الموضوع: مميزات وعيوب الكورولا 1300 اوتوماتيك

تحليل ممتاز انا مستعد اديك عربيتى الكورولا ال 94 و تعمل تحليل زى ده لانى مش هاعرف افسر التفسير الحلو الدقيق ده تسلم ايدك

-مرتفعة عن الارض يعنى متخافش من المطبات الصناعية العالية خصوصا لو معاك ناس كتير فى العربية وايضا تعرف تنزل منها براحتك لو ركنت جنب رصيف عالى (الباب هيفتح بسهولة علشان عالى عن الرصيف ومش هيخبط فى الرصيف كما فى العربيات المخفضة) ومش تقعد تنط جوا الصالون من كرسى لكرسى علشان تنزل من الباب التانى (عندى تجربة اليمة مع ارصفة الشوارع الداخلية والانسر القديمة المنخفضة على الارض)

قبل كده قولنا الكلام ده راح الناس قالتلي اني متعصب والدنيا قامت وقعدت ....................... يعني مش لوحدي اللي متحييز لدرجة اني اقول كلام مش موجود في العربيه :roll: :roll: :roll:

انا بهزر طبعا بس علشان الناس كانت بتقول كده عليا

عفشة وباور ومساعدين ودواسات ناعمين جدا عكس الانسر

-ميزة ضم المريات بالكهرباء دى مش موجودة فى اغلب العربيات ودى تنفعك اوى لو ماشى فى شارع داخلى زنقة وفى عربية داخلة عكسك – تضم المريات فى السريع بدوسة زرار

-اضائة شديدة فى الفوانيس الامامية تخليك تشوف الطريق بوضوح فى الليل وايضا نور الصالون جامد اوى

-معزولة بلكك وفلتو كويس وخصوصا فى الخلف - يعنى مفيش صدا ولا برومة

-سعرها ثابت ومش هتخسر فيها لو حبيت تبيعها بعد كده لانها مطلوبة ومعروف سعر سوقها كام

-ضمان 3 سنوات او 100 الف كيلو ايهما اقرب

هذه ميزات تنفرد بها الكورولا عن مثيلاتها في السوق بجدارة ودي من ضمن الحاجات اللي بتعرفك يعني ايه فرق في الصناعه وفي الفلوس المدفوعه فيها
وازود عليهم الدهان ونوعيته تعتبر من اكفأ الانواع مقارنة بباقي السيارت التي في مثل هذه الفئة السعريه

يعني مثلا موضوع العزل الخلفي للسياره من تحت بالبلك والفلتو انا ادفع فيها اي فلوس في سبيل العريبه مش بعد الشتاء الاقي فيها برومه عند حروف الرفارف الخلفيه زي باقي كثير من السيارات في سوقنا واولهم النوبيرا
وهذا كان بند مهم بالنسبة لي في اختياري للسيارتي موضوع العزل ضد البرومة من تحت السيارة ومن حواف الرفارف الخلفيه والدهان ايضا ونوعيته وكفائته
وهذا موجود في السيريون بالظبط كما في الكورولا

وازيد في السيريون انه عندي كل المفصلات والأماكن اللي يوجد بها حواف للحديد مثل حروف الكبوت من الداخل
عليها عازل كالشحم في منظره ولكنه ليس له بليَن في مكانه وليس له لزوجه وملمس واضح وانما تراه ولكن تضع يدك فلا يترك على يدك اثر ويحافظ على هذه الأماكن من ان تتأثر يوما بالماء ويعزلها تماماويمنع ان يتم حدوث برومه في هذه الأجزاء وهذا بصراحه لم اجده في اي سياره اخرى من الموجودين في السوق المصري في هذه الفئة

===============

عيوبها:
-الاوتوماتيك بتاعها مش بيجمع بسرعة علشان توصل لسرعة 150 مثلا يدينى ويديك طولة العمر (الاوتوماتيك مريح جدا فى الزحمة وخصوصا وقفة كوبرى 6 اكتوبر - بس لعنة وسئ جدا على طرق السفر السريعة) لو بتسافر كتير هات مانيوال احسن –انما لو بتتزنق فوق كوبرى 6 اكتوبر او بتمشى فى شوارع زحمة وما اكثرها فى مصر خليك فى الاوتوماتيك وريح رجلك الشمال من دوسة الدبرياج ال تجيب دوالى
-اخر سرعة ليها 160 كم فى الاتوماتيك ولو جبت اخر الدواسة بتنزل للترس التالت وتلاقى صوت الموتور علَى جدا و عملك فضيحة على الطريق

متهيالي ده مش عيب الكورولا وانما عيب كل عربيه 1300 اوتوماتيك بهذا الحجم وعيب الأوتوماتيك ككل في التجميع
ولكن متهيألي الكيك داون بتحل الموضوع بسرعه
اما عن موضوع اخر سرعه فده برضه علشان العربيه عاوزه تحرق على الثالث علشان تجيب اخره وتنقل على الرابع علشان تعدي هذه السرعه ولكن المشكله ممكن تكون الريح كانت ضدك بس مش اكتر
بس هيا تجيب اكتر من كده

-صوت الموتور عالى مقارنة بباقى السيارات (يمكن علشان مفيش RPM قالوا نسمعك صوت الموتور احسن)

صوت الماتور عالي علشان سير الكاتينه جنزير فبيبقى لها صوت خشونه كده وهو علشان السير جنزير وليس كاوتش او مطاط
ولذلك غالب السيارات بتعمله كاوتش علشان الصوت ولكن انا من رايي صوت عالي أحسن ان الكاوتش ده يقطع فجأة والعربيه تجيب صبابات ووش سلندر لا قدر الله

-الابواب ناشفة - لازم تشد و ترزع الباب جامد علشان يقفل وخصوصا لو الزجاج مقفول (يمكن وضعوا جوانات وكاوتش ابواب جامد لتوفير عزل صوت وهواء وهدوء اكثر داخل الصالون)

الزجاج لما بيبقى مقفول بيبقى داخل السياره ضغط هواء ثابت فلما تقفل الباب بيحصل ضغط من الباب على الهواء اللي داخل السيارة فيحصل له رد فعل معاكس من الهواء على الباب فيدفعه
اما غير ذلك فانا ارى ان ابواب الكورولا لا بأس بها مقارنة بباقي السيارات

========================

وفي النهاية طبعا
لك جزيل الشكر على هذا التحليل الدقيق وطرح المميزات والعيوب لهذه السيارة

المشاركة الأصلية كتبت بواسطة cyber007

-واسعة من الداخل والكراسى واسعة و مريحة
انا رايى انها مش مريحه اوى وقعدتها عاليه عن بقية العربيات تحس انك قاعد فوق اوى مش جوا العربية ;)

هي فعلا ضيقه من جوا ومش مريحه