بص انا اكتر واحد محتاج غسالة لأن معنديش بقالي فترة
وأكتر واحد محتاج الغسيل يطلع مكوي من الغساله مش بس ناشف
لأن معنديش منشر ومش بحب جو المناشر دة

ومع ذلك انا رافض اني اجيب غسالة بمجفف او حتى غسالة ومجفف منفصل
انا منتظر موديل محدد من الغسالات مش متوفر بقاله فتره في السوق ومش عايز اجيب حاجة تانيه
رغم ان متوفر بمجفف لكن لأ بردو

مبدأياً المجفف الموجود بالغسالات بيكون على حساب كفائة الغسالة وبيأثر عليها على المدى البعيد
كمان المجفف بيسحب كهربا جامدة زي السخان وبياخد وقت محترم وفكرته انه بيسخن الهوا علشان المياه تتبخر من الملابس و تبقى جافة

ودة غلط عالملابس والوانها وغلط عالمكان اللي فيه الغساله .. لأن هيتجمع رطوبه شديده في المكان
الا اذا سيبت شباك مفتوح او شغلت شفاط .. وغلط على فاتورة الكهرباء :)

فأفضل حل لتنشيف الغسيل .. لو عندك مساحة زيادة في شقتك
ممكن تعمل غرفة غسيل منفصله ومجهزة بمناشر وغسالة .. وشباك تهوية .. الخ

معندكش مساحة .. يبقى منشر غسل داخلي تحوطه في البلكونه .. مش داخل الشقه
علشان الميه تتبخر برا

طبعاً المعلومات دي بعد بحث كتير وعميق عالنت في المواقع الخليجية والمصرية وقراءة تجارب الاخرين .
خاصة ستات البيوت .