عايز اشترى عربية في حدود 70 الف

**ma7moud2010** · 29-11-2008 05:40 PM

السلام عليكم
انا محمود عضو جديد في المنتدى
وانا بقالى شهر او اكتر متابع اراكم الجميلة واسلوبك المتحضر في المناقشة بدون عصبية تذكر
مطولش عليكم
انا عايز عربية نكون في حدود 70 الف بالقسط لانى معنديش المبلغ دة
بس متكنش صينى او مجمعة في الصين
انا كنت بدات اركز علي الدايو لانوس او الشفرولية لانوس بس حسيت انها بتستهلك بنزين
وكمان كنت هجيب فيات سينا بس لقتها تقفيل صينى وكمان فى كلام انة المتور مش بتاع فيات
وكنت هجيب بريلنيس frv بس التوكيل رفع سعرها
فانا عايز عربية يكون استهلكها للبنزين قليل وكمان تكون ليها قيمته
وامتى انسب وقت للشراء خصوصا انهم بيقولو الاسعر هتنزل اول السنة ا
وشكراا ليكم مقدما

**mixd99999** · 29-11-2008 07:13 PM

اول حاجة شرفت المنتدى يا استاذ محمود

بس اللي ممكن انصحك بيه دلوقتي واللي تقريبا معظم اعضاء منتدانا الكرام متفقين عليه انك تصبر شوية لاول السنة لان العملية حتى الان غير واضحة
كل شوية يطلع خبر أن الاسعار هترخص وشوية تانيين يقولو( مش عارف مين)قال ان الاسعار مش هتنزل ولا حاجة
بس اللي انامتاكد منه لو كل الناس بطلت تشتري الفترة دي الاسعار هينزلوها
والدليل على كدة التصريحات الي يتتطلع وبنسمعها ان غبور ...ورئيس الغرفة التجارية بيحاولوا يقنعوا الناس ان الاسعار مش هتنزل

وربنا يكرمنا كلنا وحال البلد دي ينصلح شوية من الجشع اللي فيها ده

**Einstein_EG** · 29-11-2008 07:14 PM

اوعى تجيب سيينا ، دى اسوء عربية عملتها فيات ، لو عاوز فيات ممكن بونتو 1300 سى سى ، امكانياتها حلوة اوى و اوبشنز كتير و موفره و اسأل عليها برده ب 72 الف ، ممكن كيا بيكانتو دى سوبر موفرة و الاوتوماتك منها ب 71 الف .

**amr22_00** · 29-11-2008 07:21 PM

منور المنتدى
هو كده الاختيارات محدوده قدامك عندك مثلا اللي ممكن انصحك بيه
1_رينو لوجان عربيه فرنساوي 100% و انيقه كويسه يعني
2_فيات بونتو كلاسيك(هاتشباك دي) دي ايطالي بس مش عارف تجميعها فين؟
والباقي عندك اللانوس والفيرنا وبس تقريبا عشان متدخلش في الصيني بقى
وربنا يوفقك

**ahmad--ezzat** · 29-11-2008 07:26 PM

المشاركة الأصلية كتبت بواسطة amr22_00

منور المنتدى
هو كده الاختيارات محدوده قدامك عندك مثلا اللي ممكن انصحك بيه
1_رينو لوجان عربيه فرنساوي 100% و انيقه كويسه يعني
2_فيات بونتو كلاسيك(هاتشباك دي) دي ايطالي بس مش عارف تجميعها فين؟
والباقي عندك اللانوس والفيرنا وبس تقريبا عشان متدخلش في الصيني بقى
وربنا يوفقك

لوجان اية يا باشا اللى فرنساوى 100 فى 100
ازا كان الميجان مش فرنساوى 100 فى 100 وتقفيل تركى
نصيحة بلاش اللوجان دى خالص شكلها وحش قطع غيار مش هتلاقيها ولو لاقيتها هتتفحم فلوس ومش معروفة اصلا ولا معترف بيها
انسب اختيار
فيرنا او شيفورلية لانوس
ملحوظة البنتو 1300 سى سى 65 حصان ب 75 اللف كتير الحقيقة

**Einstein_EG** · 29-11-2008 08:02 PM

عندك حق عريبة 1300 سى سى اتنين اير باج و سىدى و باور اليكتونى و جنوط اسبور 14 و زجاج كهربا و سنتر صناعة ايطالى و تقفيل ايطالى كتير عليها 72 الف !!!!!!!!
انا بهزر انا بس مش مقتنع انه كتير

**moh_kamal67** · 29-11-2008 10:47 PM

لو عايز التوفير بيكانتو او i10 ولكن حجمها وحجم عجلها صغير وتتراوح ب62 الف
لو عايز اكبر شوية عندك الفيفا 65500 1500 سى سى والفول اوبشن حوالى 69 الف
عندك الفيرنا هاف اوبشن 66500 او فول اوبشن 70 الف
عندك الافيو حوالى 72 الف
الرينو لوجان بتطلع من مصنع داتشيا فى رومانيا تبتدى من 70 الف ، والدفعات الجديدة من المغرب ودى اللى هاتضرب السوق حيث ان سعرها قد يصل الى 50 الف ولا حتى 55 الف ، بس الرينو قطع غيارها نار
فيه I20 من هونداى لسة منزلتش بس هاتبقى بسعر الاكسنت حوالى 79 الف
فيه سوزوكى سبلاتش هندى لسة منزلتش ودى تطوير الالتو موفرة جدا جدا ولكن 1100 سى سى ممكن توصل الى 55 الف هاف اوبشن و60 الف فول اوبشن وادائها زى البيكانتو
يبقى الاختيار الان فى الحجم وقوة الموتور مع الافيو او الفيرنا وليس التوفير
استنى شوية ومبروك عليك الاختيار مقدما
---------
لما كنت بختار لقيت هونداى i10 حلوة قوى وعاجبانى ولكن سعرها هاف اوبشن حوالى 63 الف ، طيب ماعندى الفيفا 65 الف واوسع ثم لقيت الفيرنا 1600 سى سى 106 حصان 16 صمام كامة مزدوجة هاف اوبشن ب66 الف تبقى تختار ايه ياجميل ، الفيرنا تحفة تحفة تحفة وموتورها اقوى من العربية بمراحل بتاع النترا 2006 مرعب مرعب مرعب ، صاروخ موجه ياباشا ، وخلى بالك من دوسة البنزين احسن تغطس فى الكرسى