جماعة انا عارف انه مش مكانه و بفكر افتح موضوع مستقل

بس موضوع ان التوكيل يزود 5000 الاف علي الحاجز او غير الحاجز ده شيء طبيعي جدا في راي .. طبعا هي حركة قلة .. بس قانونية و مفيهاش اي حاجة ليه ؟

اولا من اول اعلان نزله هو قايل انه " السعر ده ترويجي لفترة محدودة جدا "

وادي اول تحذير و في ناس كتير استلمت بالسعر الاولاني فعلا ..

ثانيا لو اخدت بقى البروشور بتاع العربية او زرت المعرض حتلاقي مكتوب كدة بخط صغير زي كل اعلاانات برة .

( المواصفات و الاسعار المطروحة قابلة للتعديل او التغيير في اي وقت بدون انذار سابق )

والحتة دي حتلاقيها تقريبا في كل بروشورات اي منتج مش سيارة بس .

طب مالاسبرانزا لما نزلت كانت معولة بسعر ترويجي 59 الف جنيه و بعدين وصلت 65 الف حتى علي الحاجز ..

المشكلة بس ان العرض بتاع اسبرانزا " طول اكتر "

لو حنحسبها صح الFRV بتبتاع بمايوازي 9.000 دولار في الصين ( الموديل الي كان ب 70 الف هنا )

لو افترضنا ان مكسب التوكيل الصيني محسوب بالفعل تعالوا نحسب الجمارك ..

يعني اولا السيارة من غير جمارك تمنها 49 الف جنيه.

الجمارك و الضرائب - 55% ( 40% جمارك - 12% ضريبة مبيعات - 3% سيف وارد )

يعني بعد الجمارك و الضرائب السيارة تمنها 72 الف جنيه مصري ..

يعني هو كان مخفض عن تمنها الاصلي الفين جنيه

لما لقا ان في اقبال رفع السعر عن السعر المفورض ليها 3 الاف جنيه كمكسب ليه هو .

علما بان الناس فاكرة ان مكسب السيارات الصينية كبير بالعكس تماما

عنكم مثلا الشيري QQ السيارة المكتسحة مبيعات السيارات الرخصية في الصين و السنة دي التالتة في مبيعات الصين كلها ( 200 الف سيارة لوحدها )

عارفين مكسب شركة شيري الصينية فيها كام ؟؟

والله العظيم - 52$ !!! 52 دولار في سيارة ! يعني 283 جنيه
يعني مكسب " الموبايل " يمكن احسن :)

طبعا مش ده الوضع في كل السيارات بس لازم تفهموا ان وضع بريليانس مختلف

علي عكس كل الشركات الصينية الي بدات بسيارات رخيصة و بعدين دخلت علي التقيل ( شيري - بي واي دي - جيلي )

بريليانس طرحت الجالينا من 2004 في الصين و معملتش اي موديلات جديدة الي سنة 2007 عندما اعلنت عن السبلندور ليه ؟ علشان شركة بتحاول تحسن سيارتها مش مجرد تحشي السوق بوابل من السيارات المنعدمة الجودة او منخفضة و بعيدن ترقي نفسها ..

يعني الجالينا حدثت 4 مرات كاملة في مدار 4 سنين و السبلندور واضح جدا ان فيها تقدم جامد

فلعبوها صح عملوا ماركة بتحاول تنافس الكوري و الياباني و ليها طابع و برستيج معين و التوكيل المصري البافرية لعبها صح 100%

قدملك البيريلانس كانها احد منتجات BMW مش سيارة صينية تعتمد علي التمن الرخيص و خلاص ..

وقدملك باقة من الكماليات باسامي شيك كيد ( Exclusive - Classic - ) كانها مرسيدس طبعا ..

خلف نوع من البرستيج للسيارة .. الي خلى واحد عاقل يدفع 150 الف الي 200 جنيه في سيارة صيني ؟ اكيد اقتنع ان السيارة ليها رونق .

و طبعا انتوا عارفين في مصر كل مالعربية كبرت يبقى انت غني :) و راجل برستيج .


وبعد كل ده راحوا افتكروا بقى عامة الشعب و الطبقة بتاعة ال 60 - 70 الف جنيه !

و طبعا كله اتهوس بالعربية ليه ؟؟ علشان انت شبه مقتنه من جواك ان البريليانس دي حاجة تانية و ارقى و افخم و من البافارية ..

انما مثلا لو كانت هي هي نفس السيارة بعلامة جيلي مثلا او اي شركة صينية جديدة ولا حد كان عبرها

و دع يعبر عن مدى نجاح علي الاقل القسم التسويقي بالبافارية ..

--

انا مش بدافع علي فكرة انا بس بشرحلكوا اذاي التوكيل ده شاطر جدا و ناجح جدا في نفس الوقت .

انتوا لو زرتوا حتى فرع البافارية في روكسي مش حتلاقوا سيارة BMW واحدة .. كله بريليانس ..

CryptonX

والله الراجل ده بيقول كلام زي الفل