مشكلة السحب فى رينو سانديرو

**k404451** · 01-06-2016 01:31 PM

السلام عليكم
شباب عندى مشكلة وياريت المرادى حد يفدنى فيها
عربيتى رينو سانديرو 2013 اوتوماتيك عداد 130 الف كيلو
مشكلتى مع السحب فجأة ضعف جدا وحسيت برجه فى العربيه روحت ميكانيكى غير موبينه الرجه راحت ولكن السحب ضعيف على السرعات البطيئة لكن على السرعات العاليه مافيش مشكلة
روحت لميكانيكى تانى قالى زيت المتور وزيت الفيس محتاجين يتغيرو غيرتهم ونفس المشكلة مافيش اى جديد السحب زفت رجعتله تانى قالى هنغير بوجيهات ونظف البوابه وعملنا كدا فعلا ونفس المشكلة السحب زفت رجعتله تانى حاليا بيقولى حساس الشكمان ودا ب 850ج قلتله ماتعملش حاجه وبصراحة زقت وتعبت من اللف ورا العربيه فياريت اللى عنده فكرة عن المشكلة دى يقولى ممكن نعمل ايه ودى اخر حاجه هعملها مع العربيه بعد كدا لو ماظبطتش هبعها حتى لو ب 10 الاف جنيه
الصيانات اللى اتعملت
تغير زيت الماتور بزين 10 الاف
تغير زيت الفتيس
تغير موبينه
تغير بوجيهات
تنظيف بوابة
تغير سيور
تغير فلتر هواء
منتظر ردودكم بحل

**scientist9508** · 01-06-2016 02:35 PM

هل السياره مانيوال أم أوتوماتيك؟

كم عدد الأحصنه التى ينتجها المحرك ؟

**k404451** · 02-06-2016 01:53 AM

المشاركة الأصلية كتبت بواسطة scientist9508

هل السياره مانيوال أم أوتوماتيك؟

كم عدد الأحصنه التى ينتجها المحرك ؟

هى اوتوماتيك بس ماعرفش عدد الاحصنه لكن كانت كويسه وبعدين السحب قل

**k404451** · 02-06-2016 01:57 AM

ياجماعة هو المنتدى دا كل واحد بيدهل ياخد اللى محتاجه ويمشي وبس يعنى مافيش حد مثلا بيتابع مشاكل الاعضاء مافيش مثلا متخصصين زى اللى فى جروبات الرينو على الفيس بجد انا اسف انى حطيت مشكلتى فى صحراء وانا عارف محدش هيتابع

**ahmed.zahra** · 02-06-2016 11:31 AM

انا و الله نفسي أفيدك بس مش بصراحة مش عارف سبب المشكلة. ممكن تروح فرنش موتورز اللي في الرحاب يكشفلك عليها و ان شاء الله المشكلة تتحل.

**salam100100** · 02-06-2016 11:57 AM

مشكله تحديدها مش سهل
عندى كام سؤال:

هل المحرك بيستجيب لدوستك على دواسه البنزين- يعنى لما بتدوس بنزين ال RPM بيعلى طبيعى ولا لا؟

حضرتك بتقول السحب على السرعات البطيئه زفت لكن على السرعات العاليه مفيش مشكله. ممكن توضيح اكثر. يعنى اول وثانى بتلاقيها مكتومه وبعد كدا بتفتح؟

هل لمبه الcheck engine منوره؟
هل مثلا لاحظت استهلاك البنزين عالى بشكل ملحوظ؟
فى اى اصوات غريبه غير الرجه اللى راحت بعد تغيير البوبينه؟ يعنى صوت مثلا تسريب هواء (ممكن يكون خرطوم vacuum مفكوك مثلا)

انا عايز احاول احدد المشكله فالمحرك والقطع اللى بتخدم عليه ام فالفتيس
انا عارف انك اتخنقت من العربيه لكن صدقنى مشكلتك انشاء الله بسيطه وتتحل بدون تكلفه المهم ان الواحد يعتر فى مركز صيانه او ميكانيكى امين

**k404451** · 02-06-2016 01:22 PM

المشاركة الأصلية كتبت بواسطة ahmed.zahra

انا و الله نفسي أفيدك بس مش بصراحة مش عارف سبب المشكلة. ممكن تروح فرنش موتورز اللي في الرحاب يكشفلك عليها و ان شاء الله المشكلة تتحل.

ربنا يباركلك كفايه زوقك وردك

**Yehya Badr** · 02-06-2016 02:55 PM

1) غالبا مشكلة في دورة البنزين
2) الموتور بتاعك 110 حصان 2 صباب
3) تروح لمركز متخصص في الرينو أو ميكانيكي رينو في مساكن صقر قريش كتر اللعب في العربية مش كويس

**scientist9508** · 12-06-2016 11:21 PM

بسم الله الرحمن الرحيم

الزميل الفاضل k404451

أعتذر لك عن تأخرى فى الرد على حضرتك و لكن ذلك كان لإنشغالى الشديد فى الفتره السابقه.

لقد أجريت مكالمه هاتفيه مع الوكيل و أخبرنى أن محرك اللوجان أوتوماتيك هو محرك ميجان 1 موديل 2004

من المفترض أن يكون سحب المحرك مقبول (أقصد لا تتوقع أن يكون السحب رائع) و لكن بناءآ على شكواك فإن المحرك به شىء . . لن يظهر هذا الشىء و لن يعرفه أحد يقينآ إلا بالكشف الدقيق على المحرك

لذلك توجه من فضلك لمركز صيانة محترف ليفحص المحرك فحصآ دقيقآ و تتبين موطن العطل . . أنا أرشح لك رينو العبور

هداك الله لأرشد أمرك و أقومه

السلام عليكم و رحمة الله و بركاته